Dollar maak steeds sake vir rand moeilik

Die rand gaan waarskynlik nie op eie stoom tot onder die R14-vlak teenoor die dollar breek nie.

Hy gaan van iewers 'n groot hupstoot moet kry.

Só sê Annabel Bishop, hoofekonoom by Investec, Dinsdag in 'n nota.

Die rand verhandel sedert Vrydag na aan die R14-vlak, maar kry dit nie reg om deur die vlak te breek nie.

Vroeg Woensdagoggend verhandel die rand teen R14,11 teenoor die Amerikaanse geldeenheid.

Bishop meen indien die Amerikaanse Federale Reserweraad wél besluit om rentekoerse met 25 persentasiepunte te verlaag, dit waarskynlik genoeg sal wees om die rand te help.

Suid-Afrikaners gaan egter nog 'n maand moet wag om te sien of haar voorspelling reg is.

Die Fed maak sy besluit oor rente­koerse eers op 31 Julie bekend.

Die rand het vroeg Woensdagoggend teen R17,77 teenoor die Britse pond en R15,93 teenoor die euro verhandel.



Met hulpbronne staan sake soos volg:

• Goud: US$1 427,80 per fynons

• Platinum: US$830 per ons

• Olie: US$62,65 per vat



Digitale geld

• Bitcoin: US$11 355,91/R174 368

• Ethereum: US$296,34/R4 530

– Netwerk24