LPM skop vas teen uraanplan
Dreig om regstappe te neem
OGONE TLHAGE
Die Landless People’s Movement (LPM) sê hy sal regstappe neem teen die plan om uraan in die Leonardville-omgewing te ontgin.
Dit indien die regering nie die omgewingsklaringsertifikate vir prospektering wat aan Headspring Investments uitgereik is, terugtrek nie.
Headspring beplan om van ’n mynproses bekend as in situ-loging gebruik te maak, sou hy die groenlig kry om uraan in dié gebied te ontgin, waar die maatskappy uraanreserwes met ‘n potensiële lewensduur van ongeveer 25 jaar ontdek het.
Dié beplande metode is met teenkanting begroet oor vrese dat dit moontlik ondergrondse waterbronne wat van Namibië tot in Botswana en Suid-Afrika strek, kan besoedel.
STAAK EKSPLORASIE
Me. Joyce Muzengua, wat die party se menseregte-afdeling bestuur, het gesê die potensiële skade wat dié mynmetode kan veroorsaak, noodsaak die behoefte om enige beoogde eksplorasie-aktiwiteite in die Leonardville-omgewing, te kanselleer.
“Ons vra dat die prospekteersertifikaat met onmiddellike effek gekanselleer word. Die verslae wat verskaf is oor ondersoeke wat gedoen is, getuig van die feit dat daar in elk geval nie in daardie gebied gemyn moet word nie,” het Muzengua gesê.
Die LPM sal aan verskeie wêreldleiers en burgerlike organisasies skryf in ‘n poging om die voorgestelde in situ-mynbou stop te sit, het sy gesê.
“Die omvang van die skade wat aangerig gaan word, is nie net beperk tot Namibië nie. As ons hierdie akwifer beskadig sal ons deur die regerings van Botswana en Suid-Afrika aanspreeklik gehou word, omdat ons ‘n hulpbron beskadig het wat hulle ook gebruik,” het sy gesê.
SOEK INTERNASIONALE STEUN
Volgens Muzengua word briewe voorberei vir die Amerikaanse president Joe Biden; speaker van die Amerikaanse huis van verteenwoordigers, Nancy Pelosi; die Europese Unie (EU); en die presidente van die buurlande Suid-Afrika en Botswana, Cyril Ramaphosa en Mokgweetsi Masisi.
“Ons het briewe geskryf wat sal vra vir solidariteit van die internasionale wêreld en ons binnelandse politieke eweknieë om ons pogings te steun om die beplande uraanontginning in die Omahekestreek te staak,” het Muzengua gesê.
– [email protected]
Die Landless People’s Movement (LPM) sê hy sal regstappe neem teen die plan om uraan in die Leonardville-omgewing te ontgin.
Dit indien die regering nie die omgewingsklaringsertifikate vir prospektering wat aan Headspring Investments uitgereik is, terugtrek nie.
Headspring beplan om van ’n mynproses bekend as in situ-loging gebruik te maak, sou hy die groenlig kry om uraan in dié gebied te ontgin, waar die maatskappy uraanreserwes met ‘n potensiële lewensduur van ongeveer 25 jaar ontdek het.
Dié beplande metode is met teenkanting begroet oor vrese dat dit moontlik ondergrondse waterbronne wat van Namibië tot in Botswana en Suid-Afrika strek, kan besoedel.
STAAK EKSPLORASIE
Me. Joyce Muzengua, wat die party se menseregte-afdeling bestuur, het gesê die potensiële skade wat dié mynmetode kan veroorsaak, noodsaak die behoefte om enige beoogde eksplorasie-aktiwiteite in die Leonardville-omgewing, te kanselleer.
“Ons vra dat die prospekteersertifikaat met onmiddellike effek gekanselleer word. Die verslae wat verskaf is oor ondersoeke wat gedoen is, getuig van die feit dat daar in elk geval nie in daardie gebied gemyn moet word nie,” het Muzengua gesê.
Die LPM sal aan verskeie wêreldleiers en burgerlike organisasies skryf in ‘n poging om die voorgestelde in situ-mynbou stop te sit, het sy gesê.
“Die omvang van die skade wat aangerig gaan word, is nie net beperk tot Namibië nie. As ons hierdie akwifer beskadig sal ons deur die regerings van Botswana en Suid-Afrika aanspreeklik gehou word, omdat ons ‘n hulpbron beskadig het wat hulle ook gebruik,” het sy gesê.
SOEK INTERNASIONALE STEUN
Volgens Muzengua word briewe voorberei vir die Amerikaanse president Joe Biden; speaker van die Amerikaanse huis van verteenwoordigers, Nancy Pelosi; die Europese Unie (EU); en die presidente van die buurlande Suid-Afrika en Botswana, Cyril Ramaphosa en Mokgweetsi Masisi.
“Ons het briewe geskryf wat sal vra vir solidariteit van die internasionale wêreld en ons binnelandse politieke eweknieë om ons pogings te steun om die beplande uraanontginning in die Omahekestreek te staak,” het Muzengua gesê.
– [email protected]
Kommentaar
Republikein
Geen kommentaar is op hierdie artikel gelaat nie