Otjikoto-goudmyn se dae getel
B2Gold kondig sluitingsproses aan
Ongeveer 'n duisend werknemers is ingelig dat net die helfte tonkapasiteit in 2024 nodig is.
Die Kanadese mynbouer B2Gold Namibia het Donderdag aangekondig vanjaar sal die laaste jaar wees wat volskaalse produksie by sy Otjikoto-goudmyn tussen Otavi en Otjiwarongo sal voortduur.
Die maatskappy het reeds begin om die fases van die myn se sluitingsplan te implementeer. Werknemers en belanghebbers word dus vroegtydig in kennis gestel dat afdankings onvermydelik is.
Die afskaling van bedrywighede word vir die begin van 2024 beoog, met net die helfte van die tonkapasiteit wat volgende jaar nodig sal wees, sê die mynbouer.
“Die laaste jaar van volskaalse oopgroef-mynbouproduksie sal 2023 wees. Die verwerking en die maal van laegraadse ertsvoorraad sal voortduur tot ongeveer 2031, afhangend van bewyse van die ekonomiese haalbaarheid daarvan.
“B2Gold bly toegewyd aan die Otjikoto-myn en belê steeds aansienlike hoeveelhede geld in eksplorasie, met die hoop om die projek se lewensduur te verleng,” lui die verklaring.
“Afleggings sal gebaseer wees op ’n afskalingskedule en operasionele vereistes,” sê B2Gold.
Besonderhede van die afleggingsbeleid en -kriteria kan nog nie bekendgemaak word nie, aangesien konsultasie met die betrokke Mynwerkersvakbond van Namibië (MUN) nog nie afgehandel is nie.
Volgens B2Gold is die onderhandelinge openhartig en sal die mynbouer inligting op ’n deursigtige wyse deel en die media op hoogte hou.
Die Otjikoto-goudmyn het teen 1 Maart vanjaar 974 werknemers in diens gehad, waarvan 98% Namibiërs is.
Die projek behels die oorspronklike Otjikoto-put en die nabygeleë Wolfshag-put waar B2Gold verlede jaar ondergrond begin myn het. Sedert die projek in 2014 goud begin produseer het, is kommersiële produksie teen Maart 2015 bereik.
B2Gold is in Kanada genoteer en besit 90% van B2Gold Namibia, met die oorblywende 10% in die besit van EVI Mining Company, ’n Namibiese ekonomiese bemagtigingsgroep.
– [email protected]
Die maatskappy het reeds begin om die fases van die myn se sluitingsplan te implementeer. Werknemers en belanghebbers word dus vroegtydig in kennis gestel dat afdankings onvermydelik is.
Die afskaling van bedrywighede word vir die begin van 2024 beoog, met net die helfte van die tonkapasiteit wat volgende jaar nodig sal wees, sê die mynbouer.
“Die laaste jaar van volskaalse oopgroef-mynbouproduksie sal 2023 wees. Die verwerking en die maal van laegraadse ertsvoorraad sal voortduur tot ongeveer 2031, afhangend van bewyse van die ekonomiese haalbaarheid daarvan.
“B2Gold bly toegewyd aan die Otjikoto-myn en belê steeds aansienlike hoeveelhede geld in eksplorasie, met die hoop om die projek se lewensduur te verleng,” lui die verklaring.
“Afleggings sal gebaseer wees op ’n afskalingskedule en operasionele vereistes,” sê B2Gold.
Besonderhede van die afleggingsbeleid en -kriteria kan nog nie bekendgemaak word nie, aangesien konsultasie met die betrokke Mynwerkersvakbond van Namibië (MUN) nog nie afgehandel is nie.
Volgens B2Gold is die onderhandelinge openhartig en sal die mynbouer inligting op ’n deursigtige wyse deel en die media op hoogte hou.
Die Otjikoto-goudmyn het teen 1 Maart vanjaar 974 werknemers in diens gehad, waarvan 98% Namibiërs is.
Die projek behels die oorspronklike Otjikoto-put en die nabygeleë Wolfshag-put waar B2Gold verlede jaar ondergrond begin myn het. Sedert die projek in 2014 goud begin produseer het, is kommersiële produksie teen Maart 2015 bereik.
B2Gold is in Kanada genoteer en besit 90% van B2Gold Namibia, met die oorblywende 10% in die besit van EVI Mining Company, ’n Namibiese ekonomiese bemagtigingsgroep.
– [email protected]
Kommentaar
Republikein
Geen kommentaar is op hierdie artikel gelaat nie