Uitkyk vir volgende groot kampioentalent
Boks
Andrew Poolman
Vanaand se gevegte in Katutura is waarskynlik eerder vir ware boksliefhebbers en ondersteuners van die Namibiese sport, as vir diegene met net 'n terloopse belangstelling.
MTC Sunshine Promosies bied tien gevegte van beroepsboks by die Hoërskool A. Shipena se saal aan onder die vaandel “Back to the Roots”.
In die hoofgeveg klim Charles Shinima (onoorwonne in sewe gevegte) deur die kryttoue teen Ebenestus (Mendu) Kaangundue, wat ses uit sy nege gevegte sover gewen het.
Die twee baklei om die Namibiese nasionale junior middelgewigtitel (69.85 kg) wat vakant geword het toe Vakufilapo “Cowboy” Nashivela verlede jaar ná 'n kort, onoorwonne beroepsloopbaan van sewe gevegte uitgetree het.
Shinima en Kaangundue was albei vol selfvertroue in die twee nuuskonferensies wat vooraf gehou is.
Kaangundue het aangedui dat hy as die ouer man geen nonsens van die “klein seuntjie” gaan vat nie.
“Ek gaan nie baie praat nie, want ek is nie 'n politikus nie, ek is 'n bokser. Ek en my afrigters het ons werk gedoen en as Charles die geringste foutjie begaan, gaan hy op die krytvloer beland.”
Shinima het op sy beurt gedreig dat hy bereid is om harder as sy opponent te werk.
“Ek gaan hom neersit. Ek gaan nie hierdie kans deur my vingers laat glip om die nasionale kampioen te word nie. Hoe oud of jonk jy is, tel maar min in die bokskryt. Ek en my span is voorbereid vir 'n oorwinning.”
Nestor Tobias, loshande die mees suksesvolle promotor in die land se geskiedenis, is ooglopend op die uitkyk vir nuwe sterre om na vore te tree terwyl die skemer sak oor die loopbane van sy string bekende kampioenboksers van die afgelope dekade, van wie verskeie intussen na ander promotors oorgeloop het.
In die hoofvoorgeveg sal Harry Simon Junior die volslae gunsteling wees om sy rekord in die beroepskryt tot agt oorwinnings uit agt maklike gevegte aan te vul.
Die jeugdige Junior, wat sy debuut in 2017 as 'n liggewig gemaak het, sal vir die derde keer as superliggewig (63.5 kg) veg. Hy kom te staan teen Dominicus Weyulu, wat tevore kanonvoer vir vegters soos Nathaniel Kakololo (twee keer) en Nataneal Sebastian was.
Die program vir die aand is soos volg (bokser se rekord van wen, verloor en gelykop tussen hakies):
1 Liggewig (4 rondes): Sakaria Sheehama (0-1) tn Paulus Amavila (1-0).
2 Kapokgewig (4 rondes): Andreas Mwenyo (1-2-1) tn Immanuel Shapaka (een gelykop).
3 Superkapokgewig (4 rondes): Philip Shaanika (1-0) tn Samuel Kambuta (debuut).
4 Superkapokgewig (4 rondes): Sam Mathews (1-1) tn Willem Shiki (debuut).
5 Superkapokgewig (4 rondes): Mateus “The Beast” Heita (1-0) tn Theofelus Nashilongo (een gelykop).
6 Junior middelgewig (4 rondes): Abed Shikongo (debuut) tn Ndangi Shapwa (0-1).
7 Superkapokgewig (4 rondes): Fillipus Nghitumbwa (5-1) tn Frans Naanda (1-1).
8 Liggewig (4 rondes): Usko Rehabiam (1-0) tn Gerson Veta (0-3).
9 Junior weltergewig (4 rondes): Harry Simon Junior (7-0) tn Dominicus Weyulu (2-5).
10 Namibiese junior middelgewigtitel (10 rondes): Charles Shinima (7-0) tn Mendu Kaangundue (6-3).
Kaartjies kos N$50 vir gewone toegang, of N$200 vir die beter sitplekke nader aan die kryt.
Al die boksers sal vandag vanaf 11:00 by Post Street Mall vir die inweeg en geesvang aanmeld.
Vanaand se gevegte in Katutura is waarskynlik eerder vir ware boksliefhebbers en ondersteuners van die Namibiese sport, as vir diegene met net 'n terloopse belangstelling.
MTC Sunshine Promosies bied tien gevegte van beroepsboks by die Hoërskool A. Shipena se saal aan onder die vaandel “Back to the Roots”.
In die hoofgeveg klim Charles Shinima (onoorwonne in sewe gevegte) deur die kryttoue teen Ebenestus (Mendu) Kaangundue, wat ses uit sy nege gevegte sover gewen het.
Die twee baklei om die Namibiese nasionale junior middelgewigtitel (69.85 kg) wat vakant geword het toe Vakufilapo “Cowboy” Nashivela verlede jaar ná 'n kort, onoorwonne beroepsloopbaan van sewe gevegte uitgetree het.
Shinima en Kaangundue was albei vol selfvertroue in die twee nuuskonferensies wat vooraf gehou is.
Kaangundue het aangedui dat hy as die ouer man geen nonsens van die “klein seuntjie” gaan vat nie.
“Ek gaan nie baie praat nie, want ek is nie 'n politikus nie, ek is 'n bokser. Ek en my afrigters het ons werk gedoen en as Charles die geringste foutjie begaan, gaan hy op die krytvloer beland.”
Shinima het op sy beurt gedreig dat hy bereid is om harder as sy opponent te werk.
“Ek gaan hom neersit. Ek gaan nie hierdie kans deur my vingers laat glip om die nasionale kampioen te word nie. Hoe oud of jonk jy is, tel maar min in die bokskryt. Ek en my span is voorbereid vir 'n oorwinning.”
Nestor Tobias, loshande die mees suksesvolle promotor in die land se geskiedenis, is ooglopend op die uitkyk vir nuwe sterre om na vore te tree terwyl die skemer sak oor die loopbane van sy string bekende kampioenboksers van die afgelope dekade, van wie verskeie intussen na ander promotors oorgeloop het.
In die hoofvoorgeveg sal Harry Simon Junior die volslae gunsteling wees om sy rekord in die beroepskryt tot agt oorwinnings uit agt maklike gevegte aan te vul.
Die jeugdige Junior, wat sy debuut in 2017 as 'n liggewig gemaak het, sal vir die derde keer as superliggewig (63.5 kg) veg. Hy kom te staan teen Dominicus Weyulu, wat tevore kanonvoer vir vegters soos Nathaniel Kakololo (twee keer) en Nataneal Sebastian was.
Die program vir die aand is soos volg (bokser se rekord van wen, verloor en gelykop tussen hakies):
1 Liggewig (4 rondes): Sakaria Sheehama (0-1) tn Paulus Amavila (1-0).
2 Kapokgewig (4 rondes): Andreas Mwenyo (1-2-1) tn Immanuel Shapaka (een gelykop).
3 Superkapokgewig (4 rondes): Philip Shaanika (1-0) tn Samuel Kambuta (debuut).
4 Superkapokgewig (4 rondes): Sam Mathews (1-1) tn Willem Shiki (debuut).
5 Superkapokgewig (4 rondes): Mateus “The Beast” Heita (1-0) tn Theofelus Nashilongo (een gelykop).
6 Junior middelgewig (4 rondes): Abed Shikongo (debuut) tn Ndangi Shapwa (0-1).
7 Superkapokgewig (4 rondes): Fillipus Nghitumbwa (5-1) tn Frans Naanda (1-1).
8 Liggewig (4 rondes): Usko Rehabiam (1-0) tn Gerson Veta (0-3).
9 Junior weltergewig (4 rondes): Harry Simon Junior (7-0) tn Dominicus Weyulu (2-5).
10 Namibiese junior middelgewigtitel (10 rondes): Charles Shinima (7-0) tn Mendu Kaangundue (6-3).
Kaartjies kos N$50 vir gewone toegang, of N$200 vir die beter sitplekke nader aan die kryt.
Al die boksers sal vandag vanaf 11:00 by Post Street Mall vir die inweeg en geesvang aanmeld.
Kommentaar
Republikein
Geen kommentaar is op hierdie artikel gelaat nie