Kombat myn weer
Ná skietwerk vandeesweek op Kombat by Trigon Metals se kopermyn, is 10 000 ton erts losgeskiet.
Trigon se uitvoerende hoof, Jed Richardson, het Kombat Dinsdag besoek om die skietwerk waar te neem en om die “groot week” by die myn deur te bring,
Dit in afwagting van die meule se ingebruikneming ná sowat US$14 miljoen se opgraderings en die bou van ’n nuwe uitskotfasiliteit by die myn.
Volgens hom het die Kanadese maatskappy, wat op die Toronto-aandelebeurs genoteer is, talle komponente reeds in plek om vinnig te vorder na die produksie van koperkonsentraat vir uitvoerdoeleindes gedurende – of teen die einde van – Augustus.
Trigon het nou die kapitaalbesteding vir die oopgroefmyn voltooi om die nodige personeel, permitte, goedkeuring en omgewingsklaring in plek te sit.
Oor die laaste paar maande word gemyn om voorraad vir die meule op te bou.
Met die meule wat operasioneel sal wees, beweeg Trigon nader aan die deurlopende voer van erts deur die produksielyn.
“Dinge lyk baie goed. Ons het erts in die bergingsarea waarin die mineralisasie duidelik sigbaar is,” sê hy.
“Die meule is in ’n baie goeie toestand. Oor die afgelope weke het ons die ertsbrekery (crushing circuit) verbeter en ons het twee nuwe klipbrekers vanaf Xinhai geïnstalleer. Beter pompe is ook geïnstalleer om die vloei en veerkragtigheid van die meule te verbeter, saam met algemene doeltreffendheid en kragverbruik.
“Die stelsel presteer goed en ek verwag ons sal oor die volgende maande en jare goed vaar,” sê hy.
Volgens Richardson het Trigon ook sowat US$5 miljoen op die verkryging van toerusting vir sy beplande ondergrondse uitbreiding bestee.
Tog het die maatskappy steeds sowat US$20 miljoen in kontant vir uitgawes oor die komende tydperk beskikbaar, voeg hy by.
In ’n vrystelling wat terselfdertyd uitgereik is, gee Trigon besonderhede van die onlangse verwikkelinge. Daarvolgens het mynboubedrywighede in die oopgroefmyn weer in Meimaand begin. Dit nadat bedrywighede op Kombat in Augustus verlede jaar opgeskort is.
Sedert Mei is 500 000 ton afvalrots gemyn, en 15 000 ton erts is as voorraad vir die meule geberg, volgens die vrystelling.
Daarvolgens is die tweede stampmeule verlede week geïnstalleer.
Trigon wil teen April volgende jaar ondergronds begin myn. Voorbereiding daarvoor sluit in die jongste lewensvatbaarheidstudies, die uitbreiding van die voertuigvloot, die verdubbeling van die verwerkingsaanleg se kapasiteit en die voorbereiding van die tonnels wat voormalige kopermyne op Kombat agtergelaat het.
SRK Consulting voer die lewensvatbaarheidstudie uit, met syfers vir die eerste fase vir die ondergrondse uitbreiding in Asis West wat in Augustus verwag word, en syfers vir fase twee by Asis Far West in Oktober.
Die pompe om die water, wat Kombat se ondergrondse mynbedrywighede in 1998 lamgelê het en weer mynbou in 2008 tot stilstand gebring het, uit te pomp, moet ook volgende maand aangeskakel word, sê Trigon.
Kragopwekkers is in plek om te verseker die pompe kry ononderbroke kragtoevoer. Toerusting vir ondergrondse mynbedrywighede wat bygekoop is, sluit onder meer ’n skraper vir die tonnels in.
“Die meerderheid van die ondergrondse vloot sal nuut by Epiroc aangekoop word, en die maatskappy werk saam met Epiroc om finansiering te bekom om die toerusting aan te koop,” sê Trigon Metals.
In dieselfde asem het Trigon ook die aanstelling van sy nuwe produksiegeoloog aangekondig. Pedro de Jesus spesialiseer in graadbeheer, geotegniese studies en eksplorasiegeologie en ná 18 jaar is hy hoogs ervare in die mynbedryf, volgens die mynbouer.
– [email protected]
Trigon se uitvoerende hoof, Jed Richardson, het Kombat Dinsdag besoek om die skietwerk waar te neem en om die “groot week” by die myn deur te bring,
Dit in afwagting van die meule se ingebruikneming ná sowat US$14 miljoen se opgraderings en die bou van ’n nuwe uitskotfasiliteit by die myn.
Volgens hom het die Kanadese maatskappy, wat op die Toronto-aandelebeurs genoteer is, talle komponente reeds in plek om vinnig te vorder na die produksie van koperkonsentraat vir uitvoerdoeleindes gedurende – of teen die einde van – Augustus.
Trigon het nou die kapitaalbesteding vir die oopgroefmyn voltooi om die nodige personeel, permitte, goedkeuring en omgewingsklaring in plek te sit.
Oor die laaste paar maande word gemyn om voorraad vir die meule op te bou.
Met die meule wat operasioneel sal wees, beweeg Trigon nader aan die deurlopende voer van erts deur die produksielyn.
“Dinge lyk baie goed. Ons het erts in die bergingsarea waarin die mineralisasie duidelik sigbaar is,” sê hy.
“Die meule is in ’n baie goeie toestand. Oor die afgelope weke het ons die ertsbrekery (crushing circuit) verbeter en ons het twee nuwe klipbrekers vanaf Xinhai geïnstalleer. Beter pompe is ook geïnstalleer om die vloei en veerkragtigheid van die meule te verbeter, saam met algemene doeltreffendheid en kragverbruik.
“Die stelsel presteer goed en ek verwag ons sal oor die volgende maande en jare goed vaar,” sê hy.
Volgens Richardson het Trigon ook sowat US$5 miljoen op die verkryging van toerusting vir sy beplande ondergrondse uitbreiding bestee.
Tog het die maatskappy steeds sowat US$20 miljoen in kontant vir uitgawes oor die komende tydperk beskikbaar, voeg hy by.
In ’n vrystelling wat terselfdertyd uitgereik is, gee Trigon besonderhede van die onlangse verwikkelinge. Daarvolgens het mynboubedrywighede in die oopgroefmyn weer in Meimaand begin. Dit nadat bedrywighede op Kombat in Augustus verlede jaar opgeskort is.
Sedert Mei is 500 000 ton afvalrots gemyn, en 15 000 ton erts is as voorraad vir die meule geberg, volgens die vrystelling.
Daarvolgens is die tweede stampmeule verlede week geïnstalleer.
Trigon wil teen April volgende jaar ondergronds begin myn. Voorbereiding daarvoor sluit in die jongste lewensvatbaarheidstudies, die uitbreiding van die voertuigvloot, die verdubbeling van die verwerkingsaanleg se kapasiteit en die voorbereiding van die tonnels wat voormalige kopermyne op Kombat agtergelaat het.
SRK Consulting voer die lewensvatbaarheidstudie uit, met syfers vir die eerste fase vir die ondergrondse uitbreiding in Asis West wat in Augustus verwag word, en syfers vir fase twee by Asis Far West in Oktober.
Die pompe om die water, wat Kombat se ondergrondse mynbedrywighede in 1998 lamgelê het en weer mynbou in 2008 tot stilstand gebring het, uit te pomp, moet ook volgende maand aangeskakel word, sê Trigon.
Kragopwekkers is in plek om te verseker die pompe kry ononderbroke kragtoevoer. Toerusting vir ondergrondse mynbedrywighede wat bygekoop is, sluit onder meer ’n skraper vir die tonnels in.
“Die meerderheid van die ondergrondse vloot sal nuut by Epiroc aangekoop word, en die maatskappy werk saam met Epiroc om finansiering te bekom om die toerusting aan te koop,” sê Trigon Metals.
In dieselfde asem het Trigon ook die aanstelling van sy nuwe produksiegeoloog aangekondig. Pedro de Jesus spesialiseer in graadbeheer, geotegniese studies en eksplorasiegeologie en ná 18 jaar is hy hoogs ervare in die mynbedryf, volgens die mynbouer.
– [email protected]
Kommentaar
Republikein
Geen kommentaar is op hierdie artikel gelaat nie