’n Brug tussen die stadslewe, kunswêreld

Met die aankondiging van die Otjomuise Live Arts Festival (OLAF) - ’n projek deur die Goethe-Instituut en die Nasionale Teater (NTN) – het meer as 30 kunstenaars die paal gehaal om deel te neem aan dié weeklange fees wat vanaf 6 tot 13 November regoor die hoofstad sal plaasvind.
OLAF is op die been gebring vanweë die ontoeganklikheid van verskeie artistieke platforms vir die meerderheid van Windhoek se inwoners. Dié platforms is dikwels beperk tot binnenshuise ruimtes en – by tye – ontoeganklike gebiede in die stad.