Wildlewe uit die lug beskerm
Verseker sigbare teenwoordigheid
’n Lugopnameprojek is tydens die afgelope feesseisoen in die Kunenestreek onderneem met die doel om enige tekens van stropery op te spoor.
Sleutelbewaringsvennote het aan die noodsaaklike inisiatief deelgeneem, wat tussen 17 Desember 2024 en 7 Januarie vanjaar plaasgevind het om wildmisdaad hok te slaan en bewaringspogings te versterk.
Dr. Conrad Brain is aangewys as die leier van die projek wat in samewerking met
Ecowings Namibia aangepak is. Brain, ’n lid van die Wilderness Impact-span, lei bewaringsprojekte in Namibië wat deur Wilderness ondersteun word.
Volgens Wilderness het die projek ten doel om Namibië se unieke biodiversiteit te beskerm en om bewusmaking oor bewaring onder gemeenskappe te kweek.
Die basis vir die lugopname was die Palmwag-landingstrook, met twee vliegtuie – ’n Cessna 182 en ’n Piper Super Cub – wat gesamentlik 60,8 uur gevlieg het en ’n indrukwekkende 12 800 kilometer tydens die tydperk afgelê het.
Die vlugte, wat op ’n gemiddelde hoogte van 200 voet bo die grond uitgevoer is, het waardevolle waarneming en monitering van ’n uitgebreide en dikwels ontoeganklike terrein verskaf. Die brandstof vir die projek is deur die Namibia Nature Foundation (NNF) verskaf.
Die hoofdoel van die waarneming was om stropery hok te slaan en ’n sigbare teenwoordigheid in die lug te verseker.
“Selfs al het ons nie baie uit die lug gesien nie, het almal op die grond ons gesien,” het Brain verduidelik.
Dié sigbaarheid dien as ’n kragtige afskrikmiddel wat wys dat onwettige bedrywighede soos stropery, onwettige mynbou of die diefstal van plante deeglik gemonitor word.
IN DIE LUG, OP DIE GROND
Die vlugte was ook instrumenteel in die ondersteuning van die Save the Rhino Trust (SRT)-spanne op die grond.
Wanneer die wildbewaarders op die grond renosterspore gevind het, maar nie die diere self nie, het die vliegtuie uitgestrekte gebiede gemonitor om die diere se bewegings te bepaal en sodoende doeltreffender waarneming te verseker.
Volgens Wilderness het die vlieëniers, buiten vir die waarneming van wildlewe, ook gesoek na enige tekens van versteurings, karkasse en verandering in die patrone van diere se bewegings. Laasgenoemde is noodsaaklike aanwysers van potensiële bedreigings vir die ekostelsel.
Ecowings het intussen sy impak na plaaslike gemeenskappe uitgebrei. Brain het kinders van omliggende nedersettings saamgeneem op die vlugte en sodoende vir hulle ’n seldsame en inspirerende blik vanuit die lug gegee van die grond onder hulle.
Inisiatiewe soos dié help om ’n beter begrip van bewaring onder die volgende generasie te bevorder.
As veearts en chirurg het Brain ook in dié hoedanigheid en ter ondersteuning van die program se holistiese benadering, muile en donkies behandel wat deur die SRT tydens hul monitering gebruik word.
Wilderness sê die projek het ook die kritieke rol van plaaslike kennis beklemtoon, met die SRT se Epson Rukuma wat waardevolle kundigheid oor die streek se terrein en wildlewe verskaf het.
TOEKOMSTIGE BEDRYWIGHEDE
Wilderness sê die sukses van die projek gedurende die feestyd het ’n sterk presedent vir toekomstige inisiatiewe geskep.
Planne sluit in ’n opleidingskomponent in vennootskap met Westair Aviation vir leerlingvlieëniers wat hulle in staat sal stel om waardevolle ondervinding in vlugte oor afgeleë plekke op te doen.
Dit sal verder Namibië se kapasiteit vir bewaringsgerigte vlugte verbeter.
“Soos die Ecowings-inisiatief wys, gaan bewaring nie net oor die beskerming van wildlewe nie. Dit gaan daaroor om vennootskappe te skep, gemeenskapsbetrokkenheid aan te moedig en ’n volhoubare toekoms vir mense en die natuur te bou.
“Deur voortgesette samewerking en innovasie kan Namibië se ikoniese wildlewe en landskappe ’n bron van trots vir toekomstige geslagte word,” het Wilderness in ’n verklaring verduidelik.
Die projek het organisasies soos die Namibië Kamer van die Omgewing, Rooikat, the Namibia Nature Foundation, Skycore, Medical Rescue Africa en Westair Aviation en natuurlik ook SRT en Wilderness betrek.
Dit is verder ondersteun deur die ministerie van die omgewing, bosbou en toerisme, die Namibiese weermag (NDF) en verskeie ander private rolspelers wat hul kennis en hulpbronne gedeel het.
– [email protected]
Sleutelbewaringsvennote het aan die noodsaaklike inisiatief deelgeneem, wat tussen 17 Desember 2024 en 7 Januarie vanjaar plaasgevind het om wildmisdaad hok te slaan en bewaringspogings te versterk.
Dr. Conrad Brain is aangewys as die leier van die projek wat in samewerking met
Ecowings Namibia aangepak is. Brain, ’n lid van die Wilderness Impact-span, lei bewaringsprojekte in Namibië wat deur Wilderness ondersteun word.
Volgens Wilderness het die projek ten doel om Namibië se unieke biodiversiteit te beskerm en om bewusmaking oor bewaring onder gemeenskappe te kweek.
Die basis vir die lugopname was die Palmwag-landingstrook, met twee vliegtuie – ’n Cessna 182 en ’n Piper Super Cub – wat gesamentlik 60,8 uur gevlieg het en ’n indrukwekkende 12 800 kilometer tydens die tydperk afgelê het.
Die vlugte, wat op ’n gemiddelde hoogte van 200 voet bo die grond uitgevoer is, het waardevolle waarneming en monitering van ’n uitgebreide en dikwels ontoeganklike terrein verskaf. Die brandstof vir die projek is deur die Namibia Nature Foundation (NNF) verskaf.
Die hoofdoel van die waarneming was om stropery hok te slaan en ’n sigbare teenwoordigheid in die lug te verseker.
“Selfs al het ons nie baie uit die lug gesien nie, het almal op die grond ons gesien,” het Brain verduidelik.
Dié sigbaarheid dien as ’n kragtige afskrikmiddel wat wys dat onwettige bedrywighede soos stropery, onwettige mynbou of die diefstal van plante deeglik gemonitor word.
IN DIE LUG, OP DIE GROND
Die vlugte was ook instrumenteel in die ondersteuning van die Save the Rhino Trust (SRT)-spanne op die grond.
Wanneer die wildbewaarders op die grond renosterspore gevind het, maar nie die diere self nie, het die vliegtuie uitgestrekte gebiede gemonitor om die diere se bewegings te bepaal en sodoende doeltreffender waarneming te verseker.
Volgens Wilderness het die vlieëniers, buiten vir die waarneming van wildlewe, ook gesoek na enige tekens van versteurings, karkasse en verandering in die patrone van diere se bewegings. Laasgenoemde is noodsaaklike aanwysers van potensiële bedreigings vir die ekostelsel.
Ecowings het intussen sy impak na plaaslike gemeenskappe uitgebrei. Brain het kinders van omliggende nedersettings saamgeneem op die vlugte en sodoende vir hulle ’n seldsame en inspirerende blik vanuit die lug gegee van die grond onder hulle.
Inisiatiewe soos dié help om ’n beter begrip van bewaring onder die volgende generasie te bevorder.
As veearts en chirurg het Brain ook in dié hoedanigheid en ter ondersteuning van die program se holistiese benadering, muile en donkies behandel wat deur die SRT tydens hul monitering gebruik word.
Wilderness sê die projek het ook die kritieke rol van plaaslike kennis beklemtoon, met die SRT se Epson Rukuma wat waardevolle kundigheid oor die streek se terrein en wildlewe verskaf het.
TOEKOMSTIGE BEDRYWIGHEDE
Wilderness sê die sukses van die projek gedurende die feestyd het ’n sterk presedent vir toekomstige inisiatiewe geskep.
Planne sluit in ’n opleidingskomponent in vennootskap met Westair Aviation vir leerlingvlieëniers wat hulle in staat sal stel om waardevolle ondervinding in vlugte oor afgeleë plekke op te doen.
Dit sal verder Namibië se kapasiteit vir bewaringsgerigte vlugte verbeter.
“Soos die Ecowings-inisiatief wys, gaan bewaring nie net oor die beskerming van wildlewe nie. Dit gaan daaroor om vennootskappe te skep, gemeenskapsbetrokkenheid aan te moedig en ’n volhoubare toekoms vir mense en die natuur te bou.
“Deur voortgesette samewerking en innovasie kan Namibië se ikoniese wildlewe en landskappe ’n bron van trots vir toekomstige geslagte word,” het Wilderness in ’n verklaring verduidelik.
Die projek het organisasies soos die Namibië Kamer van die Omgewing, Rooikat, the Namibia Nature Foundation, Skycore, Medical Rescue Africa en Westair Aviation en natuurlik ook SRT en Wilderness betrek.
Dit is verder ondersteun deur die ministerie van die omgewing, bosbou en toerisme, die Namibiese weermag (NDF) en verskeie ander private rolspelers wat hul kennis en hulpbronne gedeel het.
– [email protected]
Kommentaar
Republikein
Geen kommentaar is op hierdie artikel gelaat nie