SA musiekduo eersdaags hier met Tango-Opera

Die Suid-Afrikaanse sopraan Zanne Stapelberg en bekende pianis Albie van Schalkwyk span kragte saam vir ’n nuwe produksie getiteld Tango-Opera. Hierdie betowerende vertoning vermeng die style van opera, kabaret, musiekteater en Spaans-geïnspireerde sang en dansstyle. In Tango-Opera sal gehore verskeie barok- en romantiese operastukke en opwindende Spaanse style soos zarzuela en tango hoor, saam met deur solo-klaviervertolkings van klassieke meesterstukke. Die program bevat komposisies deur legendariese komponiste, insluitend Georg Frideric Händel, Wolfgang Amadeus Mozart, Antonín Dvorák, Francis Poulenc, Jacques Brel, Stephen Sondheim en Astor Piazzolla.Stapelberg het voorheen onder meer die rolle van Mimí in La bohème, Pamina in Die Zauberflöte, en Marguerite in Faust vertolk. Haar samewerking met kunstenaars soos William Kentridge, Ladysmith Black Mambazo en Oliver Mtukudzi beklemtoon haar dinamiese teenwoordigheid op die internasionale musiektoneel.Van Schalkwyk is een van Suid-Afrika se voorste begeleiers vir sangers, en sal ook solostukke speel, insluitend werke van Chopin, Gershwin en Granados. Sy loopbaan strek oor meer as vier dekades en hy het voorheen saam met sangers en instrumentaliste oraloor die wêreld gewerk.Dié duo tree volgende Saterdag om 18:30 by die NG Kerk Eros op. Kaartjies is via Webtickets beskikbaar. – republikein@republikein.com.na

SA musiekduo eersdaags hier met Tango-Opera

Kommentaar

Republikein 2025-04-11

Meld asseblief aan om kommentaar te lewer

SA musiekduo eersdaags hier met Tango-Opera

Kommentaar

Republikein 2025-04-11

Meld asseblief aan om kommentaar te lewer

MELD AAN

Advertensie