Kragtariefverhoging tree vandag in werking

Ogone Tlhage en Mariud Ngula – Hoewel Nored en Stad Windhoek (CoW) aanvanklik misluk het in hul pogings om goedkeuring vir tariefverhogings van die energiereguleerder te verkry, sal die verhoging van onderskeidelik 6,6% en 7,9% egter toegestaan word sodra sekere kwessies uitgesorteer is. Intussen het Katutura se belastingbetalers ’n klagskrif opgestel wat eis dat die CoW se tariefverhoging hersien en tersyde gestel moet word. NamPower, Oshakati Premier Electric en Cenored se tariefverhoging van 6% is wel goedgekeur. Verder is 6,6% vir Erongo Red, 6,4% vir Keetmanshoop se eenheid vir elektrisiteitsake en 6,4% vir die Rehoboth-dorpsraad ook toegestaan.NORED, COW KWESSIESDie Elektrisiteitsbeheerraad (ECB) het verlede week bevind dat Nored en CoW nie regulatoriese voorskrifte nagekom het wat die ECB onderskeidelik aan Nored en CoW gerig het nie. In Nored se geval het hy versuim om geouditeerde finansiële state vir die 2022-boekjaar in te dien, terwyl CoW nie voldoende verduidelik het hoe hy sy elektrisiteitsafdeling sou omhein nie.“Soos ons tydens die laaste tariefhersieningstydperk gewaarsku het, behoort alle verspreidingsnutsdienste onmiddellik ná die aankondiging van NamPower se grootmaat-elektrisiteitstarief, aansoek vir hul jaarlikse tariefhersiening te doen,” het die ECB se tegniese bestuurder, Petrus Johannes, verlede week tydens die aankondiging gesê. Die nienakoming aan die kant van die streekelektrisiteitsverspreiders (RED’s) kan daartoe lei dat hulle nie kostes kan verhaal nie, het Johannes gewaarsku, ’n situasie wat die ECB graag wil vermy. “Dit is so omdat nutsdienste wat nie betyds aansoek doen vir tariefaanpassings om saam te val met die implementering van die grootmaat-tariewe nie, wat op 1 Julie van krag is, inkomste kan verloor. Dit aangesien hulle elektrisiteit teen verouderde tariewe sal verkoop terwyl hulle teen die nuwe tariewe sal aankoop, veral voorafbetaalde inkomste wat deur voorafbetaalde verkope ingesamel word,” het hy gesê.Petrus het gewaarsku as daar nie aan regulasies voldoen word nie, dit die finansiële prestasies van RED’s kan belemmer.“In die toekoms sal die nienakoming van regulatoriese voorskrifte egter nie geduld word nie,” het hy gesê.KLAGSKRIFShaun Gariseb wat die Katutura-belastingbetalers verteenwoordig het die klagskrif begin waarin die minister van myne en energie, Tom Alweendo, versoek word om die goedkeuring van die kragtariewe deur die ECB vir Stad Windhoek te hersien.Gariseb het gesê die tariefverhoging van 7,9% sal beteken dat verbruikers minder as 40 eenhede elektrisiteit vir N$100 sal ontvang. “Alle inwoners word geraak in hierdie moeilike finansiële tye, individue sowel as besighede,” het hy gesê.Hy het belastingbetalers versoek om die klagskrif te onderteken vir die tariefverhoging om hersien en tersyde gestel te word. “Dit is nou die regte tyd want ons het eers Donderdag van die goedkeuring gehoor en dit tree op 1 Julie in werking,” het Gariseb bygevoeg.– republikein@republikein.com.na

Kragtariefverhoging tree vandag in werking

Kommentaar

Republikein 2025-04-07

Meld asseblief aan om kommentaar te lewer

Kragtariefverhoging tree vandag in werking

Kommentaar

Republikein 2025-04-07

Meld asseblief aan om kommentaar te lewer

MELD AAN

Advertensie