171 toets positief, twee sterf

Twee Covid-19-verwante sterfgevalle is aangemeld en wel een in Windhoek en een in Karasburg. Die sterfgeval in Windhoek is 'n 60-jarige man en die sterfgeval in Karasburg 'n 62-jarige vrou. Albei het onderliggende mediese toestande gehad. Dit bring die getal sterftes vir die land op 89 te staan.

Uit 1 409 weefselmonsters wat getoets is, het 171 positief vir Covid-19 getoets. Hiervan is 97 vroue en 74 mans. Die jongste is een maand oud en die oudste 79 jaar oud. Uit die 171 nuwe gevalle is 120 in Windhoek, 15 in Swakopmund, 12 in Walvisbaai, sewe in Okahandja, twee elk in Grootfontein en Otjiwarongo, een in Okakarara, vyf in Rehoboth, twee elk in Mariental en Rundu, een in Andara en twee in Katima Mulilo. Dit bring die totaal vir die land op 8 685 te staan.

Intussen het nog 143 mense herstel wat die totaal op 3 786 te staan bring. Dit sluit 40 in Oshana, 38 in //Kharas, 38 in Hardap, 18 in Oshikoto en nege in Erongo in.

Die aktiewe gevalle staan huidig op 4 810. Hiervan is 20 baie ernstig of kritiek. Tans word 9 195 kontakte gemonitor, 70 346 weefselmonsters is tot op hede getoets en 1 413 mense is in kwarantyngeriewe oraloor in die land.