Banke verdedig sektor
Min huise word glo afgevat
Namibië se massiewe en belangrike bankbedryf kom onder die loop
Die Bankiersvereniging van Namibië (BAN) het in 'n onlangse voorlegging aan die parlement gesê slegs 'n handjievol huise waarop banke huisverbande toegestaan het, is verlede jaar weens wanbetaling verkoop.
Spesifiek, in 2023 is 71 huise verkoop, uit 277 wat as te koop geadverteer is. Teenoor byna N$86 miljoen wat uit die huisverkope ingesamel is, het handelsbanke in Namibië huislenings ter waarde van sowat N$50 miljard op hul boeke, volgens BAN.
Die voorlegging is in reaksie op ’n mosie in die parlement wat verlede jaar deur die parlementslid Veikko Nekundi gebring is, in verband met te hoë heffings, winsbejag en diskriminasie onder bankinstellings.
Die vereniging wys daarop dat huise slegs ingevolge 'n hofbevel verkoop word.
Lenings word gefinansier met deposito's wat banke moet beskerm en agterstallige betalings van huislenings kan tot die mislukking van banke lei, het hulle aangevoer.
’n Mislukte bankstelsel sal volgens die banke tot ekonomiese ineenstorting lei. BAN-lidbanke hanteer deposito's ter waarde van N$140 miljard.
Volgens BAN is die grootte van handelsbanke in Namibië, gemeet in Namibiese dollarterme, meer as N$170,2 miljard, terwyl markkapitalisasie reeds meer as N$20,2 miljard is.
Daar is 216 banktakke en -agentskappe landswyd, ongeveer 1 300 outomatiese tellermasjiene en 20 669 verkooppunttoestelle, om dienste aan 1 693 198 kliënte teen die einde van 2023 te lewer.
Slegs 181 208 van kommersiële bankkliënte gebruik die basiese bankrekening waarvoor daar nie vir die dienste betaal word nie. Basiese bankrekeninge word beperk tot kliënte wat minder as N$2 000 per maand verdien.
Banke het 6 038 werknemers in diens, waarvan 89% volgens BAN as voorheen benadeel geklassifiseer kan word. Altesaam 3 808 bankwerkers is vroue teenoor 2 230 mans.
Die gemiddelde loonrekening vir die vyf banke ter sprake is N$1,8 miljard terwyl belasting vir werknemers gemiddeld N$500 miljoen beloop.
Van 2020 tot 2023 het die banke N$7,5 miljard aan belasting betaal, volgens BAN.
Vyf handelsbanke het in 2023 altesaam N$1,1 miljard aan dividende uitbetaal. Die totale waarde van alle lenings was teen einde verlede jaar N$108 miljard.
In reaksie op spesifieke bewerings dat banke teen swart kliënte diskrimineer deur hoë vereistes te stel, lang dienslewering, en dat hulle meer sekuriteit moet bied en meer rente moet betaal, sê BAN sy beleid is om al die kliënte gelyk en regverdig te behandel.
Die beleid word in die kode van bankpraktyke van 2023 uiteengesit, terwyl fooie en koste in terme van kliëntegedrag bepaal word. Digitale opsies met laer koste word volgens BAN aangemoedig.
Die Wet op Bankinstellings no. 2 van 1998 verplig banke om hul fooie bekend te maak, en om dit te baseer op dienste gelewer en die koste van dienste, volgens die vereniging.
Hierdie fooie word elke jaar aan die Bank of Namibia (BoN) geregverdig en kliënte word vroegtydig ingelig oor verhogings, sê die banke.
Rentekoerse word bepaal deur 'n bankmarge van 3,75% by die BoN se repokoers te voeg, met inagneming van koste van fondse, leners se risiko's, duur van die lening en die aard van die besigheid en die bate wat gefinansier word, brei hulle uit.
– [email protected]
Spesifiek, in 2023 is 71 huise verkoop, uit 277 wat as te koop geadverteer is. Teenoor byna N$86 miljoen wat uit die huisverkope ingesamel is, het handelsbanke in Namibië huislenings ter waarde van sowat N$50 miljard op hul boeke, volgens BAN.
Die voorlegging is in reaksie op ’n mosie in die parlement wat verlede jaar deur die parlementslid Veikko Nekundi gebring is, in verband met te hoë heffings, winsbejag en diskriminasie onder bankinstellings.
Die vereniging wys daarop dat huise slegs ingevolge 'n hofbevel verkoop word.
Lenings word gefinansier met deposito's wat banke moet beskerm en agterstallige betalings van huislenings kan tot die mislukking van banke lei, het hulle aangevoer.
’n Mislukte bankstelsel sal volgens die banke tot ekonomiese ineenstorting lei. BAN-lidbanke hanteer deposito's ter waarde van N$140 miljard.
Volgens BAN is die grootte van handelsbanke in Namibië, gemeet in Namibiese dollarterme, meer as N$170,2 miljard, terwyl markkapitalisasie reeds meer as N$20,2 miljard is.
Daar is 216 banktakke en -agentskappe landswyd, ongeveer 1 300 outomatiese tellermasjiene en 20 669 verkooppunttoestelle, om dienste aan 1 693 198 kliënte teen die einde van 2023 te lewer.
Slegs 181 208 van kommersiële bankkliënte gebruik die basiese bankrekening waarvoor daar nie vir die dienste betaal word nie. Basiese bankrekeninge word beperk tot kliënte wat minder as N$2 000 per maand verdien.
Banke het 6 038 werknemers in diens, waarvan 89% volgens BAN as voorheen benadeel geklassifiseer kan word. Altesaam 3 808 bankwerkers is vroue teenoor 2 230 mans.
Die gemiddelde loonrekening vir die vyf banke ter sprake is N$1,8 miljard terwyl belasting vir werknemers gemiddeld N$500 miljoen beloop.
Van 2020 tot 2023 het die banke N$7,5 miljard aan belasting betaal, volgens BAN.
Vyf handelsbanke het in 2023 altesaam N$1,1 miljard aan dividende uitbetaal. Die totale waarde van alle lenings was teen einde verlede jaar N$108 miljard.
In reaksie op spesifieke bewerings dat banke teen swart kliënte diskrimineer deur hoë vereistes te stel, lang dienslewering, en dat hulle meer sekuriteit moet bied en meer rente moet betaal, sê BAN sy beleid is om al die kliënte gelyk en regverdig te behandel.
Die beleid word in die kode van bankpraktyke van 2023 uiteengesit, terwyl fooie en koste in terme van kliëntegedrag bepaal word. Digitale opsies met laer koste word volgens BAN aangemoedig.
Die Wet op Bankinstellings no. 2 van 1998 verplig banke om hul fooie bekend te maak, en om dit te baseer op dienste gelewer en die koste van dienste, volgens die vereniging.
Hierdie fooie word elke jaar aan die Bank of Namibia (BoN) geregverdig en kliënte word vroegtydig ingelig oor verhogings, sê die banke.
Rentekoerse word bepaal deur 'n bankmarge van 3,75% by die BoN se repokoers te voeg, met inagneming van koste van fondse, leners se risiko's, duur van die lening en die aard van die besigheid en die bate wat gefinansier word, brei hulle uit.
– [email protected]
Kommentaar
Republikein
Geen kommentaar is op hierdie artikel gelaat nie