Antler verkoop Erongo-goudprojek
Die Kanadees-genoteerde mineraaleksplorasiemaatskappy Antler Gold het Woensdag die verkoop van sy Erongo-goudprojek aan Fortress Asset Management aangekondig.
Die projek bestaan uit vier eksklusiewe prospekteerlisensies (EPL’s) wat in die sentrale suidelike sone van die Damara Belt geleë is, aangrensend aan die Twin Hills-goudprojek wat Osino Resources onlangs aan Yintai van China verkoop het.
EPL 6162, EPL 7261, EPL 6408 en EPL 8010, tesame met die hangende aansoek vir EPL 9534, dek ’n oppervlakte van ongeveer 195 km² en word sedert 2021 deur Antler verken.
Die maatskappy het voorheen bevestig dat daar ’n groot potensiaal is vir ’n winsgewende goudstelsel, met nog 30 km se goeie vooruitsigte om stelselmatig te boor.
Die kooptransaksie is teen ’n aanvanklike waarde van US$5,5 miljoen (sowat N$97 miljoen), met nog US$6 miljoen vir verdere eksplorasieboorwerk.
Boonop sal Antler gedurende die termyn van die ooreenkoms 2% van die verwagte netto opbrengs uit goudsmeltery-voorsieningstantième aan Fortress betaal, terwyl Antler sal voortgaan om die projek te bestuur.
Chris Drysdal, Antler se uitvoerende hoof, sê die voltooiing van die ooreenkoms skep aansienlike waarde vir Antler Gold, “wat ons posisioneer om voordeel te trek uit beide korttermyn-eksplorasie-uitkomste en langtermyn-produksiepotensiaal”.
“Ons projekspan het ywerig gewerk, en ons is gretig om dieselfde benadering op toekomstige projekte toe te pas,” word hy aangehaal.
Antler se aandeelhouers het die verkooptransaksie reeds in Julie goedgekeur. – [email protected]
Die projek bestaan uit vier eksklusiewe prospekteerlisensies (EPL’s) wat in die sentrale suidelike sone van die Damara Belt geleë is, aangrensend aan die Twin Hills-goudprojek wat Osino Resources onlangs aan Yintai van China verkoop het.
EPL 6162, EPL 7261, EPL 6408 en EPL 8010, tesame met die hangende aansoek vir EPL 9534, dek ’n oppervlakte van ongeveer 195 km² en word sedert 2021 deur Antler verken.
Die maatskappy het voorheen bevestig dat daar ’n groot potensiaal is vir ’n winsgewende goudstelsel, met nog 30 km se goeie vooruitsigte om stelselmatig te boor.
Die kooptransaksie is teen ’n aanvanklike waarde van US$5,5 miljoen (sowat N$97 miljoen), met nog US$6 miljoen vir verdere eksplorasieboorwerk.
Boonop sal Antler gedurende die termyn van die ooreenkoms 2% van die verwagte netto opbrengs uit goudsmeltery-voorsieningstantième aan Fortress betaal, terwyl Antler sal voortgaan om die projek te bestuur.
Chris Drysdal, Antler se uitvoerende hoof, sê die voltooiing van die ooreenkoms skep aansienlike waarde vir Antler Gold, “wat ons posisioneer om voordeel te trek uit beide korttermyn-eksplorasie-uitkomste en langtermyn-produksiepotensiaal”.
“Ons projekspan het ywerig gewerk, en ons is gretig om dieselfde benadering op toekomstige projekte toe te pas,” word hy aangehaal.
Antler se aandeelhouers het die verkooptransaksie reeds in Julie goedgekeur. – [email protected]
Kommentaar
Republikein
Geen kommentaar is op hierdie artikel gelaat nie