ECB-terugbetalings: N$10,4 m. nog onopgeëis

Inwoners van Gobabis, Witvlei, Gochas, Osona Village en die Roshkor-woonbuurt kan hoër elektrisiteitskoste in die gesig staar weens die versuim van hul plaaslike owerhede om beskikbare tariefterugbetalings te eis.Die Elektrisiteitsbeheerraad van Namibië (ECB) het gesê N$10,4 miljoen bly onopgeëis, met Robert Kahimise, die uitvoerende hoof, wat frustrasie uitgespreek het oor die versuim van die geraakte dorpsrade om hul eise in te dien.Verspreidingslisensiehouers moes tussen Julie en Desember eise by die ECB indien vir betalings deur die ministerie van myne en energie. Tot dusver is N$78,7 miljoen aan lisensiehouers vir die tydperk Julie tot September 2024 uitbetaal en sluit in NamPower (N$62,7 miljoen), Erongo RED (N$3,7 miljoen), die Keetmanshoop-munisipaliteit (N$524 866), NamPower Distribution (N$1,3 miljoen), Nored (N$8,7 miljoen) en Oshakati Premier Electric (N$1,6 miljoen).Bykomende eise wat ná einde September ontvang is, sluit in betalings van N$6,5 miljoen aan Stad Windhoek, N$2,4 miljoen aan Cenored, N$111 503 aan die Hardap-streekraad, N$30 240 aan Osire Power en N$771 845 aan die Rehoboth-dorpsraad.“Wat kan die vertraging wees? Is dit dat jy nie die geld nodig het nie of wat is jou probleem? Julle druk ons om die woord onbevoegd te gebruik,” het Kahimise gesê oor die eise wat nie ingedien is nie.Hy beskou die versuim om eise in te dien as onverantwoordelike gedrag deur die geraakte owerhede.“Jy bestuur ’n openbare entiteit as gevolg van die kommoditeit waarmee jy toevertrou is wat elektrisiteit is, dit raak almal se lewens. Daar word van jou verwag om jou koste van voorsiening te verhaal en ’n volhoubare besigheid te bedryf. “Beteken dit nou jy het geen belang om ’n volhoubare besigheid te bestuur nie, of jy weet nie wat jy doen nie?” het Kahimise gevra.“Ons is net so bekommerd,” het hy bygevoeg.Die ECB het in April 2024 ’n verhoging van 8% in NamPower se grootmaattarief vir die 2024-’25-boekjaar goedgekeur, gevolg deur tariefaanpassings vir verspreidingslisensiehouers in Junie 2024, effektief 1 Julie 2024.Na aanleiding van openbare kommer oor die bekostigbaarheid van elektrisiteit, het die regering ongeveer N$365 miljoen gebruik om elektrisiteitsverbruikers te subsidieer vir die 2024-’25-boekjaar, effektief 1 Julie 2024 tot 30 Junie 2025, wat saamval met die boekjaar van die lisensiehouers.Dit het beteken dat kragverbruikers dieselfde tarief sou betaal soos volgens die 2023-’24 Bylae van Goedgekeurde Tariewe (SOAT).Van die toegekende bedrag is N$251 miljoen aan NamPower toegewys om ononderbroke elektrisiteitstoevoer te verseker, terwyl die oorblywende N$115 miljoen onder die lisensiehouers verdeel moet word om die impak van tariefverhogings op kliënte te verminder.Lisensiehouers het tot Junie 2025 om eise in te dien, of loop die risiko om die hulp van die regering te verbeur.– republikein@republikein.com.na

ECB-terugbetalings: N$10,4 m. nog onopgeëis

Kommentaar

Republikein 2025-02-21

Meld asseblief aan om kommentaar te lewer

ECB-terugbetalings: N$10,4 m. nog onopgeëis

Kommentaar

Republikein 2025-02-21

Meld asseblief aan om kommentaar te lewer

MELD AAN

Advertensie