Sewesspan ernstig oor Vic Falls

'n Lang busrit van Windhoek na Vic Falls in Zimbabwe het douvoordag gister vir die Namibiese sewesrugbyspan begin. Afrigters Jurie Booysen en Robbie Dickson se manne sal die naweek een van die spanne wees om by die Vic Falls sewestoernooi dop te hou. Die deelnemende Afrika-spanne is (groep A) Namibië, Zimbabwe, Bo­tswana, Zambië-A, (groep B) Zambië, Sierra Leone, Botswana-A en ene Goshawks. Die Namibiërs benader die toernooi ernstig omdat hulle dit as voorbereiding vir volgende maand se Hongkong Sewes gebruik. Booysen se groep het verlede week 'n oefenkamp by die kus gehou waar hulle hard aan elke aspek van hul spel gewerk het. Voor hul vertrek het Lewcor-groep as 'n borg na vore getree om die bus en brandstof vir Namibië se reis beskikbaar te stel. Foto verskaf