Volksmoordreparasie: Onderhandelinge vorder
’n Verslag oor reparasies rakende die volksmoord op die Herero’s en die Namas is onlangs namens die aangewese president, Netumbo Nandi-Ndaitwah, aan verteenwoordigers van die hoofforum van dié gemeenskappe voorgelê.
Die vergadering tussen die regering en verteenwoordigers het na verneem word verlede Donderdag op Keetmanshoop plaasgevind.
Die adjunkminister van binnelandse sake, Lucia Witbooi, en die adjunkminister van finansies, Maureen Hinda-Mbuende, het volgens berigte die aanwesiges ingelig oor die "Executive Report on the Genocide, Apology and Reparations".
Sommige Otjiherero-sprekende verteenwoordigers van die sogenaamde Okandjoze-groep het die vergadering geboikot. Dit blyk egter dat sommige Nama- en Herero-faksies met Nandi-Ndaitwah kragte saamgesnoer het.
Besonderhede hieroor is nog onbekend.
VERKLARING ONDERTEKEN
Witbooi het aangekondig dat die kabinet op 12 Desember besluit het om die minister van internasionale betrekkinge en samewerking, Peya Mushelenga, magtiging te gee om die gesamentlike verklaring te onderteken wat die einde van die reparasie-onderhandelinge sal beteken.
Geen datum is egter verstrek nie.
Volgens Witbooi hersien Duitsland nog die ongepubliseerde apologieteks wat aan die Namibiese regering vir oorweging voorgelê sal word.
Dié verskoning sal dan deur die president van Duitsland, Frank-Walter Steinmeier, by ’n formele seremonie in Namibië aangebied word.
Die implementering van ondersteuningsprojekte moet van 30 jaar tot 23 jaar verkort word en die bedrag van 1,1 miljard euro wat deur Berlyn aangebied word, sal "verhoog soos nodig".
"Dis hoekom die onderhandelinge so lank geneem het (van 2015 tot 2024), want daar was byna niks wat Duitsland gedwing het om die onderhandelinge vriendskaplik en binne 'n relatief kort tydperk af te handel nie. Duitsland het gevoel dit het amper niks om te verloor as die onderhandelinge ’n dooiepunt bereik nie,” het Witbooi verlede Donderdag gesê.
"Die kabinet het ook die stigting van ’n spesiale finansieringsinisiatief goedgekeur wat nodig is om die programme en projekte, wat verband hou met die volksmoord, asook die amptelike verskoning en herstelwerk/versoening, in ooreenstemming met die gesamentlike verklaring te implementeer."
Die maatskappy – wat as 'n spesiale finansieringsinisiatief sal dien – sal gebruik word om die fondse te bestuur wat deur die Duitste Ontwikkelingsbank (KfW) vir projekte beskikbaar gestel word.
Die verklaring moet nou aan die hoofmanne en tradisionele owerhede voorgelê word vir oorweging voordat dit aan die nasionale vergadering beskikbaar gestel word. Dit moet ook aan die Duitse parlement voorgelê word.
– [email protected]
Die vergadering tussen die regering en verteenwoordigers het na verneem word verlede Donderdag op Keetmanshoop plaasgevind.
Die adjunkminister van binnelandse sake, Lucia Witbooi, en die adjunkminister van finansies, Maureen Hinda-Mbuende, het volgens berigte die aanwesiges ingelig oor die "Executive Report on the Genocide, Apology and Reparations".
Sommige Otjiherero-sprekende verteenwoordigers van die sogenaamde Okandjoze-groep het die vergadering geboikot. Dit blyk egter dat sommige Nama- en Herero-faksies met Nandi-Ndaitwah kragte saamgesnoer het.
Besonderhede hieroor is nog onbekend.
VERKLARING ONDERTEKEN
Witbooi het aangekondig dat die kabinet op 12 Desember besluit het om die minister van internasionale betrekkinge en samewerking, Peya Mushelenga, magtiging te gee om die gesamentlike verklaring te onderteken wat die einde van die reparasie-onderhandelinge sal beteken.
Geen datum is egter verstrek nie.
Volgens Witbooi hersien Duitsland nog die ongepubliseerde apologieteks wat aan die Namibiese regering vir oorweging voorgelê sal word.
Dié verskoning sal dan deur die president van Duitsland, Frank-Walter Steinmeier, by ’n formele seremonie in Namibië aangebied word.
Die implementering van ondersteuningsprojekte moet van 30 jaar tot 23 jaar verkort word en die bedrag van 1,1 miljard euro wat deur Berlyn aangebied word, sal "verhoog soos nodig".
"Dis hoekom die onderhandelinge so lank geneem het (van 2015 tot 2024), want daar was byna niks wat Duitsland gedwing het om die onderhandelinge vriendskaplik en binne 'n relatief kort tydperk af te handel nie. Duitsland het gevoel dit het amper niks om te verloor as die onderhandelinge ’n dooiepunt bereik nie,” het Witbooi verlede Donderdag gesê.
"Die kabinet het ook die stigting van ’n spesiale finansieringsinisiatief goedgekeur wat nodig is om die programme en projekte, wat verband hou met die volksmoord, asook die amptelike verskoning en herstelwerk/versoening, in ooreenstemming met die gesamentlike verklaring te implementeer."
Die maatskappy – wat as 'n spesiale finansieringsinisiatief sal dien – sal gebruik word om die fondse te bestuur wat deur die Duitste Ontwikkelingsbank (KfW) vir projekte beskikbaar gestel word.
Die verklaring moet nou aan die hoofmanne en tradisionele owerhede voorgelê word vir oorweging voordat dit aan die nasionale vergadering beskikbaar gestel word. Dit moet ook aan die Duitse parlement voorgelê word.
– [email protected]
Kommentaar
Republikein
Geen kommentaar is op hierdie artikel gelaat nie