Markte, straatligte en parke in Rehoboth se visier
Jemima Beukes - Nuwe uitbreidings, voorafbetaalde krag- en watermeters, ontspanningsparke, markte en straatligte is deel van die drome en doelwitte van die Rehoboth-dorpsraad se begroting vir die 2024-’2025-finansiële jaar.
Dié sleutelprioriteite en kapitale projekte word volgens die dorpsraad se finansiële bestuurder, Zeino Theron, self gefinansier en beloop N$51 miljoen. Die oop markte word vir Blok E en B beplan, terwyl die opgradering van infrastruktuur vir inligting- en kommunikasietegnologie, sowel as die vervanging van transformators ook onder die kapitale projekte val.
Die raad het N$261 miljoen vir dieselfde finansiële jaar bewillig vir munisipale operasies en ontwikkelingsprojekte. Volgens Theron is dit ‘n afname van 5% teenoor verlede jaar. Uit die N$261 miljoen is N$72 miljoen vir personeeluitgawes, N$110 vir algemene uitgawes, N$13 miljoen vir herstel en instandhouding en N$64 miljoen vir kapitale uitgawes geoormerk.
‘n Bykomende N$7 miljoen is ook geoormerk vir die rehabilitasie van oksidasiedamme, danksy die ministerie van stedelike en landelike ontwikkeling.
Die Padfondsadministrasie (RFA) het N$4 miljoen vir die instandhouding en konstruksie van paaie binne die munisipale gebied beloof.
Tydens die raad se algemene vergadering het inwoners van die dorp voorgestel dat ‘n dinkskrum deur die gemeenskap geskep word om idees en voorstelle by te dra vir die verbetering van die plaaslike ekonomie en om hul toewyding tot aktiewe burgerlike betrokkenheid te weerspieël.
Rehoboth se burgemeester, Amanda Groenewaldt, het deursigtigheid en verantwoordbaarheid in bestuur beklemtoon.
“As deel van ons pogings om deursigtig te bly en deur die kiesers verantwoordbaar gehou te word, is die inisiatief ‘n nodige en vereiste proses om ons prestasie in die lewering van dienste en die insameling van inkomste te meet en sodoende bestuur sowel as die politieke verteenwoordigers verantwoordbaar vir hulle dag tot dag werksaamhede te hou,” het Groenewaldt gesê. – [email protected]
Dié sleutelprioriteite en kapitale projekte word volgens die dorpsraad se finansiële bestuurder, Zeino Theron, self gefinansier en beloop N$51 miljoen. Die oop markte word vir Blok E en B beplan, terwyl die opgradering van infrastruktuur vir inligting- en kommunikasietegnologie, sowel as die vervanging van transformators ook onder die kapitale projekte val.
Die raad het N$261 miljoen vir dieselfde finansiële jaar bewillig vir munisipale operasies en ontwikkelingsprojekte. Volgens Theron is dit ‘n afname van 5% teenoor verlede jaar. Uit die N$261 miljoen is N$72 miljoen vir personeeluitgawes, N$110 vir algemene uitgawes, N$13 miljoen vir herstel en instandhouding en N$64 miljoen vir kapitale uitgawes geoormerk.
‘n Bykomende N$7 miljoen is ook geoormerk vir die rehabilitasie van oksidasiedamme, danksy die ministerie van stedelike en landelike ontwikkeling.
Die Padfondsadministrasie (RFA) het N$4 miljoen vir die instandhouding en konstruksie van paaie binne die munisipale gebied beloof.
Tydens die raad se algemene vergadering het inwoners van die dorp voorgestel dat ‘n dinkskrum deur die gemeenskap geskep word om idees en voorstelle by te dra vir die verbetering van die plaaslike ekonomie en om hul toewyding tot aktiewe burgerlike betrokkenheid te weerspieël.
Rehoboth se burgemeester, Amanda Groenewaldt, het deursigtigheid en verantwoordbaarheid in bestuur beklemtoon.
“As deel van ons pogings om deursigtig te bly en deur die kiesers verantwoordbaar gehou te word, is die inisiatief ‘n nodige en vereiste proses om ons prestasie in die lewering van dienste en die insameling van inkomste te meet en sodoende bestuur sowel as die politieke verteenwoordigers verantwoordbaar vir hulle dag tot dag werksaamhede te hou,” het Groenewaldt gesê. – [email protected]
Kommentaar
Republikein
Geen kommentaar is op hierdie artikel gelaat nie