Kokoseb-goudprojek wek vertroue
Kan beduidende vonds wees
Die vorm van die afsetting lyk soos die snawel van die neushoringvoël wat in Khoekhoegowab as Kokoseb bekend staan.
WIA Gold het Maandag die Australiese aandelebeurs in kennis gestel om die status van uitstaande aandele in die onderneming te verander na gewone volledig-betaalde opsies. Die stap versterk die nie-uitvoerende direkteur Andrew Pardey en ander direksielede van die mynbou-eksplorasie onderneming se posisie ten opsigte van eienaarskap van die maatskappy. Dit volg op die vrystelling van WIA Gold 2024-jaarverslag aan aandeelhouers op 27 September. Besonderheide in die verslag dui vordering met eksplorasiewerk in die Ivoorkus aan, maar die hoogtepunt is egter die uitbreiding van die goudhulpbronskatting vir die Kokoseb-goudprojek wat sedert verlede jaar met 63% gegroei het tot 2,12 miljoen onse goud ondergrondse goud.
Kokoseb is geleë in die noordweste van Namibië in die Okombahe-eksplorasielisensiegebied wat WIA Gold (80%) saam met sy vennoot en staatsonderneming Epangelo (20%) besit. EPL 4818 is net 15km vanaf Okombahe en slegs 30 km vanaf Uis geleë, en lê noord tot noordwes van die suksesvolle Navachab-goudmyn en die komende groot Twin Hills-goudmyn wat volgende jaar gebou word. Osino Resources se Ondundu- en Eureka-afsettings is ook naby geleë.
In ‘n onlangse onderhoud het die uitvoerende voorsitter van WIA Gold, Josef El-Raghy aan Mining Review Africa (miningreview.com) gesê die aanvanklike grondanomalie wat daarop gedui het dat Kokoseb 'n beduidende goudvonds kan wees, is in die tweede kwartaal van 2021 geïdentifiseer.
"Die eerste boorwerk het vroeg in 2022 gevolg en in April daardie jaar het ons 'n eerste afgeleide mineralehulpbronskatting (MRE) van 1,3 Moz (miljoen onse) aangekondig. Vandag, ongeveer drie jaar nadat die eerste veldwerk begin is, het die hulpbron gegroei tot 2,12 Moz teen 1,0 g/t Au. Om by die punt te kom waar ons is, het ons sowat 47 000m se boorwerk voltooi en 12 loopgrawe van altesaam 1 189m gesny,” het hy gesê.
El-Raghy is self ‘n beduidende aandeelhouer in die onderneming en het in April vanjaar die leierskap by Pardey oorgeneem. Dit nadat hy voorheen uitvoerende hoof en voorsitter van Centamin was, die ontwikkelaar van die 450 kilo-ons Egiptiese goudmyn en een van die grootste in Afrika. Pardey bly ook deel van die WIA-raad en dien saam met mede nie-uitvoerende direkteure insluitend Mark Arnesen en Steven Michael op die raad
In die onderhoud sê El-Raghy die hoofgeoloog Pierrick Couderc het van WIA se Ivoorkus-projekte na Namibië gereis. Hy is deur Kokoseb oortuig dat meer ondersoek plaaslik nodig was. Teen die einde van 2021 was monsters van tot 1 gram per ton goud in die grond opgeteken. “Dit was duidelik dat ons 'n groot ontdekking op ons hande gehad het,” was El-Raghy aan Mining Review Africa gesê.
Ten spyte ‘n nuwe boorveldtog van 10 000 meter in die Ivoorkus het WIA Gold se fokus nou terug na Namibië geswaai, sê El-Raghy. Couderc lei nou plaaslik ‘n Namibiese korps van 40 en wat boorwerkers uitsluit om eksplorasieboorwerk om die boogvormige afsetting te probeer uitbrei. Die vorm van die afsetting lyk soos die snawel van die neushoringvoël, wat in Khoekhoegowab as Kokoseb bekend is, daarom die projek se naam.
Die uiteindelike oopgroefmyn word tans beoog om langs 4,8 km van die afsetting om te loop, alhoewel die goud moontlik in enige rigting en diepte opgespoor kan word. Boorwerk fokus op die omskakeling van skatting tot die kategorie vir aangeduide hulpbron en die groei van die hoeveelheid opgespoorde goud. Oor die komende maande sal die onderneming ook die grondslag lê vir nodige omgewingstudies, alhoewel lewensvatbaarheidstudies eers later in volgende jaar verwag word, sê El-Raghy. - [email protected]
Kokoseb is geleë in die noordweste van Namibië in die Okombahe-eksplorasielisensiegebied wat WIA Gold (80%) saam met sy vennoot en staatsonderneming Epangelo (20%) besit. EPL 4818 is net 15km vanaf Okombahe en slegs 30 km vanaf Uis geleë, en lê noord tot noordwes van die suksesvolle Navachab-goudmyn en die komende groot Twin Hills-goudmyn wat volgende jaar gebou word. Osino Resources se Ondundu- en Eureka-afsettings is ook naby geleë.
In ‘n onlangse onderhoud het die uitvoerende voorsitter van WIA Gold, Josef El-Raghy aan Mining Review Africa (miningreview.com) gesê die aanvanklike grondanomalie wat daarop gedui het dat Kokoseb 'n beduidende goudvonds kan wees, is in die tweede kwartaal van 2021 geïdentifiseer.
"Die eerste boorwerk het vroeg in 2022 gevolg en in April daardie jaar het ons 'n eerste afgeleide mineralehulpbronskatting (MRE) van 1,3 Moz (miljoen onse) aangekondig. Vandag, ongeveer drie jaar nadat die eerste veldwerk begin is, het die hulpbron gegroei tot 2,12 Moz teen 1,0 g/t Au. Om by die punt te kom waar ons is, het ons sowat 47 000m se boorwerk voltooi en 12 loopgrawe van altesaam 1 189m gesny,” het hy gesê.
El-Raghy is self ‘n beduidende aandeelhouer in die onderneming en het in April vanjaar die leierskap by Pardey oorgeneem. Dit nadat hy voorheen uitvoerende hoof en voorsitter van Centamin was, die ontwikkelaar van die 450 kilo-ons Egiptiese goudmyn en een van die grootste in Afrika. Pardey bly ook deel van die WIA-raad en dien saam met mede nie-uitvoerende direkteure insluitend Mark Arnesen en Steven Michael op die raad
In die onderhoud sê El-Raghy die hoofgeoloog Pierrick Couderc het van WIA se Ivoorkus-projekte na Namibië gereis. Hy is deur Kokoseb oortuig dat meer ondersoek plaaslik nodig was. Teen die einde van 2021 was monsters van tot 1 gram per ton goud in die grond opgeteken. “Dit was duidelik dat ons 'n groot ontdekking op ons hande gehad het,” was El-Raghy aan Mining Review Africa gesê.
Ten spyte ‘n nuwe boorveldtog van 10 000 meter in die Ivoorkus het WIA Gold se fokus nou terug na Namibië geswaai, sê El-Raghy. Couderc lei nou plaaslik ‘n Namibiese korps van 40 en wat boorwerkers uitsluit om eksplorasieboorwerk om die boogvormige afsetting te probeer uitbrei. Die vorm van die afsetting lyk soos die snawel van die neushoringvoël, wat in Khoekhoegowab as Kokoseb bekend is, daarom die projek se naam.
Die uiteindelike oopgroefmyn word tans beoog om langs 4,8 km van die afsetting om te loop, alhoewel die goud moontlik in enige rigting en diepte opgespoor kan word. Boorwerk fokus op die omskakeling van skatting tot die kategorie vir aangeduide hulpbron en die groei van die hoeveelheid opgespoorde goud. Oor die komende maande sal die onderneming ook die grondslag lê vir nodige omgewingstudies, alhoewel lewensvatbaarheidstudies eers later in volgende jaar verwag word, sê El-Raghy. - [email protected]
Kommentaar
Republikein
Geen kommentaar is op hierdie artikel gelaat nie