Plaaslike inhoud bevorder met ‘Ombura’

MultiChoice Namibia het die afgelope paar jaar ’n unieke missie aangepak om outentieke Namibiese stories te vervaardig en dit met die wêreld deur die Ombura-projek te deel.Tot op hede is ongeveer 19 rolprente, een leefstylreeks en een dokumentêr vervaardig en word op DStv, GOtv en Showmax uitgesaai.Vir 2025 het MultiChoice Namibia aangekondig dat ’n paar nuwe projekte hul weg na Namibiese skerms sal vind.“Vanjaar gaan ons voort met ons verbintenis tot hiper-plaaslike storievertelling met produksies wat die kultuur, taal en werklikhede van ons gehore weerspieël,” het Roger Gertze, die besturende direkteur van MultiChoice Namibia, onlangs gesê.“Benewens storievertelling, belê ons aktief in die toekoms van Afrika-rolprente en -televisie deur die volgende generasie plaaslike talent op te lei, te finansier en te ondersteun. Want wanneer Afrika sy eie stories vertel, luister die wêreld.”Die voorsitter van die Namibië Filmkommissie, Esther Beukes, het gesê: “Namens die Namibië Filmkommissie, ’n groot dankie aan MultiChoice Namibia en hierdie fenomenale span. Jou belegging in ons bedryf gaan nie net oor TV nie, dit gaan daaroor om geskiedenis te maak."NAMIBIESE FOKUSDie projekte sluit in: Op Pad Met My Potjie, ’n plaaslike kookreeks met Joalette de Villiers, wat vir ’n tweede seisoen hernu is.Bora Box, wat op Channel O uitgesaai sal word, is ’n nuwe musiekprogram wat die ritme van Namibië sal omhels en kykers op ’n reis sal neem waar musiek, kultuur en gemeenskappe ontmoet.Crossover Hearts is ’n nuwe romantiese rolprent geregisseer deur Lucia Kim Hamunghete, ’n alumni van MultiChoice Talent Factory. Die rolprent volg ’n jong paartjie uit verskillende kulturele agtergronde wat met vooroordele en die verwagtinge van hul families sukkel.Desert Film se The Long Road beskryf die lewe van ’n sukkelende fabriekswerker wie se swanger vrou hom verlaat en hoe hy probeer opmaak vir sy vorige foute.Oppiplaas, ’n romantiese drama, handel oor ’n stadsmeisie wat ’n sosialemedia-onderneming begin en ’n sukkelende boer teensinnig as ’n kliënt aanvaar – maar gaan die vonke spat?Die gewilde Afrikaanse program Groen Namibië keer terug na kykNET-skerms vir ’n opwindende nuwe seisoen.My F*k, Marelize, ’n fliek geïnspireer deur ’n video uit Namibië wat soos ’n veldbrand versprei het, sal binnekort ook op jou skerms wees. Die fliek is deur MultiChoice vervaardig en ’n opwindende nuwe dokumentêr is op pad.– republikein@republikein.com.na

Plaaslike inhoud bevorder met ‘Ombura’

Kommentaar

Republikein 2025-04-29

Meld asseblief aan om kommentaar te lewer

Plaaslike inhoud bevorder met ‘Ombura’

Kommentaar

Republikein 2025-04-29

Meld asseblief aan om kommentaar te lewer

MELD AAN

Advertensie