Toptalent van Namibiese TV vereer

Die tweede jaarlikse NTV-toekennings het Donderdag by die Nasionale Teater van Namibië plaasgevind ter viering van die land se voorste televisie-aanbieders en -programme.Die toekenningseremonie is aangebied deur die bekroonde NTV-aanbieder Diana Masters en is regstreeks op DStv-kanaal 285, GOtv-kanaal 25, ONEUPTWO.COM en Network Media Hub (NMH) se YouTube-kanaal uitgesaai.Nuusredakteur van Republikein, Henriette Lamprecht en mede-aanbieder Jo-Maré Duddy, se gewilde program Uitspeel, is as leefstylprogram van die jaar gekroon. Vanjaar het die toekennings die gesogte Dr. Sam Nujoma Mediabeskermheer-toekenning bekend gestel om individue te vereer wat die waardes van integriteit, dapperheid en toewyding tot mediavryheid bevorder. Ernst Venzke is erken vir sy jarelange bydrae tot die medialandskap.Evening Review het met die gesogte program van die jaar-toekenning weggestap. Aanbieder Toivo Ndjebela het gesê die program verskaf ’n platform vir openbare debat. “Evening Review is nou ’n huishoudelike naam danksy die ongelooflike ondersteuning van ons gehoor.”Ndjebela is ook as die aanbieder van die jaar gekroon, Brian Munango as sportaanbieder en Miss Gideon vir die vermaaklikheidsprogram Tjil se persoonlikheid van die jaar. Ander programwenners is Agenda vir aktuele sake, Gooi Kole vir sport en Generation C vir die MyZone-program van die jaar. Die 2025 NTV-toekennings is met trots deur The Allan Gray Orbis-stigting, NamPost, Tamasa Fine Merchants, Mutete Juice Namibia en Enjoy geborg.

Toptalent van Namibiese TV vereer

Kommentaar

Republikein 2025-04-22

Meld asseblief aan om kommentaar te lewer

Toptalent van Namibiese TV vereer

Kommentaar

Republikein 2025-04-22

Meld asseblief aan om kommentaar te lewer

MELD AAN

Advertensie