Varktjops

Varktjops wat oor warm kole lekker bros gebraai is, is heerlik!

Bestanddele

4 takkies roosmaryn, fyngekap

250 ml suiwer lemoensap

4 knoffelhuisies, fyngekap

45 ml gerookte paprika

60 ml heuning

150 ml olyfolie

’n knippie saffraan

12 varktjopssout en varsgemaalde swartpeper

Metode

Meng al die bestanddele vir die marinade saam. Pak tjops in ’n vuurbestande glasbak en geur goed met sout en peper. Gooi marinade oor en maak bak toe met kleefplastiek. Laat marineer 8 uur in yskas, maar verkieslik oornag. Kry kole mediumwarm en braai tjops stadig tot goudbruin en gaar terwyl jy dit elke nou en dan omdraai. Plaas tjops terug in marinade sodra dit gaar is. Plaas die bak met tjops op die kole en bring tot net onder kookpunt. Sit dadelik voor. - Netwerk24