Nóg miljoene vir skole, medisyne

Sowat ‘n kwartmiljoen méér vir medisyne en amper N$130 miljoen vir die bou van nog klaskamers is van die nuus wat in finansminister Iipumbu Shimmi se hersiende begroting vervat is.Shiimi het gister ‘n hersiende begroting van bykans N$89 miljard vir 2023-’24 in die parlement ter tafel gelê. Dit is sowat N$2,6 miljard hoër as die hoofbegroting wat hy vroeër vanjaar ingedien het.Shiimi se jongste operasionele begroting word op sowat N$68,6 miljard geraam, ongeveer N$2,5 miljard méér as die totale bedryfsuitgawes in die hoofbegroting.Die ontwikkelsbegroting se totaal bly onveranderd op N$6,5 miljard. Aangesien net sowat ‘n derde van die ontwikkelingsbegroting tot dusver bestee is, het Shiimi egter N$167,3 miljard van die projekte waarmee voete gesleep word, na dringende ontwikkelingsprioriteite verskuif. Dit sluit die bou bykomende klaskamers by skole landswyd in.Rente verskuldig op die regering se lenings is na N$11,8 miljard verhoog, terwyl totale skuld in die huidige begrotingsjaar na verwagting tot N$153,8 miljard gaan styg.Totale inkomste sal na raming tot N$78,2 miljard styg. Dit is hoofsaaklik danksy beter belastingsyfers en ‘n hoër as verwagte hupstoot uit die inkomstepoel van die Suider-Afrikaanse Doeane-unie (Sacu).Teen die einde van September vanjaar het die regering reeds sowat N$40,1 miljard of 53,7% van sy verwagte inkomste vir 2023-’24 ingevorder.HertoekenningsVolgens Shiimi is bykomende uitgaweversoeke van ongeveer N$5,3 miljard vir die hersiende begroting ontvang.In totaal is N$438,5 miljoen ekstra by die goedere- en dienste-uitgawes van verskeie begrotingsposte gelas. Dit sluit onder meer N$250 miljoen vir die farmaseutiese begroting van die ministerie van gesondheid en maatskaplike dienste in.Nóg N$40 miljoen is ook by ‘n spesiale fonds vir ongewone siektes van dié ministerie gevoeg.Die ministerie van justisie het N$25 miljoen méér ontvang om stygende regskoste te dek en die regshulpbegroting te vermeerder.Die ministerie van die omgewing, bosbou en toerisme het N$17 miljoen bykomend vir die bekamping van stroping ontvang.Die ministerie van sport, jeug en nasionale diens het nóg N$14,5 miljoen vir bemagtigingsprojekte en jeugkredietskemas gekry.Subsidies‘n Totaal van N$1,2 miljard in subsidies en ander oordragte na regeringsinstansies is bykomend goedgekeur.Dit sluit onder meer N$376,3 miljoen vir die Finansiële Hulpfonds vir Namibiese Studente (NSFAF) in.TransNamib het nóg N$230 miljoen gekry, terwyl N$200 miljoen bykomend aan die staat se mediese fonds (Psemas) toegestaan is om sy verwagte tekort te dek.Die gebeurlikheidsfonds is met N$105,3 miljoen vergroot en N$87,5 miljoen méér is toegeken vir Namibië se bydrae tot die ontplooiing van die Suider-Afrikaanse Ontwikkelingsgemeenskap (SADC) se missie in die Demokratiese Republiek van Kongo (DRK).

Nóg miljoene vir skole, medisyne

Kommentaar

Republikein 2025-04-07

Meld asseblief aan om kommentaar te lewer

Nóg miljoene vir skole, medisyne

Kommentaar

Republikein 2025-04-07

Meld asseblief aan om kommentaar te lewer

MELD AAN

Advertensie