Uraanreus groei steeds
Plaaslike besteding styg tot N$4,4 miljard
Die Husab-myn lewer 45% meer produksie in die eerste helfte van 2023 as in dieselfde tydperk verlede jaar.
Namibië se Husab-uraanmyn groei steeds.
Die eienaars van die myn, Swakop Uranium, het onlangs aangekondig dat produksie teenoor die verwagting vir die eerste helfte van 2023 met 10% gegroei het.
Teen 2 426 ton is die eerste helfte van dié jaar se produksie 45% meer as oor dieselfde tydperk in 2022.
Die verhoogde produksie word volgens Swakop Uranium toegeskryf aan ’n sterk mynbou- en meuleprestasie vir die eerste ses maande van vanjaar. Volumes deur die meule het oor dié tydperk met 20,2% gegroei en mynvolumes het oor die betrokke tydperk met 29,6% gestyg in vergelyking met 2022 se resultate.
Volgens die maatskappy bly die klem op kostevermindering, veral in terme van waterverbruik, elektrisiteit, onbeplande instandhouding en die uitvoering van planne om die impak van watertoevoer-uitdagings - wat veral in die tweede helfte van die jaar algemeen is - hok te slaan.
Verder moet beplande instandhouding van die aanleg en myntoerusting, waarvoor miljoene begroot is, suksesvol uitgevoer word, volgens die mynbouer.
“Swakop Uranium is vol vertroue dat volhoubare bates nodig om die prestasies te ondersteun, bereik en oortref sal word,” luidens ’n verklaring.
Die uitvoerende visepresident van Swakop Uranium, Irvinne Simataa, word in die verklaring aangehaal: “Hierdie is ’n ongelooflike prestasie vir die maatskappy, en ons bly daarop gefokus om dit vir die afsienbare toekoms te volhou. Met die inagneming van ons prestasie en die lesse uit die eerste helfte van die jaar, bly die bestuur vol vertroue dat, ondanks die uitdagings van die tweede helfte van die jaar; ons gereed is om ons doelwitte te bereik en te oortref.”
Swakop Uranium het meer as N$6,5 miljard bestee om die oopgroefmyn in Sone 1 en Sone 3 tot fase drie uit te brei, terwyl nog N$81 mljoen gebruik is om toerusting aan te koop en om die hulpbron verder te ontwikkel.
Die maatskappy verwag verder om oor die res van dié jaar nog N$290 miljoen te bestee om ’n proefaanleg vir opgehoopte uitloging te bou.
Hierdie nuwe aanleg sal die uitbreiding van die oopgroefmyn en die myn se verlengde lewensduur ondersteun, volgens Swakop Uranium. Toetse van die nuwe aanleg sal tot einde 2025 duur en sal opgevolg word met meer beleggings, indien dit ekonomiese vatbaar is, sê Simataa.
Die mynbouer het ook tot Julie meer as N$4,4 miljard aan plaaslike dienste en goedere bestee teenoor verlede jaar se besteding van meer as N$3,2 miljard.
Die myn ontwikkel ook klein- en mediumgroottebesighede in die Erongostreek en is die enkel grootste kliënt van klein besighede langs die kus, sê Swakop Uranium.
Met 1 700 voltydse werknemers en meer as 2 000 werknemers wat vir kontrakteurs op Husab werk, is Swakop Uranium ook een van die grootste werkgewers in die plaaslike mynbedryf.
Sowat 12% van dié werknemers is vroue. Die myn gee ook beurse en het onlangs 35 gegradueerdes in ingenieurswese aangestel, terwyl daar elke jaar 85 vakleerlinge vanaf beroepsopleidingsentrums ingeneem word.
Swakop Uranium behoort aan China General Nuclear Power Corporation, die China-Africa Development Fund en aan die regering se Epangelo-mynmaatskappy. Met ’n belegging van US$5 miljard om die myn teen 2016 klaar te bou, is Husab China se grootste enkele belegging in Afrika, die tweede grootste uraanvervaardiger ter wêreld en met 311 000 ton U3O8 is dit die derde grootste uraanhulpbron ter wêreld.
– [email protected]
Die eienaars van die myn, Swakop Uranium, het onlangs aangekondig dat produksie teenoor die verwagting vir die eerste helfte van 2023 met 10% gegroei het.
Teen 2 426 ton is die eerste helfte van dié jaar se produksie 45% meer as oor dieselfde tydperk in 2022.
Die verhoogde produksie word volgens Swakop Uranium toegeskryf aan ’n sterk mynbou- en meuleprestasie vir die eerste ses maande van vanjaar. Volumes deur die meule het oor dié tydperk met 20,2% gegroei en mynvolumes het oor die betrokke tydperk met 29,6% gestyg in vergelyking met 2022 se resultate.
Volgens die maatskappy bly die klem op kostevermindering, veral in terme van waterverbruik, elektrisiteit, onbeplande instandhouding en die uitvoering van planne om die impak van watertoevoer-uitdagings - wat veral in die tweede helfte van die jaar algemeen is - hok te slaan.
Verder moet beplande instandhouding van die aanleg en myntoerusting, waarvoor miljoene begroot is, suksesvol uitgevoer word, volgens die mynbouer.
“Swakop Uranium is vol vertroue dat volhoubare bates nodig om die prestasies te ondersteun, bereik en oortref sal word,” luidens ’n verklaring.
Die uitvoerende visepresident van Swakop Uranium, Irvinne Simataa, word in die verklaring aangehaal: “Hierdie is ’n ongelooflike prestasie vir die maatskappy, en ons bly daarop gefokus om dit vir die afsienbare toekoms te volhou. Met die inagneming van ons prestasie en die lesse uit die eerste helfte van die jaar, bly die bestuur vol vertroue dat, ondanks die uitdagings van die tweede helfte van die jaar; ons gereed is om ons doelwitte te bereik en te oortref.”
Swakop Uranium het meer as N$6,5 miljard bestee om die oopgroefmyn in Sone 1 en Sone 3 tot fase drie uit te brei, terwyl nog N$81 mljoen gebruik is om toerusting aan te koop en om die hulpbron verder te ontwikkel.
Die maatskappy verwag verder om oor die res van dié jaar nog N$290 miljoen te bestee om ’n proefaanleg vir opgehoopte uitloging te bou.
Hierdie nuwe aanleg sal die uitbreiding van die oopgroefmyn en die myn se verlengde lewensduur ondersteun, volgens Swakop Uranium. Toetse van die nuwe aanleg sal tot einde 2025 duur en sal opgevolg word met meer beleggings, indien dit ekonomiese vatbaar is, sê Simataa.
Die mynbouer het ook tot Julie meer as N$4,4 miljard aan plaaslike dienste en goedere bestee teenoor verlede jaar se besteding van meer as N$3,2 miljard.
Die myn ontwikkel ook klein- en mediumgroottebesighede in die Erongostreek en is die enkel grootste kliënt van klein besighede langs die kus, sê Swakop Uranium.
Met 1 700 voltydse werknemers en meer as 2 000 werknemers wat vir kontrakteurs op Husab werk, is Swakop Uranium ook een van die grootste werkgewers in die plaaslike mynbedryf.
Sowat 12% van dié werknemers is vroue. Die myn gee ook beurse en het onlangs 35 gegradueerdes in ingenieurswese aangestel, terwyl daar elke jaar 85 vakleerlinge vanaf beroepsopleidingsentrums ingeneem word.
Swakop Uranium behoort aan China General Nuclear Power Corporation, die China-Africa Development Fund en aan die regering se Epangelo-mynmaatskappy. Met ’n belegging van US$5 miljard om die myn teen 2016 klaar te bou, is Husab China se grootste enkele belegging in Afrika, die tweede grootste uraanvervaardiger ter wêreld en met 311 000 ton U3O8 is dit die derde grootste uraanhulpbron ter wêreld.
– [email protected]
Kommentaar
Republikein
Geen kommentaar is op hierdie artikel gelaat nie