Stem nou vir jou gunstelling bruidspaar in Republikein se opwindende kompetisie!

Hier is die 30 semi-finaliste in vanjaar se Republikein Bruidspaar van die Jaar-kompetisie. En wat ’n uitdagende proses was dit nie! Uit die 226 inskrywings – die meeste nóg wat in die verloop van die kompetisie ontvang is – was dit volgens die beoordelingspaneel baie moeilik om net 30 uit te soek. Volgens die organiseerders, Gerine Hoff en Carmen Stenger, het die beoordelaars gekyk na die foto’s wat ingestuur het, maar was hulle briewe ’n deurslaggewende faktor. Nou lê die keuse van wie die top 10 gaan wees in die hande van die publiek. Sien die advertensie elders op hierdie bladsy vir meer besonderhede oor hoe om vir jou gunstelling paartjie te stem. Die top 10 word op Woensdag 3 April aangekondig voor die finaal op 25 April tydens die Toerisme Ekspo in die hoofstad.