Amerikaanse stem betower eersdaags by FNB WWF

Die Amerikaanse sopraan Jocelyn van Wyk sal op 6 Maart – as deel van die FNB Windhoek Woordfees – in Namibië optree. Van Wyk, wat ook ’n aktrise, verhoogregisseur en stemafrigter aan die Utah State University is, het in 2020 haar meestersgraad in opera aan die Longy School of Music of Bard College in Cambridge, Massachusetts, verwerf, met sangopleiding van Jayne West.Dit volg nadat sy in 2017 haar baccalaureusgraad cum laude aan die Southern Utah University verwerf het – hier het sy sangopleiding by Carol Ann Modesitt en toneelopleiding van Peter Sham ontvang.“Sy wy haar toe aan die transformerende mag van musiek met nuwe gehore. Deur haar kuns streef sy daarna om die volgende generasie te inspireer op dieselfde wyse as wat sy as kind geïnspireer is asook om die genot van musiek te deel met almal wat haar musiek ervaar,” sê die FNB Windhoek Woordfees in ’n verklaring. Haar mees onlangse rolle sluit in Adele in Die Fledermaus saam met die Lyrical Opera Theatre in Utah en Lucy in The Telephone saam met die Snake River Opera in Idaho.Haar gunstelingrolle wat sy al vertolk het, is Musetta in La Bohème, die Sandman en Doufeetjie in Hänsel and Gretel, Helen in Three Sisters Who are Not Sisters, Pamina in Die Zauberflöte, Rosalinda in Die Fledermaus, en Beth in Little Women.Jocelyn het ook as ’n jong kunstenaarsolis saam met die orkes van Southern Utah en die Magic Valley Symphony opgetree. In 2022 het sy as hul genooide gas-solis saam met die Magic Valley Symphony in dié simfonie se Romeo and Juliet-konsert opgetree. Sy sal weer in April by die Magic Valley Symphony aansluit vir hul Lente-popkonsert.Jocelyn was onlangs die regisseur vir die Snake River Opera se Herfs 2024-produksie van Menotti se The Old Maid & The Thief. Sy was ook die regisseur vir Hänsel and Gretel saam met die Snake River Opera; Seussical saam met die Cache Theatre Company; The Pirates of Penzance saam met die Valley Light Opera; James and the Giant Peach; Captain Bree and Her Lady Pirates saam met die Utah Festival Opera; en Speed Dating Tonight! wat sy privaat opgevoer het.– republikein@republikein.com.na

Amerikaanse stem betower eersdaags by FNB WWF

Kommentaar

Republikein 2025-04-22

Meld asseblief aan om kommentaar te lewer

Amerikaanse stem betower eersdaags by FNB WWF

Kommentaar

Republikein 2025-04-22

Meld asseblief aan om kommentaar te lewer

MELD AAN

Advertensie