Nuwe masjien by DBV-Windhoek sal 'honderde diere baat'

Individue vanuit Duitsland het 'n ultraklankmasjien aan Windhoek se Dierebeskermingsvereniging (DBV) geskenk wat vir hul interne veeartsenykliniek benut sal word.

"Danksy hierdie vrygewige skenking is ons nou in staat om ultrasoniese ondersoeke op ons pasiënte te doen en siektes beter te diagnoseer," lui 'n plasing op hulle Facebook-blad.

Volgens die plasing het die masjien ook met verskeie voorafinstellings (presets) gekom wat die werk in hulle besige kliniek glo veel makliker maak.

"Wees verseker dat honderde diere sal baat vind by hierdie skenking!"