Die ruggraat van informele ekonomieë
Straatverkopers is dikwels die lewensaar van middestadgebiede. Hulle lok toeriste na die dorp, bevorder ’n gevoel van gemeenskaplikheid en lewer ’n diens aan kliënte wat dit geniet om in die buitelug inkopies te doen.
Otjiwarongo se dorpsplein-verkopers verskaf juis dít aan beide toeriste en inwoners.
Die verkopers by Town Square, wat in Otjiwarongo se middestad geleë is, bied maklike toegang tot ’n wye verskeidenheid bekostigbare goedere en dienste in ’n openbare ruimte.
Straathandelaars word gereeld as ’n hoeksteen van historiese en kulturele erfenis beskou, en dié in Otjiwarongo is geen uitsondering nie.
Daniel Kayona, wat 18 jaar oud is, het sy besigheid as ’n verkoper by sy ouer broer oorgeneem, wat dit weer by hulle ma oorgeneem het.
Die straatverkopers van die dorpsplein verkoop tipies goedere wat maklik verpak- en vervoerbaar is, aangesien hulle in die buitelug besigheid doen. Nog ’n rede hoekom hulle hierdie soort goedere verkoop, is omdat hulle elke aand tussen 18:00 en 19:00 alles moet oppak en weer agtuur die volgende oggend moet uitpak.
Kayona verkoop armbande, halssnoere, plakkies, klere, sonbrille en heelwat ander aandenkings en produkte. Die familiebesigheid bestaan al sowat drie jaar en toe hy sy skoolloopbaan voltooi het, het Kayona besluit om daarby aan te sluit omdat hy nie veel ander opsies gehad het nie. Terselfdertyd wou hy ook help om ’n ekstra inkomste huis toe te bring en leer hoe die sakewêreld werk.
“In die toekoms sien ek myself as ’n sakeman,” vertel hy.
“Ek wil oor ’n paar jaar van nou af hierdie besigheid na ’n hoër vlak neem, om beter na my gesin om te sien en uiteindelik meer en meer besighede oop te maak,” voeg Kayona by.
Om aan die stuur van dié klein onderneming te wees, was nie altyd vir die jong sakeman maklik nie. Covid-19 het ’n groot slag toegedien weens beheermaatreëls wat die koopgedrag van toeriste en inwoners beïnvloed het.
Maar, die uitdagings ten spyt, geniet hy wat hy doen omdat hy elke dag nuwe mense ontmoet en interessante gesprekke kan voer.
Otjiwarongo se dorpsplein-verkopers verskaf juis dít aan beide toeriste en inwoners.
Die verkopers by Town Square, wat in Otjiwarongo se middestad geleë is, bied maklike toegang tot ’n wye verskeidenheid bekostigbare goedere en dienste in ’n openbare ruimte.
Straathandelaars word gereeld as ’n hoeksteen van historiese en kulturele erfenis beskou, en dié in Otjiwarongo is geen uitsondering nie.
Daniel Kayona, wat 18 jaar oud is, het sy besigheid as ’n verkoper by sy ouer broer oorgeneem, wat dit weer by hulle ma oorgeneem het.
Die straatverkopers van die dorpsplein verkoop tipies goedere wat maklik verpak- en vervoerbaar is, aangesien hulle in die buitelug besigheid doen. Nog ’n rede hoekom hulle hierdie soort goedere verkoop, is omdat hulle elke aand tussen 18:00 en 19:00 alles moet oppak en weer agtuur die volgende oggend moet uitpak.
Kayona verkoop armbande, halssnoere, plakkies, klere, sonbrille en heelwat ander aandenkings en produkte. Die familiebesigheid bestaan al sowat drie jaar en toe hy sy skoolloopbaan voltooi het, het Kayona besluit om daarby aan te sluit omdat hy nie veel ander opsies gehad het nie. Terselfdertyd wou hy ook help om ’n ekstra inkomste huis toe te bring en leer hoe die sakewêreld werk.
“In die toekoms sien ek myself as ’n sakeman,” vertel hy.
“Ek wil oor ’n paar jaar van nou af hierdie besigheid na ’n hoër vlak neem, om beter na my gesin om te sien en uiteindelik meer en meer besighede oop te maak,” voeg Kayona by.
Om aan die stuur van dié klein onderneming te wees, was nie altyd vir die jong sakeman maklik nie. Covid-19 het ’n groot slag toegedien weens beheermaatreëls wat die koopgedrag van toeriste en inwoners beïnvloed het.
Maar, die uitdagings ten spyt, geniet hy wat hy doen omdat hy elke dag nuwe mense ontmoet en interessante gesprekke kan voer.
Kommentaar
Republikein
Geen kommentaar is op hierdie artikel gelaat nie