Verhoor begin eers tien jaar ná moord
Vermoor glo sy swanger meisie
Die beskuldigde in 'n grumoord wat reeds in 2012 op Rehoboth plaasgevind het, word nou eers verhoor en was die afgelope tien jaar vry op borgtog.
Die verhoor van ’n man wat na bewering sy 18-jarige meisie reeds tien jaar gelede vermoor het, se verhoor het eers op 26 Julie vanjaar begin.
Mnr. Deon Boois se meisie, me. Barbara Ganses, was 15 weke swanger met tweelingseuns.
Boois het aan die begin van sy verhoor onskuldig voor regter Naomi Shivute gepleit.
Die verhoor is geskeduleer om tot vandag te duur en die staat sal na verwagting vandag sy laaste getuie roep.
Die staat beweer dat Boois die oorledene in Desember 2012 vier keer met ’n mes in hul huis op Rehoboth Blok E gesteek het. Ganses is ook in die hart gesteek en is sy op die toneel dood.
Volgens die staat het Boois daarna na sy ma en suster gegaan en hulle gevra om hom dood te maak, omdat hy sy vrou en kinders vermoor het.
Dié weergawe van gebeure is tydens die verhoor deur Boois, by monde van sy regshulpverteenwoordiger, mnr. Joseph Andreas, ontken.
Boois het gesê hy het op dié noodlottige dag vanaf 18:00 by ’n vriend se huis gekuier. Volgens hom het hulle gedrink en flieks tot 23:00 gekyk.
Hy is glo daarna huis toe waar hy op Ganses se lewelose liggaam afgekom het en na sy ma en suster gehaas het om hulle te vertel.
BORGTOG
Ná Boois se arrestasie is borgtog aan hom toegestaan weens die aanklaer-generaal se versuim om die landdroshof in te lig waar en op watter klagte hy aangekla moet word.
Hy is tans steeds vry op borgtog met dieselfde borgtogvoorwaardes wat geld.
Boois staan tereg op een klag van moord, saamgelees met die bepalings van die wet op die bekamping van huishoudelike geweld.
– [email protected]
Mnr. Deon Boois se meisie, me. Barbara Ganses, was 15 weke swanger met tweelingseuns.
Boois het aan die begin van sy verhoor onskuldig voor regter Naomi Shivute gepleit.
Die verhoor is geskeduleer om tot vandag te duur en die staat sal na verwagting vandag sy laaste getuie roep.
Die staat beweer dat Boois die oorledene in Desember 2012 vier keer met ’n mes in hul huis op Rehoboth Blok E gesteek het. Ganses is ook in die hart gesteek en is sy op die toneel dood.
Volgens die staat het Boois daarna na sy ma en suster gegaan en hulle gevra om hom dood te maak, omdat hy sy vrou en kinders vermoor het.
Dié weergawe van gebeure is tydens die verhoor deur Boois, by monde van sy regshulpverteenwoordiger, mnr. Joseph Andreas, ontken.
Boois het gesê hy het op dié noodlottige dag vanaf 18:00 by ’n vriend se huis gekuier. Volgens hom het hulle gedrink en flieks tot 23:00 gekyk.
Hy is glo daarna huis toe waar hy op Ganses se lewelose liggaam afgekom het en na sy ma en suster gehaas het om hulle te vertel.
BORGTOG
Ná Boois se arrestasie is borgtog aan hom toegestaan weens die aanklaer-generaal se versuim om die landdroshof in te lig waar en op watter klagte hy aangekla moet word.
Hy is tans steeds vry op borgtog met dieselfde borgtogvoorwaardes wat geld.
Boois staan tereg op een klag van moord, saamgelees met die bepalings van die wet op die bekamping van huishoudelike geweld.
– [email protected]
Kommentaar
Republikein
Geen kommentaar is op hierdie artikel gelaat nie