Resensie: Is jy lus om iets nuuts te beleef?
Ná ’n paar jaar as ’n Windhoeker het ’n mens eintlik alles gedoen wat daar is om te doen en alles gesien wat te sien is in die stad.
Ná ’n rukkie begin elke nuwe fliek by die bioskoop soos dieselfde fliek voel en elke restaurant se kos begin dieselfde smaak en jy raak lus vir iets nuuts – dit is waar Drag Night uitstaan.
“Drag” is ’n vorm van uitvoeringskuns (soos kabaret en opera ook vorme van kuns is) wat ’n baie eiesoortige styl vind wat volgens die kenners ’n karikatuur van vrouwees is – die wye heupe, die groot oë en die mollige lippe.
Dié vertonings bestaan gewoonlik uit onder meer sang, musiek, komedie en dans.
Alhoewel Drag Night Namibia se mees onlangse vertoning, met Halloween as tema, hoofsaaklik uit dans- en lip-sinkronisering (lipsync)-optredes bestaan ??het, was dit steeds ’n belewenis om te sien wat Namibië se flambojante fopdossers het om te bied.
Vir diegene, soos ek, wat eerder die ander tipe optredes soos sang wil geniet, is daar ook Drag Night Unplugged waar hulle net op hul eie talente staatmaak.
Dit is duidelik uit hierdie vertoning wie die land se ervare fopdossers is – van die grimering, pruike en uitrustings, tot die houdings – Miss Mavis Dash en Gigi Has Arrived is net twee voorbeelde van fopdossers wat jy vinnig kan sien is veterane in Namibiese “drag”.
Drag Night is ook ’n goeie voorbeeld van die feit dat dié tipe geleenthede nie kru en rof hoef te wees nie, maar dat die kunsvorm vir genot kan sorg sonder onnodige sensasiesoekery en gespottery.
Hoewel dit lekker is om ’n vars vorm van kuns in Namibië te kan geniet, moet jy dalk maar ’n kussing saambring, want by die venue is daar ’n goeie kans dat jy op die kliptrappies gaan moet sit.
Teen N$150 se ingangsfooi by die deur (dit was wel goedkoper vooraf) verwag mens eintlik dat ’n stoel nie ’n luukse item sal wees nie, maar weens die omstredenheid rondom hierdie kunsvorm wonder mens ook of daar wel groter venues met meer sitplekke is wat Drag Night sal kan akkommodeer.
Ek hoop dat daar eendag ’n plek sal wees waar Namibië se fopdossers ’n behoorlike vertoning kan aanbied sonder die onnodige stigma wat aan hul kunsvorm kleef.
– [email protected]
Ná ’n rukkie begin elke nuwe fliek by die bioskoop soos dieselfde fliek voel en elke restaurant se kos begin dieselfde smaak en jy raak lus vir iets nuuts – dit is waar Drag Night uitstaan.
“Drag” is ’n vorm van uitvoeringskuns (soos kabaret en opera ook vorme van kuns is) wat ’n baie eiesoortige styl vind wat volgens die kenners ’n karikatuur van vrouwees is – die wye heupe, die groot oë en die mollige lippe.
Dié vertonings bestaan gewoonlik uit onder meer sang, musiek, komedie en dans.
Alhoewel Drag Night Namibia se mees onlangse vertoning, met Halloween as tema, hoofsaaklik uit dans- en lip-sinkronisering (lipsync)-optredes bestaan ??het, was dit steeds ’n belewenis om te sien wat Namibië se flambojante fopdossers het om te bied.
Vir diegene, soos ek, wat eerder die ander tipe optredes soos sang wil geniet, is daar ook Drag Night Unplugged waar hulle net op hul eie talente staatmaak.
Dit is duidelik uit hierdie vertoning wie die land se ervare fopdossers is – van die grimering, pruike en uitrustings, tot die houdings – Miss Mavis Dash en Gigi Has Arrived is net twee voorbeelde van fopdossers wat jy vinnig kan sien is veterane in Namibiese “drag”.
Drag Night is ook ’n goeie voorbeeld van die feit dat dié tipe geleenthede nie kru en rof hoef te wees nie, maar dat die kunsvorm vir genot kan sorg sonder onnodige sensasiesoekery en gespottery.
Hoewel dit lekker is om ’n vars vorm van kuns in Namibië te kan geniet, moet jy dalk maar ’n kussing saambring, want by die venue is daar ’n goeie kans dat jy op die kliptrappies gaan moet sit.
Teen N$150 se ingangsfooi by die deur (dit was wel goedkoper vooraf) verwag mens eintlik dat ’n stoel nie ’n luukse item sal wees nie, maar weens die omstredenheid rondom hierdie kunsvorm wonder mens ook of daar wel groter venues met meer sitplekke is wat Drag Night sal kan akkommodeer.
Ek hoop dat daar eendag ’n plek sal wees waar Namibië se fopdossers ’n behoorlike vertoning kan aanbied sonder die onnodige stigma wat aan hul kunsvorm kleef.
– [email protected]
Kommentaar
Republikein
Geen kommentaar is op hierdie artikel gelaat nie