Beeste hoort nie in Bwabwata, sê minister
Staande komitee vorder met verslag
Die Hambukushu se eise vir plaasgrond en veeboerdery binne die nasionale park word ondersoek.
Die minister van die omgewing, bosbou en toerisme, Pohamba Shifeta, dring daarop aan dat vee nie in die Bwabwata Nasionale Park toegelaat moet word nie.
Hy sê die gebied waarin die park geleë is, is vatbaar vir veesiektes.
“Die teenwoordigheid van vee hou ’n gevaar in dat longsiekte in die Zambezistreek en Botswana kan versprei, asook bek-en-klouseer vanaf die Kavango-Oosstreek na die weste, en verder,” sê hy.
Die toekenning van boerdery-eenhede in die park sal nadelig vir dieresiektebeheer wees en sal verwoestende gevolge vir die plaaslike ekonomie hê, voeg hy by.
Shifeta het Donderdag voor die Nasionale Raad se staande komitee oor grondwetlike en regskwessies verskyn.
Die komitee ondersoek die omstandighede in Bwabwata sedert ’n klagskrif in die verband reeds in Desember 2021 na hulle verwys is.
Konsultasies met belanghebbers het in Maart 2022 begin en volgens die adjunkvoorsitter van die komitee, Paula Kooper, is Shifeta se spreekbeurt die laaste inset wat nodig was voor die komitee sy verslag kan saamstel.
Die klagskrif maak onder meer melding van die ontwikkeling van toerisme in die Mahango-kerngebeid wat tot voordeel van die Hambukushu Tradisionele Owerheid sou strek, wat die regering reeds lankal belowe.
Die Hambukushu wil ook plaasgrond binne die park hê en dring daarop aan dat die toekoms van die park met hulle bespreek moet word.
Die klagskrif daag die wettigheid van die proklamasie van die park uit en die Hambukushu Fumu (opperhoof), Ervin Munika Mbambo, dring daarop aan dat beesboerdery binne die park toegelaat moet word.
Die komitee het reeds met Mbambo vergader, en die goewerneur in die Kavango-Oosstreek, ’n raadslid vanaf die Mukwe-kiesafdeling, die Hambukushu Tradisionele Owerheid en die gemeenskap, asook die Kyaramacan-vereniging, die gemeenskap van Omega 1 en die Khwe-gemeenskappe wat binne Bwabwata bly, is geraadpleeg, sê sy.
Verder is daar ook met senior amptenare van die ministerie van stedelike en landelike ontwikkeling, die ministerie van landbou, water en grondhervorming en Shifeta se eie ministerie vergader.
Die landbouministerie het in Junie verlede jaar aan die komitee bevestig dat byna 170 inwoners met meer as 8 000 beeste binne die park boer.
Dit ten spyte van die regering se verbod op beeste in die Bwabwata vanaf 1999.
Shifeta verwys ook na die kabinetsbesluit in 1999 wat beeste binne enige ander natuurpark in die noordooste van Namibië verbied.
Die toerismeminister sê Bwabwata is in 2007 gevestig deur die samevoeging van die ou Caprivi-natuurpark, die Caprivi-wildpark en die Mahango-wildpark, wat onderskeidelik in 1963, 1966 en 1989 gevestig is.
Die park word nou ingevolge die Natuurbewaringsordonnansie no. 4 van 1975 bestuur, wat uitdruklik die minister die mag gee om nasionale parke en natuurreserwes te beheer, te bestuur en te onderhou.
– [email protected]
Hy sê die gebied waarin die park geleë is, is vatbaar vir veesiektes.
“Die teenwoordigheid van vee hou ’n gevaar in dat longsiekte in die Zambezistreek en Botswana kan versprei, asook bek-en-klouseer vanaf die Kavango-Oosstreek na die weste, en verder,” sê hy.
Die toekenning van boerdery-eenhede in die park sal nadelig vir dieresiektebeheer wees en sal verwoestende gevolge vir die plaaslike ekonomie hê, voeg hy by.
Shifeta het Donderdag voor die Nasionale Raad se staande komitee oor grondwetlike en regskwessies verskyn.
Die komitee ondersoek die omstandighede in Bwabwata sedert ’n klagskrif in die verband reeds in Desember 2021 na hulle verwys is.
Konsultasies met belanghebbers het in Maart 2022 begin en volgens die adjunkvoorsitter van die komitee, Paula Kooper, is Shifeta se spreekbeurt die laaste inset wat nodig was voor die komitee sy verslag kan saamstel.
Die klagskrif maak onder meer melding van die ontwikkeling van toerisme in die Mahango-kerngebeid wat tot voordeel van die Hambukushu Tradisionele Owerheid sou strek, wat die regering reeds lankal belowe.
Die Hambukushu wil ook plaasgrond binne die park hê en dring daarop aan dat die toekoms van die park met hulle bespreek moet word.
Die klagskrif daag die wettigheid van die proklamasie van die park uit en die Hambukushu Fumu (opperhoof), Ervin Munika Mbambo, dring daarop aan dat beesboerdery binne die park toegelaat moet word.
Die komitee het reeds met Mbambo vergader, en die goewerneur in die Kavango-Oosstreek, ’n raadslid vanaf die Mukwe-kiesafdeling, die Hambukushu Tradisionele Owerheid en die gemeenskap, asook die Kyaramacan-vereniging, die gemeenskap van Omega 1 en die Khwe-gemeenskappe wat binne Bwabwata bly, is geraadpleeg, sê sy.
Verder is daar ook met senior amptenare van die ministerie van stedelike en landelike ontwikkeling, die ministerie van landbou, water en grondhervorming en Shifeta se eie ministerie vergader.
Die landbouministerie het in Junie verlede jaar aan die komitee bevestig dat byna 170 inwoners met meer as 8 000 beeste binne die park boer.
Dit ten spyte van die regering se verbod op beeste in die Bwabwata vanaf 1999.
Shifeta verwys ook na die kabinetsbesluit in 1999 wat beeste binne enige ander natuurpark in die noordooste van Namibië verbied.
Die toerismeminister sê Bwabwata is in 2007 gevestig deur die samevoeging van die ou Caprivi-natuurpark, die Caprivi-wildpark en die Mahango-wildpark, wat onderskeidelik in 1963, 1966 en 1989 gevestig is.
Die park word nou ingevolge die Natuurbewaringsordonnansie no. 4 van 1975 bestuur, wat uitdruklik die minister die mag gee om nasionale parke en natuurreserwes te beheer, te bestuur en te onderhou.
– [email protected]
Kommentaar
Republikein
Geen kommentaar is op hierdie artikel gelaat nie