Hyphen, Hardap onderteken MoU

Die gekose ontwikkelaar vir Namibië se eerste reuse-groenwaterstofontwikkeling in die verre Suide, Hyphen Hydrogen Energy, het Dinsdag ’n Memorandum van Verstandhouding (MoU) met die Hardap-streekraad onderteken.Die goewerneur van die Hardapstreek, Salomon April het by die geleentheid gesê: “Vir ons is dit nie net ’n dokument nie, hierdie MoU is ons ambisie en hoop in aksie.”Volgens April ly die streek onder ’n gebrek aan ontwikkeling wat Hardap se aktiewe rol in die ontwikkeling van Namibië kniehalter.Hy hoop Hyphen se ingrypings sal help om “jongmense in die streek anders te laat voel en om waardig te begin voel”.“Jongmense in Hardap sien nie eens meer die behoefte om skool toe te gaan nie, hulle is so moedeloos want hulle sien hul broers en susters wat klaar gestudeer het nog ledig by die huis sit. Wat is ons vrede werd as ons nie die jeug bemagtig nie?” het hy gevra.“Hierdie een is vir die jeug van die Hardapstreek,” het April gesê.Hy het die ooreenkoms met Hyphen beskryf as ’n verwikkeling wat die streek weer deel van die land se ontwikkelingsplanne laat voel.“Die Hardapstreek voel nie dat hy in ag geneem word nie. Ons het niks in hierdie streek nie – geen regeringskantore, geen ministeries, geen tersiêre (onderwys)-instellings nie,” sê hy.“Hoe moet Hardap sy rol speel in hierdie nasiebou-agenda van die land, of vir Visie 2030? Waar is ons deel van die koek?” het hy gevra.Met dié ooreenkoms is daar nou lig aan die einde van die tonnel, veral vir die opleiding van jong Hardap-inwoners, sê hy.April het genoem dat Hardap verlede jaar 13de uit Namibië se 14 streke in die nasionale eksamens geëindig het.WERKGROEPHyphen se woordvoerder, Ricardo Goagoseb, het uitgebrei dat die ooreenkoms sal lei tot die stigting van ’n werkgroep, wat vaardigheidsontwikkeling, werkskepping, ondernemingsbestuur en maatskaplike ontwikkeling sal bevorder. Spesifiek met betrekking tot opleiding, sê Goagoseb Duitse maatskappye het reeds belangstelling getoon om te help. Bestaande tegniese en beroepsopleidingsentrums soos die Johanna Jacobs VTC en die Kai||Ganaxab kan dalk opgeknap en verbeter word, sê hy.Verder, wat werksgeleenthede betref, beoog Hyphen om 90% Namibiërs aan te stel en die werkgroep sal dus individue uit die streek hiervoor moet identifiseer.Hyphen moet ook minstens 30% van sy verkryging plaaslik doen en daarvoor word gekyk na die ontwikkeling van ondernemingsbestuur in Hardap.“Die hoofdoel van die ooreenkoms is om ons as die private sektor aanspreeklik te kan hou,” voeg Goagoseb by.Hyphen se hoof vir die omgewing, maatskaplike belegging en bestuur, Toni Beukes, het by die geleentheid gesê dit merk ’n belangrike mylpaal vir die maatskappy en die regering, deurdat dit die eerste ooreenkoms is wat onder meer aan plaaslike vaardigheidsontwikkeling toegewy is.Hyphen is Namibië se vennoot in die bevordering van vaardighede onder Namibië se jeug, sê sy.“Ons besef die vaardigheidsgaping oraloor die land en sal op gespesialiseerde opleiding en kapasiteitsbou-inisiatiewe fokus,” sê Beukes.Volgens haar kan ’n soortgelyke ooreenkoms binnekort met die ||Kharasstreek verwag word. Die voorsitter van die Hardap-streekraad, Gershon Dausab, sê met die ooreenkoms gee die streek die pas aan vir Namibië se ontwikkeling van hoogs geskoolde werknemers soos tegnici en ingenieurs.“Dit is nou ’n gunstige tyd om by die groenwaterstofbedryf betrokke te raak. “Die planne vir ’n nuwe moderne beroepsopleidingsentrum op Kalkrand vorder ook goed, met die dorpsraad wat reeds grond daarvoor beskikbaar gestel het,” sê hy. – augetto@nmh-hub.com.na

Hyphen, Hardap onderteken MoU

Kommentaar

Republikein 2025-03-18

Meld asseblief aan om kommentaar te lewer

Hyphen, Hardap onderteken MoU

Kommentaar

Republikein 2025-03-18

Meld asseblief aan om kommentaar te lewer

MELD AAN

Advertensie