Meer moet regstellende aksie neem
Reeds op 15 September in Staatskoerant gepubliseer
Die arbeidsminister het sonder groot ophef in September die drumpel vir maatskappye verlaag wat aan die regulasies van die wet op diensbillikheid moet voldoen.
Die drumpel vir maatskappye is vanaf enige onderneming wat 25 of meer werknemers in diens neem, na enige besigheid met tien of meer werknemers verlaag.
Die arbeidsminister het sonder groot ophef in September die drumpel vir maatskappye verlaag wat aan die regulasies van die wet op diensbillikheid moet voldoen.
Die aankondiging is op 15 September in die Staatskoerant gepubliseer en is reeds van krag.
In die kennisgewing, wat tussen ʼn lang lys ander kennisgewings gepubliseer is, bepaal die minister van arbeid, nywerheidsbetrekkinge en werkskepping, mnr. Utoni Nujoma, dat enige onderneming oor ’n tydperk van 12 maande sy aantal werknemers aan die einde van elke maand moet saam tel, en deur 12 moet deel. As die totaal op tien of meer neerkom, word die onderneming as ʼn betrokke besigheid geklassifiseer.
Elke betrokke besigheid moet elke drie jaar ’n regstellende aksie-plan opstel asook ’n verslag jaarliks indien. Besighede het volgens die wet ʼn jaar en ʼn half om hul eerste verslag in te dien, en daarna moet dit elke 12 maande by die kommissie van diensbillikheid afgelewer word.
Die plan moet struikelblokke vir die indiensneming van benadeelde mense verwyder, poste beskikbaar stel en billike indiensneming verseker. Die plan moet ook uiteensit hoe die betrokke besigheid sal verseker dat mense wat voorheen weens ras benadeel is, voorkeur vir werksgeleenthede sal geniet. Vroue en mense met gestremdhede kry ook voorkeur.
Begunstigdes moet Namibiese burgers wees, en diegene wat in meer as een kategorie val, sal eerste vir nuwe poste oorweeg moet word. Die wet vereis ook dat opleiding en die oordrag van vaardighede moet plaasvind indien die betrokke pos deur ʼn buitelander gevul word. Regstellende doelwitte moet vasgestel word, insluitend die aantal poste wat beskikbaar gestel sal word, hoe lank die aanstelling moet neem, hoe vordering gemonitor sal word en wie die senior werknemer is wat verantwoordelik sal wees om die plan toe te pas.
Die kommissie het verlede maand meer as 18 gevestigde besighede voor stok gekry oor tekortkominge rakende die wet.
Die regering se pensioenfonds (GIPF), die Namibië Lughawensmaatskappy (NAC) en die Namibiese Mededingingskommissie (NaCC) was onder meer tussen die betrokke werkgewers wat weens die gebrek aan nakoming voor ʼn hersieningspaneel moes verskyn. Die verhore het gevolg nadat verslae oor regstellende aksie wat aan die kommissie voorgelê is, afgekeur is. Dit aangesien dit nie aan die vereistes van die wet voldoen nie. Met die verlaging van die drumpel sal baie meer ondernemings nou aan die wet moet voldoen.
Die kwessie word deur die Namibiese Werkgewersfederasie (NEF) oorweeg en volgens die waarnemende sekretaris-generaal, me. Helene Ochs, kan ’n verklaring nog dié week verwag word.
Sy sê die NEF-raad is in gesprek met lede oor die verwikkeling.
– [email protected]
Die arbeidsminister het sonder groot ophef in September die drumpel vir maatskappye verlaag wat aan die regulasies van die wet op diensbillikheid moet voldoen.
Die aankondiging is op 15 September in die Staatskoerant gepubliseer en is reeds van krag.
In die kennisgewing, wat tussen ʼn lang lys ander kennisgewings gepubliseer is, bepaal die minister van arbeid, nywerheidsbetrekkinge en werkskepping, mnr. Utoni Nujoma, dat enige onderneming oor ’n tydperk van 12 maande sy aantal werknemers aan die einde van elke maand moet saam tel, en deur 12 moet deel. As die totaal op tien of meer neerkom, word die onderneming as ʼn betrokke besigheid geklassifiseer.
Elke betrokke besigheid moet elke drie jaar ’n regstellende aksie-plan opstel asook ’n verslag jaarliks indien. Besighede het volgens die wet ʼn jaar en ʼn half om hul eerste verslag in te dien, en daarna moet dit elke 12 maande by die kommissie van diensbillikheid afgelewer word.
Die plan moet struikelblokke vir die indiensneming van benadeelde mense verwyder, poste beskikbaar stel en billike indiensneming verseker. Die plan moet ook uiteensit hoe die betrokke besigheid sal verseker dat mense wat voorheen weens ras benadeel is, voorkeur vir werksgeleenthede sal geniet. Vroue en mense met gestremdhede kry ook voorkeur.
Begunstigdes moet Namibiese burgers wees, en diegene wat in meer as een kategorie val, sal eerste vir nuwe poste oorweeg moet word. Die wet vereis ook dat opleiding en die oordrag van vaardighede moet plaasvind indien die betrokke pos deur ʼn buitelander gevul word. Regstellende doelwitte moet vasgestel word, insluitend die aantal poste wat beskikbaar gestel sal word, hoe lank die aanstelling moet neem, hoe vordering gemonitor sal word en wie die senior werknemer is wat verantwoordelik sal wees om die plan toe te pas.
Die kommissie het verlede maand meer as 18 gevestigde besighede voor stok gekry oor tekortkominge rakende die wet.
Die regering se pensioenfonds (GIPF), die Namibië Lughawensmaatskappy (NAC) en die Namibiese Mededingingskommissie (NaCC) was onder meer tussen die betrokke werkgewers wat weens die gebrek aan nakoming voor ʼn hersieningspaneel moes verskyn. Die verhore het gevolg nadat verslae oor regstellende aksie wat aan die kommissie voorgelê is, afgekeur is. Dit aangesien dit nie aan die vereistes van die wet voldoen nie. Met die verlaging van die drumpel sal baie meer ondernemings nou aan die wet moet voldoen.
Die kwessie word deur die Namibiese Werkgewersfederasie (NEF) oorweeg en volgens die waarnemende sekretaris-generaal, me. Helene Ochs, kan ’n verklaring nog dié week verwag word.
Sy sê die NEF-raad is in gesprek met lede oor die verwikkeling.
– [email protected]
Kommentaar
Republikein
Geen kommentaar is op hierdie artikel gelaat nie