Vreugde ná grotredding
Die hulpafrigter het die seuns meer as 'n week lank in die donker kalm gehou terwyl hulle gehoop het hulle word gevind.
Die mense van Thailand het Woensdag met verligting, dankbaarheid en vreugde gereageer op die suksesvolle redding van die laaste van die 12 seuns en hul afrigter wat in 'n oorstroomde grot vasgekeer is.
Dit het 'n einde gebring aan dié ontbering wat Thailand en die wêreld vir 17 dae in 'n greep van spanning gehad het.
Die laaste lede van die groep van 13 van die Wild Boar-sokkerspan is Dinsdagaand uit die Tham Loeang-grotte gebring en na 'n hospitaal sowat 70 km van daar af geneem.
Hulle het aangesluit by hul spanmaats wat in kwarantyn gehou word en sal in die hospitaal bly.
Die span was sedert 23 Junie in die grotkompleks in die noorde van Thailand vasgekeer toe hulle dit ná 'n sokkeroefening gaan verken het.
Narongsak Osottanakorn, hoof van die reddingspoging, het mense in Thailand en wêreldwyd Dinsdag by 'n mediakonferensie bedank.
Hy het bevestig dat die drie vlootlede en 'n dokter wat saam met die seuns in die grot agtergebly het, ook veilig teruggekeer het.
Die seuns se ouers sou hulle gister besoek het.
Die ouers kan glo nog nie hul kinders aanraak of vashou nie uit vrees dat die seuns infeksies kan opdoen.
Thaise amptenare sou na verwagting gister 'n mediakonferensie oor die 12 seuns en hul assistentafrigter (25) se gesondheid hou.
Narongsak het aan verslaggewers gesê besonderhede oor die ontsnaproete en die reddingsoperasie sal dan verskaf word.
Dit was nie net die dosyn seuns se lot wat die wêreld aangegryp het nie, maar ook die helde se verhale.
HELDE SE VERHALE
Die 25-jarige hulpafrigter van die Wild Boar-sokkerspan wat saam met hulle vasgekeer was, het die seuns meer as 'n week lank in die donker kalm gehou terwyl hulle gehoop het hulle word gevind.
Volgens berigte uit Thailand het hy dit gedoen deur hulle te leer om te mediteer.
Tsjanthawong, 'n weeskind, het vanaf tienjarige ouderdom sowat tien jaar in 'n Boeddhistiese klooster gewoon waar hy dié tegniek aangeleer het. Hy het volgens die Straits Times die klooster verlaat om vir sy bejaarde ouma te gaan sorg, waarna hy werk as sokkerafrigter gekry het.
Coach Ake, soos hy bekend staan, het blykbaar in die grot ook sy kos vir die seuns gegee en hulle geleer om vars water van die grotwande af te drink.
Dié voormalige spesmag-soldaat van die Thaise vloot het sy hulp as duiker vrywillig aangebied toe hy van die seuns se verdwyning hoor.
Hy het Vrydag omstreeks 02:00 onder water aan 'n gebrek aan suurstof gesterf nadat hy aan die einde van sy skof weer die donker water ingeduik het.
Die spanne wat deel uitgemaak het van die internasionale reddingsoperasie het onmenslike lang ure in moeilike omstandighede gewerk.
– Netwerk24/Reuters/BBC,Vox.com, AP
Dit het 'n einde gebring aan dié ontbering wat Thailand en die wêreld vir 17 dae in 'n greep van spanning gehad het.
Die laaste lede van die groep van 13 van die Wild Boar-sokkerspan is Dinsdagaand uit die Tham Loeang-grotte gebring en na 'n hospitaal sowat 70 km van daar af geneem.
Hulle het aangesluit by hul spanmaats wat in kwarantyn gehou word en sal in die hospitaal bly.
Die span was sedert 23 Junie in die grotkompleks in die noorde van Thailand vasgekeer toe hulle dit ná 'n sokkeroefening gaan verken het.
Narongsak Osottanakorn, hoof van die reddingspoging, het mense in Thailand en wêreldwyd Dinsdag by 'n mediakonferensie bedank.
Hy het bevestig dat die drie vlootlede en 'n dokter wat saam met die seuns in die grot agtergebly het, ook veilig teruggekeer het.
Die seuns se ouers sou hulle gister besoek het.
Die ouers kan glo nog nie hul kinders aanraak of vashou nie uit vrees dat die seuns infeksies kan opdoen.
Thaise amptenare sou na verwagting gister 'n mediakonferensie oor die 12 seuns en hul assistentafrigter (25) se gesondheid hou.
Narongsak het aan verslaggewers gesê besonderhede oor die ontsnaproete en die reddingsoperasie sal dan verskaf word.
Dit was nie net die dosyn seuns se lot wat die wêreld aangegryp het nie, maar ook die helde se verhale.
HELDE SE VERHALE
Die 25-jarige hulpafrigter van die Wild Boar-sokkerspan wat saam met hulle vasgekeer was, het die seuns meer as 'n week lank in die donker kalm gehou terwyl hulle gehoop het hulle word gevind.
Volgens berigte uit Thailand het hy dit gedoen deur hulle te leer om te mediteer.
Tsjanthawong, 'n weeskind, het vanaf tienjarige ouderdom sowat tien jaar in 'n Boeddhistiese klooster gewoon waar hy dié tegniek aangeleer het. Hy het volgens die Straits Times die klooster verlaat om vir sy bejaarde ouma te gaan sorg, waarna hy werk as sokkerafrigter gekry het.
Coach Ake, soos hy bekend staan, het blykbaar in die grot ook sy kos vir die seuns gegee en hulle geleer om vars water van die grotwande af te drink.
Dié voormalige spesmag-soldaat van die Thaise vloot het sy hulp as duiker vrywillig aangebied toe hy van die seuns se verdwyning hoor.
Hy het Vrydag omstreeks 02:00 onder water aan 'n gebrek aan suurstof gesterf nadat hy aan die einde van sy skof weer die donker water ingeduik het.
Die spanne wat deel uitgemaak het van die internasionale reddingsoperasie het onmenslike lang ure in moeilike omstandighede gewerk.
– Netwerk24/Reuters/BBC,Vox.com, AP
Kommentaar
Republikein
Geen kommentaar is op hierdie artikel gelaat nie