Vermeende rower tydens jaagtog gewond
Die Windhoekse stadspolisie het Dinsdag midde ’n jaagtog in die hoofstad verskeie skote afgevuur en een van vyf vermeende rowers in die been getref.
Volgens ’n voorlopige verslag van die Namibiese polisie (Nampol), het die vyf verdagtes na bewering die slot van ’n hek van ’n huis in Khomasdal gebreek en met hul voertuig by die erf ingery.
Daarna het hulle glo by die huis ingebreek waar hulle onder meer twee televisiestelle gesteel het. Hulle het daarna na die huis se agterste woonstel beweeg waar hulle na bewering nog ’n televisie, skootrekenaar en ander items gesteel het.
"Terwyl hulle besig was om die items in die voertuig te laai, het ’n kêrel van een van die huurders by die huis aangekom en hulle daar aangetref. Die verdagtes het van die toneel gevlug en die kêrel het hulle agternagesit en intussen die polisie gebel," lui die polisieverslag.
Die polisie het die verdagtes in die voertuig naby Winnie Madikizelaweg onderskep en hulle agternagesit. Die verdagtes het in die rigting van die Oponganda-begraafplaas gery en daarna in Florence Nightingalestraat in die rigting van Grysblok.
Die voertuig is daar tot stilstand gebring nadat die polisie verskeie skote op die voertuig afgevuur het en die vyf verdagtes is daarna in hegtenis geneem. Een van die verdagtes is deur 'n koeël in die onderste deel van sy linkerbeen getref.
Die voorval het omstreeks 11:57 plaasgevind en die gesteelde goedere het ’n beraamde waarde van N$65 000.
WAARSKUWING
"Die nasie word weer eens gewaarsku om versigtig te wees vir misdadigers wat elke geleentheid gebruik om ons waardevolle eiendom te beroof. Moet asseblief nie jou eiendom sonder toesig los nie, aangesien hierdie tyd van die jaar onderworpe is aan kriminele aktiwiteite soos huisbraak.
"Ons weet ook dat misdadigers in woonbuurte rondloop en bewegings van inwoners dophou. Tref dus voorsorgmaatreëls, maak seker dat eiendomme behoorlik gesluit en beveilig is en daar iemand is wat oor die eiendom waak," het die hoofwoordvoerder van Nampol, adjunkkommissaris Kauna Shikwambi, gesê.
– [email protected]
Volgens ’n voorlopige verslag van die Namibiese polisie (Nampol), het die vyf verdagtes na bewering die slot van ’n hek van ’n huis in Khomasdal gebreek en met hul voertuig by die erf ingery.
Daarna het hulle glo by die huis ingebreek waar hulle onder meer twee televisiestelle gesteel het. Hulle het daarna na die huis se agterste woonstel beweeg waar hulle na bewering nog ’n televisie, skootrekenaar en ander items gesteel het.
"Terwyl hulle besig was om die items in die voertuig te laai, het ’n kêrel van een van die huurders by die huis aangekom en hulle daar aangetref. Die verdagtes het van die toneel gevlug en die kêrel het hulle agternagesit en intussen die polisie gebel," lui die polisieverslag.
Die polisie het die verdagtes in die voertuig naby Winnie Madikizelaweg onderskep en hulle agternagesit. Die verdagtes het in die rigting van die Oponganda-begraafplaas gery en daarna in Florence Nightingalestraat in die rigting van Grysblok.
Die voertuig is daar tot stilstand gebring nadat die polisie verskeie skote op die voertuig afgevuur het en die vyf verdagtes is daarna in hegtenis geneem. Een van die verdagtes is deur 'n koeël in die onderste deel van sy linkerbeen getref.
Die voorval het omstreeks 11:57 plaasgevind en die gesteelde goedere het ’n beraamde waarde van N$65 000.
WAARSKUWING
"Die nasie word weer eens gewaarsku om versigtig te wees vir misdadigers wat elke geleentheid gebruik om ons waardevolle eiendom te beroof. Moet asseblief nie jou eiendom sonder toesig los nie, aangesien hierdie tyd van die jaar onderworpe is aan kriminele aktiwiteite soos huisbraak.
"Ons weet ook dat misdadigers in woonbuurte rondloop en bewegings van inwoners dophou. Tref dus voorsorgmaatreëls, maak seker dat eiendomme behoorlik gesluit en beveilig is en daar iemand is wat oor die eiendom waak," het die hoofwoordvoerder van Nampol, adjunkkommissaris Kauna Shikwambi, gesê.
– [email protected]
Kommentaar
Republikein
Geen kommentaar is op hierdie artikel gelaat nie