Halliburton beplan aanleg in Walvisbaai
N$200 miljoen-projek soek omgewingsklaring
Die hawe sal die vermoë hê om oliebore van boorvloeistowwe te voorsien.
Halliburton Industries beplan ’n aanleg in Walvisbaai vir ongeveer N$200 miljoen (US$10,5 miljoen) om vloeibare modder en vloeistowwe wat nodig is om olie- of gasboorgate vir produksie te voltooi (voltooiingsvloeistof), te vervaardig.
Dit sal in die oliebore wat betrokke is by verskeie olie-eksplorasieveldtogte langs die Namibiese kus gebruik word.
Die omgewingsklaringsproses is van stapel gestuur en SLR Consulting Namibia is aangestel om die proses te bestuur en die nodige aansoeke voor te berei.
Belangstellendes kan die agtergrondinligting op die SLR-webwerf nagaan en het tot 5 Junie die geleentheid om insette te lewer en om as ’n belanghebbende of geaffekteerde party te registreer.
Volgens die aanvanklike inligting sal die nuwe aanleg by die Walvisbaai-hawe geleë wees (vasmeerplek 8). Namport het dit geïdentifiseer as die beste ligging vanweë sy nabye ligging aan die vasmeerplek vir skepe wat materiaal, chemikalieë en finale produkte na en van die aanleg sal vervoer.
Die aanleg sal ’n pakhuis insluit, en ’n area vir horisontale tenks om sintetiese en watergebaseerde boor-, voltooiings- en basisvloeistowwe te stoor en te verwerk, en vir gebruikte afvalvloeistowwe.
Nog ’n deel van die aanleg sal gebruik word vir die berging van droë stowwe, soos bariet, bentoniet en kalsiumkarbonaat.
Laastens sal daar ’n laboratorium wees, waar die kwaliteit van die vloeistowwe wat by die aanleg gemeng word en ook dié wat van die oliebore terug ontvang word, beheer sal word.
Die laboratorium is ook waar ingenieursdienste uitgevoer en ondersteuning aan aflandige bedrywighede verskaf word, brei hulle uit.
Volgens die omgewingskonsultante sal al die stofvrystellings deur stofverwyderaars opgevang word, wat ontwerp is om die personeel en die omgewing se blootstelling tot die minimum te beperk.
Vloeistof word na en van skepe vervoer deur nywerheidspype met oordragpompe. Toevoerskepe sal ook produkte heen en weer tussen die boorvaartuie en die aanleg vervoer.
Die aanleg sal na verwagting elke drie maande tot 3 800 kubieke meter water en 115 000 liter diesel benodig, afhangend van die aktiwiteitsvlakke en die spesifieke vloeistowwe wat kliënte benodig.
Twee toegewyde dieselkragopwekkers word vir die aanleg beplan. Met inagneming van afval, soos leë oliedromme, sakke en olierige water, word beplan om die dienste van die plaaslike maatskappy Wesco te gebruik.
Stortings sal verhoed word deur te verseker dat tenks nie lek nie, terwyl beweegbare beton-keermure rondom alle vloeistofbergingsareas, wat met ondeurdringbare membrane bedek is, gebruik sal word om te verseker dat die storting van gevaarlike vloeistowwe nie kan voorkom nie.
Nadat die ontwerp van die aanleg voltooi en alle nodige permitte verkry is, behoort die bouwerk vir die aanleg sowat ses maande te neem, terwyl die aanleg vir die volgende vyf jaar daarna operasioneel sal wees.
Tot 22 plaaslike werknemers sal by die aanleg in diens geneem word, terwyl van die spesialiste wat aangestel gaan word uit die buiteland ingebring sal word weens ’n tekort aan vaardighede binne Namibië. Die opleiding van Namibiese werknemers is ook in die pyplyn.
Die Amerikaanse maatskappy het oor die jare gegroei tot ’n reuse- internasionale energiediensverskaffer wat verlede maand ’n ooreenkoms met Rhino Resources onderteken het om eksplorasieboorgate binne die PEL85-gebied in die Oranjekom te boor.
– [email protected]
Dit sal in die oliebore wat betrokke is by verskeie olie-eksplorasieveldtogte langs die Namibiese kus gebruik word.
Die omgewingsklaringsproses is van stapel gestuur en SLR Consulting Namibia is aangestel om die proses te bestuur en die nodige aansoeke voor te berei.
Belangstellendes kan die agtergrondinligting op die SLR-webwerf nagaan en het tot 5 Junie die geleentheid om insette te lewer en om as ’n belanghebbende of geaffekteerde party te registreer.
Volgens die aanvanklike inligting sal die nuwe aanleg by die Walvisbaai-hawe geleë wees (vasmeerplek 8). Namport het dit geïdentifiseer as die beste ligging vanweë sy nabye ligging aan die vasmeerplek vir skepe wat materiaal, chemikalieë en finale produkte na en van die aanleg sal vervoer.
Die aanleg sal ’n pakhuis insluit, en ’n area vir horisontale tenks om sintetiese en watergebaseerde boor-, voltooiings- en basisvloeistowwe te stoor en te verwerk, en vir gebruikte afvalvloeistowwe.
Nog ’n deel van die aanleg sal gebruik word vir die berging van droë stowwe, soos bariet, bentoniet en kalsiumkarbonaat.
Laastens sal daar ’n laboratorium wees, waar die kwaliteit van die vloeistowwe wat by die aanleg gemeng word en ook dié wat van die oliebore terug ontvang word, beheer sal word.
Die laboratorium is ook waar ingenieursdienste uitgevoer en ondersteuning aan aflandige bedrywighede verskaf word, brei hulle uit.
Volgens die omgewingskonsultante sal al die stofvrystellings deur stofverwyderaars opgevang word, wat ontwerp is om die personeel en die omgewing se blootstelling tot die minimum te beperk.
Vloeistof word na en van skepe vervoer deur nywerheidspype met oordragpompe. Toevoerskepe sal ook produkte heen en weer tussen die boorvaartuie en die aanleg vervoer.
Die aanleg sal na verwagting elke drie maande tot 3 800 kubieke meter water en 115 000 liter diesel benodig, afhangend van die aktiwiteitsvlakke en die spesifieke vloeistowwe wat kliënte benodig.
Twee toegewyde dieselkragopwekkers word vir die aanleg beplan. Met inagneming van afval, soos leë oliedromme, sakke en olierige water, word beplan om die dienste van die plaaslike maatskappy Wesco te gebruik.
Stortings sal verhoed word deur te verseker dat tenks nie lek nie, terwyl beweegbare beton-keermure rondom alle vloeistofbergingsareas, wat met ondeurdringbare membrane bedek is, gebruik sal word om te verseker dat die storting van gevaarlike vloeistowwe nie kan voorkom nie.
Nadat die ontwerp van die aanleg voltooi en alle nodige permitte verkry is, behoort die bouwerk vir die aanleg sowat ses maande te neem, terwyl die aanleg vir die volgende vyf jaar daarna operasioneel sal wees.
Tot 22 plaaslike werknemers sal by die aanleg in diens geneem word, terwyl van die spesialiste wat aangestel gaan word uit die buiteland ingebring sal word weens ’n tekort aan vaardighede binne Namibië. Die opleiding van Namibiese werknemers is ook in die pyplyn.
Die Amerikaanse maatskappy het oor die jare gegroei tot ’n reuse- internasionale energiediensverskaffer wat verlede maand ’n ooreenkoms met Rhino Resources onderteken het om eksplorasieboorgate binne die PEL85-gebied in die Oranjekom te boor.
– [email protected]
Kommentaar
Republikein
Geen kommentaar is op hierdie artikel gelaat nie