#RepBrokkies: Nedbank WiM-konferensie vir die derde keer terug

Nedbank Namibia het hul borgskap aangekondig van die Nedbank Women in Media (WiM)-konferensie wat op 27 Mei 2023 in Windhoek plaasvind, wat daarop gefokus is om hindernisse te verbreek, verandering mee te bring, en die krag van vrouestemme te vier.

Nedbank glo dat verbintenis tot geslagsgelykheid noodsaakliker as ooit is, aangesien vroue in die mediabedryf geslagsverskille in leierskap, geestesgesondheid, deskundige verteenwoordiging, aanlyn vyandigheid en teistering,en stereotipiese uitbeeldings in die gesig staar.

Selma Kaulinge, kommunikasie- en skakelbestuurder van Nedbank Namibia, het gesê die bank is bevoorreg om die WiM-inisiatief by te staan. "Ons borgskap is 'n bevestiging van ons verbintenis om geslagsgelykheid te ondersteun en te bevorder, nie net binne die mediabedryf nie, maar deur die hele samelewing."

Jong vroue wat die mediabedryf wil betree, kan uitsien na 'n buitengewone geleentheid om van die beste in die sektor te leer terwyl hulle 'n gevoel van gemeenskap onder beide ervare professionele persone en nuwelinge kweek.