Halfmiljoen se juwele op Swakop gesteel

Drie mans het na bewering gisteraand by ‘n juwelierswinkel op Swakopmund ingebreek en met juwele ter waarde van sowat N$500 000 spore gemaak. Die vermeende diewe het die winkel, Indigo Blue Gemstones and Jewellery, se ruit op drie plekke stukkend geslaan en toegang tot ’n glasvertoonkas gekry. Sekuriteitswagte van G4S het om 23:30 toe die alarm afgegaan het, na die toneel gehaas. Toe hulle vier minute later daar aankom was die drie mans reeds weg.