Leerlingposte vir medici geskep
'n Tender vir mediese toerusting is gefinaliseer en gaan aan die Sentrale Verkrygingsraad voorgelê word.
Henriette Lamprecht - Die ministerie van gesondheid en maatskaplike dienste is besig om saam met die Openbare Dienskommissie en die kantoor van die eerste minister te kies watter goedgekeurde poste onmiddellik beskikbaar gemaak kan word vir die aanstelling van leerlingdokters, -verpleegsters, -tandartse en –aptekers.
Volgens dr. Bernard Haufiku, minister van gesondheid en maatskaplike dienste, volg dit op die voltooiing van die ministeriële herstruktureringsproses vir alle poste wat in ooreenstemming met die Wêreldgesondheidsorganisasie (WHO) se aanwysers vir personeel en hul onderskeie werksladings (WISN) geskep is. Haufiku was aan die woord tydens sy ministerie se nasionale forum vir bestuursontwikkeling wat in Windhoek plaasvind.
Hy het erken die “komplekse proses om van die ou na die nuwe struktuur” te beweeg, neem tyd.
“Die ministerie het egter goed gevaar om menslike hulpbronne vir gesondheid op te lei in reaksie op voorstelle van die presidensiële kommissie van ondersoek van 2012-'13,” het Haufiku gesê.
Met verwysing na infrastruktuur is 'n tender vir mediese toerusting volgens hom gefinaliseer wat eersdaags aan die Sentrale Verkrygingsraad vir 'n finale besluit en toekenning voorgelê sal word.
“Wanneer dit suksesvol afgehandel is, sal die probleem van 'n gebrek aan mediese toerusting in die ministerie iets van die verlede wees.”
Operasionele toerusting
In ooreenstemming hiermee sal alle diagnostiese en operasionele toerusting soos skandeerders en sonarmasjiene as deel van die ooreenkoms op streeksvlak voorsien word.
Haufiku het verwys na veral die staatshospitaal op Oshakati wat buiten 'n MRI-skandeerder ook 'n afdeling vir die bestraling van onkologiepasiënte dringend benodig.
“Dieselfde kan van die kus, Katima Mulilo, Keetmanshoop, Otjiwarongo en ook die Opuwo-distrikshospitaal gesê word. Dié toerusting is basiese noodsaaklikhede, nie luukshede nie.”
Haufiku het ook die hoop uitgespreek dat die regskwessie wat masjiene vir nierdialise betref, spoedig opgelos sal word om te verseker die staat kan dié broodnodige diens aan alle Namibiërs lewer.
Volgens hom is die eHealth-stelsel voorts nodig om pasiënte se rekords “vinniger en beter” te bestuur.
“eHealth strek tot groot voordeel van ons doeltreffendheid as ministerie. Dit is noodsaaklik dat dit vroeër eerder as later geïmplementeer word.”
Die minister het beklemtoon private-openbare vennootskappe is nodig omdat finansiering en die beskikbaarheid van tegniese vaardighede tans reusestruikelblokke in die pad van dienslewering plaas.
Haufiku het gemaan die gehalte van sorg, en veral die tyd wat dit neem vir 'n pasiënt om die vereiste gesondheidsdienste te bekom, steeds 'n kopseer is.
“Elkeen van ons moet dit verbeter, omdat burgers ons direkte kliënte is wat ons op 'n daaglikse basis dien. Dit beteken om vertroue by die publiek te vestig en dit te handhaaf.”
Volgens hom werk die ministerie ook saam met die Konfederasie van Suidelike Gesondheidsrade- en verenigings (COHSASA) om standaarde in die openbare gesondheidsektor te vestig en te handhaaf.
“COHSASA-standaarde is geen grap nie en jy moet sweet om die vereiste standaard te bereik. Ons moet egter net daarvoor gaan.”
Nog 'n poging om kliëntetevredenheid te verbeter en die nodige hupstoot te gee, is die instelling van naamplaatjies, kliniese gidse, asook 'n nasionale inbelsentrum.
“Ons sal onsself voortgeset monitor en evalueer en natuurlik verander waar verandering nodig is.”
Volgens Haufiku moet pasiënte egter ook hand in eie boesem steek oor hul optrede teenoor mediese personeel.
“Dikwels is dit pasiënte wat verpleegsters en dokters sleg behandel, veral by ongevalle-afdelings en dikwels onder die invloed van alkohol.”
Volgens Haufiku is sy droom vir die ministerie om teen 2030 'n leier in die voorsiening van kwaliteit- en gelyke gesondheidsorgdienste vir alle Namibiërs te wees.
“'n Ontwikkelde Namibië waar almal gesond, gelukkig en vooruitstrewend is.”
Volgens dr. Bernard Haufiku, minister van gesondheid en maatskaplike dienste, volg dit op die voltooiing van die ministeriële herstruktureringsproses vir alle poste wat in ooreenstemming met die Wêreldgesondheidsorganisasie (WHO) se aanwysers vir personeel en hul onderskeie werksladings (WISN) geskep is. Haufiku was aan die woord tydens sy ministerie se nasionale forum vir bestuursontwikkeling wat in Windhoek plaasvind.
Hy het erken die “komplekse proses om van die ou na die nuwe struktuur” te beweeg, neem tyd.
“Die ministerie het egter goed gevaar om menslike hulpbronne vir gesondheid op te lei in reaksie op voorstelle van die presidensiële kommissie van ondersoek van 2012-'13,” het Haufiku gesê.
Met verwysing na infrastruktuur is 'n tender vir mediese toerusting volgens hom gefinaliseer wat eersdaags aan die Sentrale Verkrygingsraad vir 'n finale besluit en toekenning voorgelê sal word.
“Wanneer dit suksesvol afgehandel is, sal die probleem van 'n gebrek aan mediese toerusting in die ministerie iets van die verlede wees.”
Operasionele toerusting
In ooreenstemming hiermee sal alle diagnostiese en operasionele toerusting soos skandeerders en sonarmasjiene as deel van die ooreenkoms op streeksvlak voorsien word.
Haufiku het verwys na veral die staatshospitaal op Oshakati wat buiten 'n MRI-skandeerder ook 'n afdeling vir die bestraling van onkologiepasiënte dringend benodig.
“Dieselfde kan van die kus, Katima Mulilo, Keetmanshoop, Otjiwarongo en ook die Opuwo-distrikshospitaal gesê word. Dié toerusting is basiese noodsaaklikhede, nie luukshede nie.”
Haufiku het ook die hoop uitgespreek dat die regskwessie wat masjiene vir nierdialise betref, spoedig opgelos sal word om te verseker die staat kan dié broodnodige diens aan alle Namibiërs lewer.
Volgens hom is die eHealth-stelsel voorts nodig om pasiënte se rekords “vinniger en beter” te bestuur.
“eHealth strek tot groot voordeel van ons doeltreffendheid as ministerie. Dit is noodsaaklik dat dit vroeër eerder as later geïmplementeer word.”
Die minister het beklemtoon private-openbare vennootskappe is nodig omdat finansiering en die beskikbaarheid van tegniese vaardighede tans reusestruikelblokke in die pad van dienslewering plaas.
Haufiku het gemaan die gehalte van sorg, en veral die tyd wat dit neem vir 'n pasiënt om die vereiste gesondheidsdienste te bekom, steeds 'n kopseer is.
“Elkeen van ons moet dit verbeter, omdat burgers ons direkte kliënte is wat ons op 'n daaglikse basis dien. Dit beteken om vertroue by die publiek te vestig en dit te handhaaf.”
Volgens hom werk die ministerie ook saam met die Konfederasie van Suidelike Gesondheidsrade- en verenigings (COHSASA) om standaarde in die openbare gesondheidsektor te vestig en te handhaaf.
“COHSASA-standaarde is geen grap nie en jy moet sweet om die vereiste standaard te bereik. Ons moet egter net daarvoor gaan.”
Nog 'n poging om kliëntetevredenheid te verbeter en die nodige hupstoot te gee, is die instelling van naamplaatjies, kliniese gidse, asook 'n nasionale inbelsentrum.
“Ons sal onsself voortgeset monitor en evalueer en natuurlik verander waar verandering nodig is.”
Volgens Haufiku moet pasiënte egter ook hand in eie boesem steek oor hul optrede teenoor mediese personeel.
“Dikwels is dit pasiënte wat verpleegsters en dokters sleg behandel, veral by ongevalle-afdelings en dikwels onder die invloed van alkohol.”
Volgens Haufiku is sy droom vir die ministerie om teen 2030 'n leier in die voorsiening van kwaliteit- en gelyke gesondheidsorgdienste vir alle Namibiërs te wees.
“'n Ontwikkelde Namibië waar almal gesond, gelukkig en vooruitstrewend is.”
Kommentaar
Republikein
Geen kommentaar is op hierdie artikel gelaat nie