Wie gaan dit wees – Bulle of Leeus?

In hierdie week se rugbyraai geborg deur MultiChoice Namibia en Republikein moet lesers die eindtelling in die derby tussen die Bulle en Leeus voorspel.

Uit inskrywings wat reeds ontvang is, voorspel 63% van raaiskote ‘n sege vir die span van Pretoria.

Verlede week se wenners van N$500 elk was mnre. Edwin van Wyk en Jonas Kido, wat beide voorspel het die Bulle sou die Hurricanes met 22-18 gewen het. Die eindtelling was 22-19.

Van Wyk woon in Rehoboth, maar werk in Windhoek. “Ek is al ‘n Leeu van die Rooibontes se dae toe Gerald Bosch en daardie manne nog gespeel het,” vertel hy. “Soms gebeur goeie dinge ook met die Bulle en dan is ‘n N$500 in jou beursie nie te versmaai nie,” skerts Van Wyk.

“Ek dink die Bulle gaan hierdie naweek wen,” sê Kido, “maar dit gaan ‘n harde stryd wees met ‘n klein punteverskil.”

Me. Riekie Rossouw van Windhoek het ‘n telling van 22-20 in die Bulle se guns voorspel. Sy het ook net met een punt van die verloorspan se telling verskil, maar die twee manne se SMS’e is eerste ontvang.

Volledige bepalings en voorwaardes by www.republikein.com.na/page/kompetisies.