‘Groen’ toekoms vir plaaslike mynbou

Namibië neem deel aan die 30ste Mynbou-indaba in Kaapstad, Suid-Afrika, wat nog tot môre duur. Die minister van myne en energie, Tom Alweendo, sê dit bied aan Namibië ’n geleentheid om die land se potensiaal uit te lig en om die beste praktyke in die streek en wêreldwyd met ander mynboulande te deel. Minerale hulpbronne in Namibië sluit in diamante, goud, koper, sink, uraan, seldsame aardmetale en vele meer wat nog ontdek moet word.Van die hulpbronne is veral belangrik vir toerusting om hernubare energie op te wek, volgens die ministerie, wat volhou dat saam met die bevorderlike beleidsomgewing, dit Namibië ’n gunstelingkeuse vir mynboubeleggings maak. Mynbou is reeds belangrik vir die plaaslike ekonomie aangesien dit tot 12,2% van die bruto binnelandse produk (BBP) in 2022 bygedra het, en selfs 14,3% as die verwerking van minerale en waardetoevoeging ook in aanmerking geneem word.Namibië doen stappe om volhoubare mynbou te bevorder en skep ’n “groen” toekoms, volgens die tema van die land se deelname aan die Indaba. Afgevaardigdes van die ministerie asook afgevaardigdes van die Geologiese Opname van Namibië, Epangelo, NamPower, die Kamer van Mynwese en die Namibiese raad vir die bevordering van beleggings en ontwikkeling (NIPDB) woon die geleentheid by. Die afvaardiging word deur die adjunk- uitvoerende direkteur van myne en energie, Gloria Simubali, gelei. “Dit is noodsaaklik dat ons ’n begrip onder ons potensiële beleggingsvennote skep dat Namibië se standvastige posisie om waarde tot ons minerale toe te voeg, deurslaggewend is vir die plaaslike ekonomie om te groei. “Om ’n groen môre te bereik, moet ons ons verbintenis tot volhoubare mynboupraktyke versterk, met die toenemende wêreldwye vraag na kritieke minerale,” volgens Alweendo. Benewens verskeie vergaderings met besighede en tussen besighede, sou Namibië ook vandag aan ’n gesprek oor die ontwikkeling van kritieke rou minerale en plaaslike waardetoevoeging in die Namibiese konteks deelneem.Dit sal ’n geleentheid bied om Namibië as ’n bestemming vir mynboubeleggings uit te lig, en sal die nasionale standpunt in verband met waardetoevoeging weerspieël, volgens die ministerie. – augetto@republikein.com.na

‘Groen’ toekoms vir plaaslike mynbou

Kommentaar

Republikein 2025-03-12

Meld asseblief aan om kommentaar te lewer

‘Groen’ toekoms vir plaaslike mynbou

Kommentaar

Republikein 2025-03-12

Meld asseblief aan om kommentaar te lewer

MELD AAN

Advertensie