Afsnylaag kan dié week reën bring
LandWater het Maandag gesê vandeesweek kan nog “ontsettend mooi en gevaarlik vir Namibië word”.
Elvira Hattingh – Terwyl een weerkenner waarsku ’n ongewone afsnylaag mag weerstoestande vandeesweek nog glo selfs “gevaarlik” vir Namibië maak, het November die reënseisoen vir die Noordooste ingelei.
Die ministerie van werke en vervoer se meteorologiese diens sê in hul reënbulletin wat Maandag uitgereik is, die meeste plekke in die Noordooste in November het normale tot bo-normale reën ontvang, terwyl dit minstens 20 mm oraloor op plekke in dié gebied gereën het.
Dit is egter met uitsondering van die oostelike dele van die Kavango-Oosstreek. Terselfdertyd was reënneerslae in November ondergemiddeld oor die res van Namibië.
Die meteorologiese diens sê Ngoma in die Zambezistreek het vir November die meeste reën binne 24 uur aangeteken. Hier is 69,5 mm reën op 29 November ontvang– wat andersins gelyk is aan hul maandelikse gemiddeld vir November.
Terselfdertyd het Bukalo (Zambezi) ook 58,4 mm reën in 24 uur gekry, gevolg deur Mpungu (Kavango-Wes) wat 55 mm ontvang het en Kaisosi (Kavango-Oos) 50 mm.
VOORUITSIGTE
LandWater, 'n nieregeringsorganisasie wat satellietfoto's wetenskaplik analiseer en interpreteer, het Maandag gesê vandeesweek kan nog “ontsettend mooi en gevaarlik vir Namibië word”.
Dit, omdat ’n afsnylaag moontlik oor Angola en Botswana gaan vorm. Hoe meer wes dié stelsel dan beweeg, sê LandWater, hoe meer reën sal dit vir Namibië kan bring.
“’n Afsnylaag, die uiterste vorm van 'n geslotelaag in die bolug, dreig om op 'n meer nietradisionele plek te vorm én boonop 'n ‘vleuelmaat’ vanaf die Atlantiese Oseaan mag bykry,” is gesê.
LandWater meen sou dié vooruitsig realiseer, kan voorspelde reënvolumes aansienlik oortref word.
“Dit is 'n ontwikkelende situasie en is daarom ver van seker, maar as dit wel gebeur, sit ons moontlik op 'n baie gevaarlike punt, met Namibië en Botswana én die westelike helfte van Suid-Afrika wat sterk geteiken kan word,” het LandWater verduidelik. - [email protected]
Die ministerie van werke en vervoer se meteorologiese diens sê in hul reënbulletin wat Maandag uitgereik is, die meeste plekke in die Noordooste in November het normale tot bo-normale reën ontvang, terwyl dit minstens 20 mm oraloor op plekke in dié gebied gereën het.
Dit is egter met uitsondering van die oostelike dele van die Kavango-Oosstreek. Terselfdertyd was reënneerslae in November ondergemiddeld oor die res van Namibië.
Die meteorologiese diens sê Ngoma in die Zambezistreek het vir November die meeste reën binne 24 uur aangeteken. Hier is 69,5 mm reën op 29 November ontvang– wat andersins gelyk is aan hul maandelikse gemiddeld vir November.
Terselfdertyd het Bukalo (Zambezi) ook 58,4 mm reën in 24 uur gekry, gevolg deur Mpungu (Kavango-Wes) wat 55 mm ontvang het en Kaisosi (Kavango-Oos) 50 mm.
VOORUITSIGTE
LandWater, 'n nieregeringsorganisasie wat satellietfoto's wetenskaplik analiseer en interpreteer, het Maandag gesê vandeesweek kan nog “ontsettend mooi en gevaarlik vir Namibië word”.
Dit, omdat ’n afsnylaag moontlik oor Angola en Botswana gaan vorm. Hoe meer wes dié stelsel dan beweeg, sê LandWater, hoe meer reën sal dit vir Namibië kan bring.
“’n Afsnylaag, die uiterste vorm van 'n geslotelaag in die bolug, dreig om op 'n meer nietradisionele plek te vorm én boonop 'n ‘vleuelmaat’ vanaf die Atlantiese Oseaan mag bykry,” is gesê.
LandWater meen sou dié vooruitsig realiseer, kan voorspelde reënvolumes aansienlik oortref word.
“Dit is 'n ontwikkelende situasie en is daarom ver van seker, maar as dit wel gebeur, sit ons moontlik op 'n baie gevaarlike punt, met Namibië en Botswana én die westelike helfte van Suid-Afrika wat sterk geteiken kan word,” het LandWater verduidelik. - [email protected]
Kommentaar
Republikein
Geen kommentaar is op hierdie artikel gelaat nie