Noorde-predikante kap SA kerk oor gay dominee
DS. HECTOR JOOSTE VAN OTJIWARONGO SKRYF:
In my hoedanigheid as leraar van die NG Kerk Otjiwarongo spreek ek my geweldige onsteltenis uit oor die NG Gemeente Kraaifontein-Parke in Suid-Afrika se ordening van ‘n openlik homoseksuele predikant.
Ek het die saak reeds met die voorsitter van die Kerkraad opgeneem, en die saak sal DV op die eerskomende Kerkraadsvergadering, nl. eerskomende Dinsdag die 12de Maart hanteer word. Die Kerkraad van die NG Kerk Otjiwarongo sal dan besluit oor gepaste optrede.
In die Kerkbode staan dit so: "Ds. Nelis Janse van Rensburg, voorsitter van die algemene sinodale moderamen, het (ds. Louis) Van der Riet namens die breër kerkverband verwelkom. “Ons is oneindig trots daarop dat jy jou weg oopgesien het tot hier.”
Van der Riet sê dat hy nie net homoseksueel is van sy middellyf af boontoe nie!
In skerp teenstelling tot die kerkleiers se verwarring, word sodomie helder en duidelik in God se onfeilbare Woord as sonde veroordeel. Die Skrif is nie verward oor hierdie saak nie.
Klaarblyklik is die 3 000 lidmate van die betrokke gemeente egter onder 'n narkoseslaap en reeds so gebreinspoel dat hulle nie die vermoë het om die Waarheid van die Skrif te onderskei en kragdadig op te staan teen hierdie skande nie.
Die NG Kerk besef blykbaar nie met watter duistere magte hy speel nie. Die kerk se skande het sy trots geword.
Van kerkleiers of sinodes sal daar nie redding kom nie. Slegs 'n Godgewerkte, hemelgebore, Heilige Gees-gedrewe herlewing van terugkeer na die Waarheid van die Woord en terugkeer tot die lewende God in diepe berou en bekering sal hierdie kerk (of 'n oorblyfsel deur genade bewaar) kan red. Mag Hy genadiglik ingryp!
Ek verwys ook graag na ds. Johannes de Koning van Tsumeb se inskrywing op sy webjoernaal “Woord-Skatte gemyn op Tsumeb”:
KRAAIFONTEIN (PARKE GEMEENTE) BEKEER JULLE!
Ons weet teen die tyd seker almal dat die NGK Parke gemeente (in Kraaifontein) in die Kaap ‘n openlik homoseksuele predikant aangestel het. Dit veroorsaak natuurlik (tereg) groot bohaai en ontsteltenis by God se kinders in alle kerkverbande.
In my persoonlike hoedanigheid as leraar van die NG Kerk Tsumeb wil ek myself net kortliks hieroor uitspreek ter wille van duidelikheid en vir die rekord:
1 .Die aanstelling van ‘n openlike homoseksueel as leraar by die NGK Parke gemeente vervul my met afgryse, skok en hartseer.
2. Ek wil in nederigheid op grond van die Heilige Skrif, NGK Parke gemeente oproep tot bekering!
3. Ek wil weer onder almal se aandag bring dat die NGK Tsumeb se uitvoerige en gebalanseerde standpunt oor homoseksualiteit gevind kan word by TSUMEB SE STANDPUNT (kyk spesifiek na Bylaag A).
4. Ek wil graag alle broers en susters daaraan herinner dat die plaaslike kerk ‘n selfstandig kerk is (ecclesia completa). Die NG Kerk Tsumeb is dus ‘n selfstandige kerk van Jesus Christus onder Sy gesag onder leiding van die ampte met die Woord, gebruik deur die Gees as norm. (Dit beteken natuurlik nie dat ons volmaak is nie, maar wel dat ons ons Here in gehoorsaamheid probeer volg te midde van ons gebrokenheid.) As ander NG Kerke dwaal beteken dit nie dat alle NG Kerke dwaal nie! Dis wel baie hartseer as ander kerke in dieselfde verband of ander verbande die smal pad byster raak en dis ons plig om hulle dan op te roep tot bekering.
5. Ek wil my dank betuig teenoor ds. Hector Jooste van NGK Otjiwarongo wat hom ook baie sterk uitgespreek het teen hierdie vreeslike daad van afvalligheid. Ek doen 'n nederige beroep op ander kerke en leraars om ook onbeskaamd standpunt in te neem teen alle dwaling en verval.
In Sy diens
Johannes de Koning
In my hoedanigheid as leraar van die NG Kerk Otjiwarongo spreek ek my geweldige onsteltenis uit oor die NG Gemeente Kraaifontein-Parke in Suid-Afrika se ordening van ‘n openlik homoseksuele predikant.
Ek het die saak reeds met die voorsitter van die Kerkraad opgeneem, en die saak sal DV op die eerskomende Kerkraadsvergadering, nl. eerskomende Dinsdag die 12de Maart hanteer word. Die Kerkraad van die NG Kerk Otjiwarongo sal dan besluit oor gepaste optrede.
In die Kerkbode staan dit so: "Ds. Nelis Janse van Rensburg, voorsitter van die algemene sinodale moderamen, het (ds. Louis) Van der Riet namens die breër kerkverband verwelkom. “Ons is oneindig trots daarop dat jy jou weg oopgesien het tot hier.”
Van der Riet sê dat hy nie net homoseksueel is van sy middellyf af boontoe nie!
In skerp teenstelling tot die kerkleiers se verwarring, word sodomie helder en duidelik in God se onfeilbare Woord as sonde veroordeel. Die Skrif is nie verward oor hierdie saak nie.
Klaarblyklik is die 3 000 lidmate van die betrokke gemeente egter onder 'n narkoseslaap en reeds so gebreinspoel dat hulle nie die vermoë het om die Waarheid van die Skrif te onderskei en kragdadig op te staan teen hierdie skande nie.
Die NG Kerk besef blykbaar nie met watter duistere magte hy speel nie. Die kerk se skande het sy trots geword.
Van kerkleiers of sinodes sal daar nie redding kom nie. Slegs 'n Godgewerkte, hemelgebore, Heilige Gees-gedrewe herlewing van terugkeer na die Waarheid van die Woord en terugkeer tot die lewende God in diepe berou en bekering sal hierdie kerk (of 'n oorblyfsel deur genade bewaar) kan red. Mag Hy genadiglik ingryp!
Ek verwys ook graag na ds. Johannes de Koning van Tsumeb se inskrywing op sy webjoernaal “Woord-Skatte gemyn op Tsumeb”:
KRAAIFONTEIN (PARKE GEMEENTE) BEKEER JULLE!
Ons weet teen die tyd seker almal dat die NGK Parke gemeente (in Kraaifontein) in die Kaap ‘n openlik homoseksuele predikant aangestel het. Dit veroorsaak natuurlik (tereg) groot bohaai en ontsteltenis by God se kinders in alle kerkverbande.
In my persoonlike hoedanigheid as leraar van die NG Kerk Tsumeb wil ek myself net kortliks hieroor uitspreek ter wille van duidelikheid en vir die rekord:
1 .Die aanstelling van ‘n openlike homoseksueel as leraar by die NGK Parke gemeente vervul my met afgryse, skok en hartseer.
2. Ek wil in nederigheid op grond van die Heilige Skrif, NGK Parke gemeente oproep tot bekering!
3. Ek wil weer onder almal se aandag bring dat die NGK Tsumeb se uitvoerige en gebalanseerde standpunt oor homoseksualiteit gevind kan word by TSUMEB SE STANDPUNT (kyk spesifiek na Bylaag A).
4. Ek wil graag alle broers en susters daaraan herinner dat die plaaslike kerk ‘n selfstandig kerk is (ecclesia completa). Die NG Kerk Tsumeb is dus ‘n selfstandige kerk van Jesus Christus onder Sy gesag onder leiding van die ampte met die Woord, gebruik deur die Gees as norm. (Dit beteken natuurlik nie dat ons volmaak is nie, maar wel dat ons ons Here in gehoorsaamheid probeer volg te midde van ons gebrokenheid.) As ander NG Kerke dwaal beteken dit nie dat alle NG Kerke dwaal nie! Dis wel baie hartseer as ander kerke in dieselfde verband of ander verbande die smal pad byster raak en dis ons plig om hulle dan op te roep tot bekering.
5. Ek wil my dank betuig teenoor ds. Hector Jooste van NGK Otjiwarongo wat hom ook baie sterk uitgespreek het teen hierdie vreeslike daad van afvalligheid. Ek doen 'n nederige beroep op ander kerke en leraars om ook onbeskaamd standpunt in te neem teen alle dwaling en verval.
In Sy diens
Johannes de Koning
Kommentaar
Republikein
Geen kommentaar is op hierdie artikel gelaat nie