Boubedryf verwelkom belastingverligting
‘Spaar vir aftrede’
Konstruksiewerkers geniet finansiële verligting met 'n belasting-blaaskans en 'n voorgestelde minimum loon.
Die Namibiese Bouwerkerspensioenfonds (NBWPF) verwelkom die regering se besluit om die drumpel vir inkomstebelasting te verhoog.
Die minister van finansies en staatsondernemings, Ipumbu Shiimi, het tydens sy 2024-’25-begrotingsrede op 28 Februarie onder meer aangekondig dat die drumpel vir belastingvryskelding op persoonlike belasting van N$50 000 na N$100 000 per jaar verhoog word.
Dit sal daartoe lei dat sommige werknemers in die konstruksiebedryf voortaan nie inkomstebelasting sal betaal nie.
Die minimum loon vir die konstruksiebedryf sal na verwagting ook einde van April 2024 in werking tree. Die nuwe minimumloonvereiste sal na verwagting in die Staatskoerant gepubliseer word en dan wetlik van toepassing wees.
Daar word verwag dat die nuwe minimum loon in die konstruksiebedryf op N$18,72 per uur vir werkers vasgestel sal word.
Verwers, teëldekkers, loodgieters, messelaars, betonwerkers, steiermakers, elektrisiëns, skrynwerkers, sweisers, staalmakers, hetsy halfgeskoolde werkers of ambagsmanne, sal waarskynlik nie individuele inkomstebelasting betaal nie, mits hul jaarlikse inkomste onder N$100 000 bly, volgens die NBWPF.
Voor die aanpassings moes die meerderheid werkers in die konstruksiesektor inkomstebelasting betaal. Die uurlikse drempel, sonder om oortydbetalings en bonusse in ag te neem, sou dan ongeveer N$26,04 gewees het. Nou is die uurlikse drempel effektief dubbel hierdie bedrag, dit wil sê N$52,08.
“Dit sal implikasies vir Namibië se ekonomie hê, aangesien baie van die werkers in die konstruksiesektor nou ’n hoër besteebare inkomste sal hê en die druk en gevolge van hoë inflasie oor die afgelope jare sal kan weerstaan. As dit tot meer besteding lei, sal dit ’n positiewe impak op die ekonomie hê,” het die pensioenfonds in ’n onlangse verklaring gesê.
Met die erkenning van die potensiële positiewe impak op Namibië se ekonomie as gevolg van moontlike groter verbruik van goedere en dienste, sê die uitvoerende hoof van die pensioenfonds, Enwich Kazondu: “Hierdie stap deur ons regering is baie positief. Dit verhoog nie net die koopkrag van diegene met ’n lae inkomste en sal effektief ons ekonomie stimuleer nie, dit kan ook ’n reuse-impak hê op individue se finansiële beplanning.
“Met meer geld wat beskikbaar is, sal dit nie net meer besteding toelaat om in daaglikse behoeftes te voorsien nie, maar dit kan ook lei tot groter bydraes tot aftreespaargeld. Ons wil almal aanmoedig om voordeel te trek uit hierdie blaaskans en beslis meer geld opsy te sit. Dit kan die moeite werd wees om ’n verhoging in bydraes tot hul pensioenfonds te oorweeg,” sê hy.
Tans is die minimum bydrae 4% per maand, wat ook deur die werkgewer geëwenaar word.
“Ons moet kyk hoe ons dit kan verander en verhoog in die belang van ons lede,” sê Kazondu.
Van die verwagte uurlikse minimum lone:
Kategorie werkers Halfgeskoold Ambagsman
Verwer N$21,44 N$29,98
Teëldekker N$23,26 N$33,20
Loodgieter N$24,94 N$37,80
Messelaar N$24,66 N$37,81
Betonwerker N$24,75 N$38,67
Steiermaker N$20,11 –
Elektrisiën N$27,03 N$39,52
Timmerman N$27,59 N$41,61
Skrynwerker N$28,58 N$44,40
Sweiser N$23,54 –
Staalwerker N$21,65 –
Meestervakman – N$49,59
Sekuriteitswag
(per 12 uur skof) – N$140,91
Baksteenmaker – N$24,39
Klerk – N$25,77
Die minister van finansies en staatsondernemings, Ipumbu Shiimi, het tydens sy 2024-’25-begrotingsrede op 28 Februarie onder meer aangekondig dat die drumpel vir belastingvryskelding op persoonlike belasting van N$50 000 na N$100 000 per jaar verhoog word.
Dit sal daartoe lei dat sommige werknemers in die konstruksiebedryf voortaan nie inkomstebelasting sal betaal nie.
Die minimum loon vir die konstruksiebedryf sal na verwagting ook einde van April 2024 in werking tree. Die nuwe minimumloonvereiste sal na verwagting in die Staatskoerant gepubliseer word en dan wetlik van toepassing wees.
Daar word verwag dat die nuwe minimum loon in die konstruksiebedryf op N$18,72 per uur vir werkers vasgestel sal word.
Verwers, teëldekkers, loodgieters, messelaars, betonwerkers, steiermakers, elektrisiëns, skrynwerkers, sweisers, staalmakers, hetsy halfgeskoolde werkers of ambagsmanne, sal waarskynlik nie individuele inkomstebelasting betaal nie, mits hul jaarlikse inkomste onder N$100 000 bly, volgens die NBWPF.
Voor die aanpassings moes die meerderheid werkers in die konstruksiesektor inkomstebelasting betaal. Die uurlikse drempel, sonder om oortydbetalings en bonusse in ag te neem, sou dan ongeveer N$26,04 gewees het. Nou is die uurlikse drempel effektief dubbel hierdie bedrag, dit wil sê N$52,08.
“Dit sal implikasies vir Namibië se ekonomie hê, aangesien baie van die werkers in die konstruksiesektor nou ’n hoër besteebare inkomste sal hê en die druk en gevolge van hoë inflasie oor die afgelope jare sal kan weerstaan. As dit tot meer besteding lei, sal dit ’n positiewe impak op die ekonomie hê,” het die pensioenfonds in ’n onlangse verklaring gesê.
Met die erkenning van die potensiële positiewe impak op Namibië se ekonomie as gevolg van moontlike groter verbruik van goedere en dienste, sê die uitvoerende hoof van die pensioenfonds, Enwich Kazondu: “Hierdie stap deur ons regering is baie positief. Dit verhoog nie net die koopkrag van diegene met ’n lae inkomste en sal effektief ons ekonomie stimuleer nie, dit kan ook ’n reuse-impak hê op individue se finansiële beplanning.
“Met meer geld wat beskikbaar is, sal dit nie net meer besteding toelaat om in daaglikse behoeftes te voorsien nie, maar dit kan ook lei tot groter bydraes tot aftreespaargeld. Ons wil almal aanmoedig om voordeel te trek uit hierdie blaaskans en beslis meer geld opsy te sit. Dit kan die moeite werd wees om ’n verhoging in bydraes tot hul pensioenfonds te oorweeg,” sê hy.
Tans is die minimum bydrae 4% per maand, wat ook deur die werkgewer geëwenaar word.
“Ons moet kyk hoe ons dit kan verander en verhoog in die belang van ons lede,” sê Kazondu.
Van die verwagte uurlikse minimum lone:
Kategorie werkers Halfgeskoold Ambagsman
Verwer N$21,44 N$29,98
Teëldekker N$23,26 N$33,20
Loodgieter N$24,94 N$37,80
Messelaar N$24,66 N$37,81
Betonwerker N$24,75 N$38,67
Steiermaker N$20,11 –
Elektrisiën N$27,03 N$39,52
Timmerman N$27,59 N$41,61
Skrynwerker N$28,58 N$44,40
Sweiser N$23,54 –
Staalwerker N$21,65 –
Meestervakman – N$49,59
Sekuriteitswag
(per 12 uur skof) – N$140,91
Baksteenmaker – N$24,39
Klerk – N$25,77
Kommentaar
Republikein
Geen kommentaar is op hierdie artikel gelaat nie