Litiumerts-besending op pad na China
Hofsaak oor Omaruru-myn duur voort
Nampol het Donderdag bevestig die operasie om te verseker die litium word nie sonder geldige vervoer- en uitvoerpermitte landuit gestuur nie, het tot 'n einde gekom.
Inwoners van Omaruru kla oor slapelose nagte weens vragmotors vol litiumerts wat in die nagtelike ure deur die dorpie beweeg. Die Chinese mynmaatskappy Xinfeng Investments se vloot vragmotors beweeg gedurig na- en vanaf Walvisbaai om die litiumerts na die hawe te neem voor die aankoms van die vragskip Da Liang – wat Woensdag 8 November verwag word.
Die Namibiese polisie (Nampol) het Donderdag bevestig die operasie om te verseker die litium word nie sonder geldige vervoer- en uitvoerpermitte landuit gestuur nie, het tot ’n einde gekom. Volgens Nampol se woordvoerder, adj. komm. Kauna Shikwambi, is “sporadiese padblokkades in daardie gebied opgerig om te monitor of daar wel onwettige vervoer van litium was” en dit is gedoen ná ’n versoek deur die ministerie van myne en energie.
Sy sê egter geen vragmotors is gestop nie, en niemand is in hegtenis geneem nie. “Die polisie se operasie is sedertdien op Saterdag 28 Oktober gestaak nadat die ministerie en Xinfeng se Omaruru-myn ’n vriendskaplike oplossing gevind het,” voeg sy by.
Volgens die ministerie behoort die litiumerts wat op Walvisbaai geberg word aan Long Fire Investments – Xinfeng se vennoot in die ontginning van litium by verskeie kleims buite Uis.
Volgens die waarnemende uitvoerende direkteur van myne en energie, Bryan Eiseb, het Long Fire ’n geldige uitvoerpermit vir 30 000 ton litiumerts. Hy sê die permit is uitgereik voor ’n verbod in Junie ingestel is.
Die kabinet het ’n verbod ingestel op die uitvoer van onverwerkte kritieke minerale – insluitend litiumerts – en meer onlangs het president Hage Geingob in Europa aangekondig dat Namibië nie meer onverwerkte mineraalhulpbronne sal uitvoer nie.
“Die litiumerts wat by Walvisbaai se hawe gestoor word, behoort aan Long Fire en die maatskappy het ’n geldige uitvoerpermit vir 30 000 ton litiumerts, wat uitgereik is voor die verbod op kritieke rou minerale in plek gestel is. Ons werk egter nou saam met ander agentskappe om te verseker dat die uitvoerpermithoeveelhede en voorwaardes nagekom word,” het Eiseb op vrae van Republikein geantwoord.
Shikwambi sê ook Namibiese polisiebeamptes in die beskermde hulpbron-afdeling werk saam met die ministerie om die situasie en die pakhuisgeriewe by die hawe dop te hou.
Eiseb sê die ministerie weet van die vragskip wat op pad is, “en dat Long Fire hul laaste besending van 26 00 ton vir toetsdoeleindes sal uitvoer. Die uitvoerpermit verval in Desember vanjaar,” het hy gesê.
Xinfeng sê reeds vir ’n geruime tyd dat ’n verwerkingsaanleg in Namibië beplan word, en dat die litiumerts wat na Chinese uitgevoer word, getoets word om die beste samestelling vir die beplande aanleg te bepaal. Volgens die Namibiese haweowerheid (Namport) se plan vir die maand moet nog 4 000 ton erts onmiddellik – ná Da Liang op 15 November vertrek – op ’n ander vragskip gelaai word.
Xinfeng het ’n lisensie vir sy litiummyn op Plaas Kohero buite Omaruru. Hierdie lisensie is die kwessie ter sprake in ’n hoërhofsaak wat Donderdag in Windhoek hervat het. Regter Thomas Masuku hoor nou die saak aan nadat regter Ramon Maasdorp se tydperk as waarnemende hoërhofregter verval het.
Die hofsaak volg op die minister van myne en energie, Tom Alweendo, se poging om mynboulisensie nommer 243 vir die myn buite Omaruru te laat herroep. Aanvanklik het Maasdorp bevind dat die minister nie gemagtig was om dit te doen nie, tensy hy vooraf die howe genader het.
Maasdorp het egter ook bevind daar is wel ʼn saak vir die bewering dat Xinfeng bedrog gepleeg het met sy aanvanklike aansoek vir die mynlisensie. Die staat het Donderdag al die nodige dokumente op die aanlyn regstelsel laat laai nadat Xinfeng se regsverteenwoordiger, Nambili Mhata, ’n aansoek daarvoor gebring het.
- [email protected]
Die Namibiese polisie (Nampol) het Donderdag bevestig die operasie om te verseker die litium word nie sonder geldige vervoer- en uitvoerpermitte landuit gestuur nie, het tot ’n einde gekom. Volgens Nampol se woordvoerder, adj. komm. Kauna Shikwambi, is “sporadiese padblokkades in daardie gebied opgerig om te monitor of daar wel onwettige vervoer van litium was” en dit is gedoen ná ’n versoek deur die ministerie van myne en energie.
Sy sê egter geen vragmotors is gestop nie, en niemand is in hegtenis geneem nie. “Die polisie se operasie is sedertdien op Saterdag 28 Oktober gestaak nadat die ministerie en Xinfeng se Omaruru-myn ’n vriendskaplike oplossing gevind het,” voeg sy by.
Volgens die ministerie behoort die litiumerts wat op Walvisbaai geberg word aan Long Fire Investments – Xinfeng se vennoot in die ontginning van litium by verskeie kleims buite Uis.
Volgens die waarnemende uitvoerende direkteur van myne en energie, Bryan Eiseb, het Long Fire ’n geldige uitvoerpermit vir 30 000 ton litiumerts. Hy sê die permit is uitgereik voor ’n verbod in Junie ingestel is.
Die kabinet het ’n verbod ingestel op die uitvoer van onverwerkte kritieke minerale – insluitend litiumerts – en meer onlangs het president Hage Geingob in Europa aangekondig dat Namibië nie meer onverwerkte mineraalhulpbronne sal uitvoer nie.
“Die litiumerts wat by Walvisbaai se hawe gestoor word, behoort aan Long Fire en die maatskappy het ’n geldige uitvoerpermit vir 30 000 ton litiumerts, wat uitgereik is voor die verbod op kritieke rou minerale in plek gestel is. Ons werk egter nou saam met ander agentskappe om te verseker dat die uitvoerpermithoeveelhede en voorwaardes nagekom word,” het Eiseb op vrae van Republikein geantwoord.
Shikwambi sê ook Namibiese polisiebeamptes in die beskermde hulpbron-afdeling werk saam met die ministerie om die situasie en die pakhuisgeriewe by die hawe dop te hou.
Eiseb sê die ministerie weet van die vragskip wat op pad is, “en dat Long Fire hul laaste besending van 26 00 ton vir toetsdoeleindes sal uitvoer. Die uitvoerpermit verval in Desember vanjaar,” het hy gesê.
Xinfeng sê reeds vir ’n geruime tyd dat ’n verwerkingsaanleg in Namibië beplan word, en dat die litiumerts wat na Chinese uitgevoer word, getoets word om die beste samestelling vir die beplande aanleg te bepaal. Volgens die Namibiese haweowerheid (Namport) se plan vir die maand moet nog 4 000 ton erts onmiddellik – ná Da Liang op 15 November vertrek – op ’n ander vragskip gelaai word.
Xinfeng het ’n lisensie vir sy litiummyn op Plaas Kohero buite Omaruru. Hierdie lisensie is die kwessie ter sprake in ’n hoërhofsaak wat Donderdag in Windhoek hervat het. Regter Thomas Masuku hoor nou die saak aan nadat regter Ramon Maasdorp se tydperk as waarnemende hoërhofregter verval het.
Die hofsaak volg op die minister van myne en energie, Tom Alweendo, se poging om mynboulisensie nommer 243 vir die myn buite Omaruru te laat herroep. Aanvanklik het Maasdorp bevind dat die minister nie gemagtig was om dit te doen nie, tensy hy vooraf die howe genader het.
Maasdorp het egter ook bevind daar is wel ʼn saak vir die bewering dat Xinfeng bedrog gepleeg het met sy aanvanklike aansoek vir die mynlisensie. Die staat het Donderdag al die nodige dokumente op die aanlyn regstelsel laat laai nadat Xinfeng se regsverteenwoordiger, Nambili Mhata, ’n aansoek daarvoor gebring het.
- [email protected]
Kommentaar
Republikein
Geen kommentaar is op hierdie artikel gelaat nie