Jayden, Johannes en Gustaf se goeie daad
Hulle kon voor die televisie lê en speletjies op hul selfone speel, maar drie 13-jarige tienerseuns van Swakopmund het gekies om eerder op hul fietse te klim en die vensters van die kusdorp se “babahuis” te gaan was – gratis en verniet!
Gewapen met emmers en seep het Jayden Matthys, Johannes Emuno en Gustaf Shikongo Sondag met hul fietse by die Ruach Elohim-stigting aangekom om die tuiste van kwesbare en weggooibaba’s se vensters te was. Gewoonlik ry die drie seuns oral in die dorp met hul fietse en benodighede rond om vensters vir N$200 te was, maar dié keer het hulle egter besluit om dit “verniet vir die babas te doen”.
“Dit het my voete onder my uitgeslaan,” sê Ronel Peters, Ruach Elohim se stigter en tydelike ma vir die huis se jong inwoners.
“Ek kon dit nie glo dat 13-jarige seuns dit sou wou doen nie.”
Volgens haar het een van die drie sy twee vriende van Swakopmund se babahuis vertel en daar is besluit om die tydelike tuiste en veilige hawe se vensters gratis te was.
“En ons het báie vensters! Ek voel mens moet hulle die krediet en eer gee en vir mense daarbuite wys hoe lyk jong seuns wat voor die televisie kon lê en speletjies op hul foon speel, maar wat kies om iets vir iemand anders te doen,” het Ronel gesê.
Sy kon die seuns ook die tydelike tuiste se bababoks wys en hulle aan al die klein inwoners voorstel en die werksaamhede en doelwitte van Ruach Elohim verduidelik.
“Ek kon wys en verduidelik en hulle gaan nou weer uit en vertel vir ander.”
– [email protected]
Gewapen met emmers en seep het Jayden Matthys, Johannes Emuno en Gustaf Shikongo Sondag met hul fietse by die Ruach Elohim-stigting aangekom om die tuiste van kwesbare en weggooibaba’s se vensters te was. Gewoonlik ry die drie seuns oral in die dorp met hul fietse en benodighede rond om vensters vir N$200 te was, maar dié keer het hulle egter besluit om dit “verniet vir die babas te doen”.
“Dit het my voete onder my uitgeslaan,” sê Ronel Peters, Ruach Elohim se stigter en tydelike ma vir die huis se jong inwoners.
“Ek kon dit nie glo dat 13-jarige seuns dit sou wou doen nie.”
Volgens haar het een van die drie sy twee vriende van Swakopmund se babahuis vertel en daar is besluit om die tydelike tuiste en veilige hawe se vensters gratis te was.
“En ons het báie vensters! Ek voel mens moet hulle die krediet en eer gee en vir mense daarbuite wys hoe lyk jong seuns wat voor die televisie kon lê en speletjies op hul foon speel, maar wat kies om iets vir iemand anders te doen,” het Ronel gesê.
Sy kon die seuns ook die tydelike tuiste se bababoks wys en hulle aan al die klein inwoners voorstel en die werksaamhede en doelwitte van Ruach Elohim verduidelik.
“Ek kon wys en verduidelik en hulle gaan nou weer uit en vertel vir ander.”
– [email protected]
Kommentaar
Republikein
Geen kommentaar is op hierdie artikel gelaat nie