Tsumeb se Koperfees om die draai
Die Tsumeb Koperfees en handelskou vind vanjaar vanaf 2 tot 5 November by die United Nations-park plaas onder die tema “Koper wis armoede uit”.
Benewens dat dit mense in ’n feestelike atmosfeer byeenbring, is dit ook die ideale geleentheid vir die dorp om sy potensiaal vir ekonomiese vooruitgang te vertoon en waarde by die plaaslike ekonomie te voeg, aldus die voorsitter van die feeskomitee, mnr. Julius Gaeseb.
Hy het voorts verduidelik die fees is gevestig om te dien as een van die ekonomiese arms van die munisipale raad en dat dit ’n geleentheid aan entrepreneurs bied om hul produkte en dienste te vertoon. “Deur die jare heen het die fees reeds duisende besoekers en uitstallers gelok,” sê hy. “Dit gee ook aan besoekers en inwoners die kans om die geskiedenis en besondersheid van ons mooi dorp te ontdek.”
Gaeseb sê die fees verander elke jaar van formaat. “Toe dit begin is, is daar hoofsaaklik op die bevordering van kultuur gefokus, maar deesdae gaan dit meer oor die ontwikkeling van vaardighede en kapasiteit vir ontluikende besighede,” het hy gesê.
“Hierdie jaar het ons die aantal uitvoerende kunstenaars beperk en eerder belê in hulpbronne wat ’n groter sosiale impak het, naamlik die ontwikkeling van vaardighede. Ons belê dus in tasbare aktiwiteite wat meebring dat die fees omskep sal word in ’n vaardigheidsontwikkeling-platform vir beide ons uitstallers en besoekers.”
Gaeseb het die munisipaliteit vir sy bystand geloof en gesê onder die bekwame leierskap van me. Christofina Kasiringua kan die gemeenskap voortgaan om deel te wees van ’n fees wat bydra tot die dorp se ekonomie.
Hy het ook sy dank uitgespreek teenoor die plaaslike tak van die Namibiese Kamer van Handel en Nywerheid, die ministerie van nywerheidsontwikkeling, handel en SME-ontwikkeling en talle ander borge.
Benewens dat dit mense in ’n feestelike atmosfeer byeenbring, is dit ook die ideale geleentheid vir die dorp om sy potensiaal vir ekonomiese vooruitgang te vertoon en waarde by die plaaslike ekonomie te voeg, aldus die voorsitter van die feeskomitee, mnr. Julius Gaeseb.
Hy het voorts verduidelik die fees is gevestig om te dien as een van die ekonomiese arms van die munisipale raad en dat dit ’n geleentheid aan entrepreneurs bied om hul produkte en dienste te vertoon. “Deur die jare heen het die fees reeds duisende besoekers en uitstallers gelok,” sê hy. “Dit gee ook aan besoekers en inwoners die kans om die geskiedenis en besondersheid van ons mooi dorp te ontdek.”
Gaeseb sê die fees verander elke jaar van formaat. “Toe dit begin is, is daar hoofsaaklik op die bevordering van kultuur gefokus, maar deesdae gaan dit meer oor die ontwikkeling van vaardighede en kapasiteit vir ontluikende besighede,” het hy gesê.
“Hierdie jaar het ons die aantal uitvoerende kunstenaars beperk en eerder belê in hulpbronne wat ’n groter sosiale impak het, naamlik die ontwikkeling van vaardighede. Ons belê dus in tasbare aktiwiteite wat meebring dat die fees omskep sal word in ’n vaardigheidsontwikkeling-platform vir beide ons uitstallers en besoekers.”
Gaeseb het die munisipaliteit vir sy bystand geloof en gesê onder die bekwame leierskap van me. Christofina Kasiringua kan die gemeenskap voortgaan om deel te wees van ’n fees wat bydra tot die dorp se ekonomie.
Hy het ook sy dank uitgespreek teenoor die plaaslike tak van die Namibiese Kamer van Handel en Nywerheid, die ministerie van nywerheidsontwikkeling, handel en SME-ontwikkeling en talle ander borge.
Kommentaar
Republikein
Geen kommentaar is op hierdie artikel gelaat nie