‘Namibië, jy is pragtig,’ sê Tom Cruise-span
Ronelle Rademeyer - Die antieke koningin het herleef. The Mummy het opgestaan tussen die sandduine van die Namib om wraak te neem.
Tom Cruise en sy mede-akteurs in die herverwerking van dié gewilde fliek is sedert verlede week besig om op tien plekke in en om die omgewing van Walvisbaai daaraan te skiet, skryf die nuusagentskap Xinhua.
Annabelle Wallis van The Tudors-faam wat in die vroulike hoofrol teenoor Cruise speel, het die naweek op haar Instagram-blad geskryf “Namibië, jy is pragtig en ons is so opgewonde om hier te wees”.
Wallis, Jake Johnson (die grapjas in New Girl) en Sofia Boutella, wat die titelrol vertolk, het foto’s op Instagram gedeel.
Boutella het uit “The Little Prince” van Antoin de Saint-Exupery aangehaal en geskryf: “What makes the desert beautiful is that somewhere it hides a well.”
Die ander bekende akteurs op die stel is Russel Crowe, die Gladiator-akteur, en Courtney B. Vance, wat onlangs in die reeks The People v. O.J. Simpson gespeel het.
Die vervaardiger, Sean Daniel, het Sondag in ’n verklaring gesê die totale vervaardigingspan bestaan uit 650 mense, van wie 200 Namibiërs is, berig Xinhua.
Hy sê die span het ’n kamp opgerig naby Walvisbaai en voel trots om Namibië “se asemrowende landskap in die fliek te vertoon”.
“Namibië het ons met ope arms verwelkom. Dit is net danksy die ongelooflike en hardwerkende Namibiese span, en die warm gasvryheid wat ons van hulle en die gemeenskap ontvang, wat ons die werk kan doen,” het Daniel in die verklaring gesê.
The Mummy gaan oor ’n antieke koningin wat terugkeer uit die dood om wraak te neem.
Tom Cruise en sy mede-akteurs in die herverwerking van dié gewilde fliek is sedert verlede week besig om op tien plekke in en om die omgewing van Walvisbaai daaraan te skiet, skryf die nuusagentskap Xinhua.
Annabelle Wallis van The Tudors-faam wat in die vroulike hoofrol teenoor Cruise speel, het die naweek op haar Instagram-blad geskryf “Namibië, jy is pragtig en ons is so opgewonde om hier te wees”.
Wallis, Jake Johnson (die grapjas in New Girl) en Sofia Boutella, wat die titelrol vertolk, het foto’s op Instagram gedeel.
Boutella het uit “The Little Prince” van Antoin de Saint-Exupery aangehaal en geskryf: “What makes the desert beautiful is that somewhere it hides a well.”
Die ander bekende akteurs op die stel is Russel Crowe, die Gladiator-akteur, en Courtney B. Vance, wat onlangs in die reeks The People v. O.J. Simpson gespeel het.
Die vervaardiger, Sean Daniel, het Sondag in ’n verklaring gesê die totale vervaardigingspan bestaan uit 650 mense, van wie 200 Namibiërs is, berig Xinhua.
Hy sê die span het ’n kamp opgerig naby Walvisbaai en voel trots om Namibië “se asemrowende landskap in die fliek te vertoon”.
“Namibië het ons met ope arms verwelkom. Dit is net danksy die ongelooflike en hardwerkende Namibiese span, en die warm gasvryheid wat ons van hulle en die gemeenskap ontvang, wat ons die werk kan doen,” het Daniel in die verklaring gesê.
The Mummy gaan oor ’n antieke koningin wat terugkeer uit die dood om wraak te neem.
Kommentaar
Republikein
Geen kommentaar is op hierdie artikel gelaat nie