Tanzaniër van handel in plante aangekla

Ellanie Smit’n Tanzaniese burger wat glo ‘n hoofpersoon in die handel van plante is en haar drie Namibiese medebeskuldigdes van Namibië sal Donderdag in die Opuwo-landdroshof verskyn vir ’n borgtogverhoor.Die 29-jarige Diana Mushiku van Tanzanië, Veisiruaije Tjavara (25), Jenniter Simataa (37) en Tjivinda Unatavi (31) is tussen 21 Oktober en 10 November in Okondjombu in die Puros-omgewing in die Kunene-streek in hegtenis geneem met 46 Adenia pechuelii-plante, bekend as Olifantsvoet, wat hulle na bewering sonder ‘n permit geoes het.Hulle het reeds op 13 November ‘n eerste verskyning in die hof gemaak, maar ‘n borgtogverhoor het nie plaasgevind nie en die saak is uitgestel. Die woordvoerder van die ministerie van omgewingsake, Romeo Muyunda, het gesê hierdie saak is deel van ‘n groeiende neiging van georganiseerde kriminele sindikate wat plaaslike mense gebruik om Namibië se unieke plantspesies onwettig te oes.“Hierdie geval is een van vele waar internasionale stropersindikate Namibiese mense gebruik om plaaslike gemeenskapslede te oorreed om die plante teen ‘n klein fooi te vind en te oes.”Muyunda het gesê die plante word dan oor internasionale grense gesmokkel om vir aansienlike bedrae geld aan plantversamelaars verkoop te word.Volgens hom het owerhede die afgelope twee jaar beslag gelê op 666 inheemse plante, uitgesluit die onwettige hout, in hul pogings om hierdie nuwe vlaag wildmisdaad te beveg.“’n Verstommende 430 van die gekonfiskeerde plante was olifantsvoet wat tot 16 kriminele sake en die arrestasie van 37 verdagtes gelei het.”Muyunda het gesê die meeste van hierdie inhegtenisnemings was die gevolg van intelligensie-geleide ondersoeke onder leiding van die Blou Renoster-taakspan, wat bestaan uit verskeie takke van die polisie wat saam met die departement se ondersoekeenheid werk.“Ek wil graag die gemeenskapslede van die Khorixas-, Sesfontein-, Puros- en Okondjombo-gebied waar hierdie beskermde plantspesies onwettig geoes word aanmoedig om enige verdagte beweging in hul jurisdiksiegebied aan die owerhede te rapporteer,” het die hoof van die misdaadondersoekafdeling van die Kunenestreek adjunkkommissaris Paavo Iiyambo gesê.Muyunda het gesê dat kriminele in baie gevalle van buitelanders is en Namibiërs gebruik om die stropery en smokkel met groot persoonlike risiko uit te voer.“Die aanhouding van Mashiku is dus ‘n groot deurbraak vir Namibiese owerhede wat daarop gemik is om georganiseerde kriminele sindikate te ontwrig.”Mashiku is aangekla vir die oortreding van die Wet op die voorkoming van georganiseerde misdaad (POCA) en die Boswet. Oortreding van POCA dra swaar vonnisse van boetes tot N$1 miljard en tot 100 jaar gevangenisstraf, of albei.Haar Namibiese medebeskuldigdes is aangekla van oortreding van die boswet, wat tot boetes van N$8 000 of twee jaar tronkstraf, of albei kan lei.Myunda het gesê dat na langdurige droogtetydperke hierdie nuwe bedreiging iets is wat gemeenskappe wat in die Kunenestreek woon, nie kan hanteer nie. “Uit desperaatheid het sommige gemeenskapslede die risiko aanvaar om die onwettige oes en vervoer van plante te onderneem in ruil vir die kleingeld wat deur die kriminele sindikate aangebied word.”OLIFANTVOETDie toekoms van die stadiggroeiende Olifantvoetplant bly in die weegskaal.“Hierdie vreemd gevormde dwergboom verdien sy naam deur amper so wyd te groei as wat hy hoog is. Dit kom net in rotsagtige gebiede van noordwestelike Namibië en suidwestelike Angola voor.” Myuanda het gesê dat hierdie interessante boom ongelukkig in aanvraag is onder internasionale plantversamelaars.“Aangesien plante wat in kwekerye gekweek is nie op dieselfde manier as hul wilde eweknieë groei nie, is byna alle Olifantvoet-plante wat in die internasionale handel gevind word, uit die natuur geoes.”Hy het gesê dat alle gekonfiskeerde plante na die Nasionale Botaniese Tuin gestuur word wat deur die Nasionale Botaniese Navorsingsinstituut (NBRI) bestuur word vir versorging, rehabilitasie en terugplant in die natuur. Die herplantingsproses is egter moeilik, duur en baie plante sal waarskynlik vrek as gevolg van die skade wat aangerig is toe hulle geoes is.“MEFT neem hierdie misdade teen ons mense en biodiversiteit baie ernstig op,” het Teofilus Nghitila, uitvoerende direkteur van die ministerie, gewaarsku.“Hierdie misdadigers sal nie ophou voordat ons plante alles weg is nie. Ons kan dit eenvoudig nie toelaat nie, daarom vra ek al ons amptenare regoor die land om gereed te wees om oortreders vas te trek.”

Tanzaniër van handel in plante aangekla

Kommentaar

Republikein 2025-03-19

Meld asseblief aan om kommentaar te lewer

Tanzaniër van handel in plante aangekla

Kommentaar

Republikein 2025-03-19

Meld asseblief aan om kommentaar te lewer

MELD AAN

Advertensie