Nuwe pil vir kinders met MIV

'n Nuwe middel wat bekend staan as Pediatriese Dolutegravir (pDTG) is voortaan in Namibië beskikbaar vir die behandeling van kinders so jonk as vier weke oud tot vyf jaar wat MIV-positief is. Die middel is in tabletvorm wat in water opgelos en een keer per dag geneem word. Dit smaak ook beter as die vorige medikasie wat beskikbaar was en wat dit dus makliker maak om vir kinders te gee. Die ministerie van gesondheid en maatskaplike dienste is tans besig om dit na gesondheidsgeriewe oraloor in die land te versprei.