Da Kang vaar met kosbare vrag na Namibië

Die windturbines wat vir die InnoVent Diaz-windplaas op Lüderitz bestem is, is op pad na Namibië. Die vaartuig Da Kang het op 9 Januarie vanaf Lusi-hawe in China vertrek en sal na verwagting ongeveer 45 dae neem om Lüderitz te bereik.Die vrag bestaan onder andere uit die lemme en kragopwekkers wat sal verseker dat die bouproses en samestelling van die turbines kan voortgaan.“Aangesien Namibië homself steeds posisioneer as ’n leier in hernubare energie en groen waterstof, is Namport daartoe verbind om doeltreffende en betroubare hawedienste te lewer wat die ontwikkeling van energie-infrastruktuur ondersteun. “Hierdie turbines versterk nie net Lüderitz se rol as die hoofstad van windenergie nie, maar versterk ook Namibië se verbintenis tot ’n volhoubare toekoms in die energiebedryf,” het Tana Pesat, die Namibiese haweowerheid (Namport) se waarnemende bestuurder vir bemarking en belanghebbende-betrokkenheid, gesê.Die kommersiële en sakeontwikkelingsbestuurder vir Africa Global Logistics Namibia, Jacqueline Hebbard, sê hulle is baie opgewonde vir die vrag om in Namibië aan te kom.“Die Diaz-windplaasprojek is op koers. Ons het ’n uitgebreide netwerk oraloor Afrika wat geweldige ondervinding met projekte soos hierdie en ander het.” Die burgemeester van Lüderitz, Phil Balhao, het daarop gewys dat Lüderitz die hoofstad van windenergie in Namibië is en erken word as die derde beste plek ter wêreld vir die opwekking van hernubare energie. “Ons sien uit dat die Da Kang met die windturbines vir die Diaz-windplaas in ons hawe aankom en wil sien dat hierdie projek – wat ons energie-selfstandigheid sal verbeter en bydra tot ’n volhoubare toekoms vir Namibië – ’n werklikheid word,” het hy gesê.GEMAAK VIR NAMIBIëInnoVent het twee maande gelede via sy LinkedIn-rekening aangekondig dat die grondwerk by die terrein van sy toekomstige InnoVent Diaz-windplaas begin het. “Hierdie windplaas sal 11 turbines insluit, waarvan vier met die innoverende Nabrabase-tegnologie toegerus sal wees. Dit is ontwerp vir uitdagende terreine, soos die klipperige grond by die InnoVent Diaz-terrein waar water- en betonhulpbronne skaars is. Die Nabrabase-stelsel is die perfekte oplossing,” het die maatskappy gesê.Volgens ’n plaaslike koerant word die koste van die projek met ’n lewensiklus van 25 jaar vanaf die kommersiële bedryfsdatum onder die huidige lisensie vir kragopwekking en die getekende PPA met NamPower in 2019 op N$1,5 miljard geraam.LIGGINGDie perseel wat naby die Ombepo-windplaas in die omgewing van Lüderitz geleë is, trek voordeel uit uitsonderlike windtoestande met 5 000 uur se volle produksie per jaar.Sodra dit in werking is, sal die 11 turbines by die Diaz-windplaas ’n totale kapasiteit van 44 MW hê. Konstruksie het in 2023 begin, met ingebruikneming wat vir Julie 2025 geskeduleer is. Met ’n jaarlikse opwekking van meer as 230 GWh groen krag, sal die Diaz-windplaas 5% tot 6% van Namibië se kragverbruik verteenwoordig (ongeveer 4 000 GWh per jaar), wat die vrystelling van 200 000 ton koolstofdioksied per jaar sal verhoed. SUKSESSEDie InnoVent-span is sedert 2011 bedrywig in Namibië en het die land se eerste drie sonkragaanlegte (Omburu, Osona, Aussenkehr, elk met 5 MWc) en die eerste windplaas (Ombepo, 6 MW) ontwikkel en gebou. Hierdie infrastruktuur, met ’n totale kapasiteit van 21 MW, is tussen 2015 en 2017 in gebruik geneem. Die maatskappy het die Nabrabase-stelsel suksesvol in Le Portel in Frankryk en Oualidia in Marokko ontplooi.Nabrawind hou toesig oor die installering van die vier Nabrabase-stelsels en die gepaardgaande grondwerk vir die InnoVent Diaz-windplaasprojek terwyl die Innovent-span die konstruksie van die oorblywende fondamente, platforms en infrastruktuur hanteer wat nodig is om die projek te bevorder.– republikein@republikein.com.na

Da Kang vaar met kosbare vrag na Namibië

Kommentaar

Republikein 2025-03-14

Meld asseblief aan om kommentaar te lewer

Da Kang vaar met kosbare vrag na Namibië

Kommentaar

Republikein 2025-03-14

Meld asseblief aan om kommentaar te lewer

MELD AAN

Advertensie