ReconAfrica oorskry begroting met N$427 miljoen
Besteding aan pandemie te wyte
Die soektog na olie en gas in Kavango-Oos het ReconAfrica bykans vyf keer meer gekos as wat aanvanklik beraam is. Die pandemie en sy gevolge word as die rede aangestip.
Die Kanadese olie- en gasmaatskappy Reconnaissance Energy Africa (ReconAfrica), wat in weerwil van internasionale omgewingsaksies reeds twee stratigrafiese gate in die Kavango geboor en seismiese opnames gedoen het, sê sy oliesoektog kos hom sover N$546,9 miljoen.
Dit is N$427 miljoen méér as die N$119,9 miljoen wat die maatskappy verwag het die eksplorasiewerk hom sou kos.
Volgens ReconAfrica is die pandemie grootliks hiervoor te blameer, berig energyvoice.com, die aanlyn tydskrif oor olie, gas en hernubare energie. Die inligting is bekom uit dokumente wat die maatskappy onlangs aan beleggers vrygestel het.
ReconAfrica het sy eerste toetsboorgat in Januarie 2021 by Kawe begin boor en die tweede put in April verlede jaar by Mbambi.
Die twee stratigrafiese gate is geboor sonder seismiese opnames en bloot op grond van aeromagnetiese data. Luidens die berig het ReconAfrica drie sulke gate beplan, maar kon met net die twee gate die bestaan van ’n petroleumstelsel bewys.
ReconAfrica het die koste van die Kawe-boorgat op US$3,94 miljoen (N$63 miljoen) en die Mambi-boorgat op US$3,04 miljoen (N$48,6) beraam.
Pleks hiervan het dit die maatskappy onderskeidelik US$14,6 miljoen (N$233,5 miljoen) en US$48,6 (N$180,7 miljoen) gekos.
Die daaropvolgende seismiese opname het pleks van US$2,6 miljoen (N$41,57 miljoen) in werklikheid US$5,7 miljoen (N$91,1 miljoen) gekos.
ReconAfrica sê in sy dokumente die pandemie en die gevolglike probleme in die voorsieningsketting en internasionale reise “het aansienlik bygedra tot die oorskryding van die koste”. Die pandemie het ook personeelkoste laat styg, sê die maatskappy.
ReconAfrica se hoof van kapitaalmarkte, Grayson Andersen, het aan beleggers verduidelik die beplanningskoste was op ’n droëgat-situasie gegrond, eerder as op sukses.
“Om onderdele en dienste vir die eerste twee boorgate te kry, was ’n ware uitdaging en ons het baie ekstra koste as gevolg daarvan aangegaan. Ons sal veel beter beplan vir die komende boorgate, wat ons verwag ongeveer US$6,25 miljoen (N$99,9 miljoen) sal kos,” het Andersen gesê.
Die ontwikkelingskoste sal minder as US$4,7 miljoen (N$75,2 miljoen) beloop, merk hy in die dokumentasie op.
ReconAfrica sê hy het geld om die koste van nog ’n boorgat te dek, asook vir uitbreiding aan een van die bestaande gate en ’n tweede fase van seismiese opnames.
Dié opnames is reeds aan die gang en die volgende toetsboorgat sal binnekort gesink word.
Dit blyk uit energyvoice.com se berig ’n ontleding van Sewell & Associates in Nederland raam die sogenaamde “onaangepaste bruto hoeveelheid oorspronklike olie op plek” (OOIP) op 5,3 miljard vate.
Dit stel die verhaalbare hoeveelheid olie op 999 miljoen vate en die gevaargetal op 73,5 miljoen vate.
Andersen het met verwysing hierna gesê daar sal altyd lae getalle wees gegewe die gebrek aan eksplorasie in die (Kavango-)kom, met slegs twee toetsgate wat tot nou toe geboor is.
Omgewingsdrukgroepe wêreldwyd is bekommerd oor die moontlike vernietigende impak wat olie-ontginning op die Kavango-gebied en die Okavango-delta se ongerepte plant- en dierelewe sal hê.
– [email protected]
Dit is N$427 miljoen méér as die N$119,9 miljoen wat die maatskappy verwag het die eksplorasiewerk hom sou kos.
Volgens ReconAfrica is die pandemie grootliks hiervoor te blameer, berig energyvoice.com, die aanlyn tydskrif oor olie, gas en hernubare energie. Die inligting is bekom uit dokumente wat die maatskappy onlangs aan beleggers vrygestel het.
ReconAfrica het sy eerste toetsboorgat in Januarie 2021 by Kawe begin boor en die tweede put in April verlede jaar by Mbambi.
Die twee stratigrafiese gate is geboor sonder seismiese opnames en bloot op grond van aeromagnetiese data. Luidens die berig het ReconAfrica drie sulke gate beplan, maar kon met net die twee gate die bestaan van ’n petroleumstelsel bewys.
ReconAfrica het die koste van die Kawe-boorgat op US$3,94 miljoen (N$63 miljoen) en die Mambi-boorgat op US$3,04 miljoen (N$48,6) beraam.
Pleks hiervan het dit die maatskappy onderskeidelik US$14,6 miljoen (N$233,5 miljoen) en US$48,6 (N$180,7 miljoen) gekos.
Die daaropvolgende seismiese opname het pleks van US$2,6 miljoen (N$41,57 miljoen) in werklikheid US$5,7 miljoen (N$91,1 miljoen) gekos.
ReconAfrica sê in sy dokumente die pandemie en die gevolglike probleme in die voorsieningsketting en internasionale reise “het aansienlik bygedra tot die oorskryding van die koste”. Die pandemie het ook personeelkoste laat styg, sê die maatskappy.
ReconAfrica se hoof van kapitaalmarkte, Grayson Andersen, het aan beleggers verduidelik die beplanningskoste was op ’n droëgat-situasie gegrond, eerder as op sukses.
“Om onderdele en dienste vir die eerste twee boorgate te kry, was ’n ware uitdaging en ons het baie ekstra koste as gevolg daarvan aangegaan. Ons sal veel beter beplan vir die komende boorgate, wat ons verwag ongeveer US$6,25 miljoen (N$99,9 miljoen) sal kos,” het Andersen gesê.
Die ontwikkelingskoste sal minder as US$4,7 miljoen (N$75,2 miljoen) beloop, merk hy in die dokumentasie op.
ReconAfrica sê hy het geld om die koste van nog ’n boorgat te dek, asook vir uitbreiding aan een van die bestaande gate en ’n tweede fase van seismiese opnames.
Dié opnames is reeds aan die gang en die volgende toetsboorgat sal binnekort gesink word.
Dit blyk uit energyvoice.com se berig ’n ontleding van Sewell & Associates in Nederland raam die sogenaamde “onaangepaste bruto hoeveelheid oorspronklike olie op plek” (OOIP) op 5,3 miljard vate.
Dit stel die verhaalbare hoeveelheid olie op 999 miljoen vate en die gevaargetal op 73,5 miljoen vate.
Andersen het met verwysing hierna gesê daar sal altyd lae getalle wees gegewe die gebrek aan eksplorasie in die (Kavango-)kom, met slegs twee toetsgate wat tot nou toe geboor is.
Omgewingsdrukgroepe wêreldwyd is bekommerd oor die moontlike vernietigende impak wat olie-ontginning op die Kavango-gebied en die Okavango-delta se ongerepte plant- en dierelewe sal hê.
– [email protected]
Kommentaar
Republikein
Geen kommentaar is op hierdie artikel gelaat nie